~®§§][][ هديتي لكم شرح كامل بالصور -][][§§®~ 2024.

السلام عليكم ورحمة الله وبركاته

حبيباتي بنات عروس الطيبين
اليوم حبيت أقدم لكم [ لوك ] يمكن مو جديد عند البعض
لكن ماحد يختلف على انه لوك حلو ويناسب الكل
ولا خلينا نقول [ الأغلب ]

والادوات اللي استخدمتها
ادوات ماراح تكلفك شي كثير أبد
وراح تعطيك لوك ولا أروع

خلونا نسمي بالله
ونبدا الشغل :

أول شي نشوف اللوك اللي نبي نوصل له
انا دورت الصوره الأقرب
وكانت هذي الصوره هي الأقرب
للـ اللوك اللي سويته :

الحين خلونا نشوف الأدوات اللي نحتاجها :

[ أدري ان التصوير مو لهناك لكن الصور اللي ماكانت واضحه
مره رحت جبتها من الانترنت ]

:

وفي بداية أي [ ميك أب ]
أبي أترك كل وحده وراحتها ..
في اختيارها للـ بيس والاساس والبودرهـ
يعني كل وحده وعلى ماتعودت عليه
وراح نركز أكثر شي على العين ..

:

في البداية
نحط الكونسيلر المناسب للعين ..
ونوزعه تمام التمام

بعدها أنا احب دايم استخدم منتج من ماركة [ جي.كازانوفا ]
استخدمه كـ قاعده للـ شدو
هذا المنتج اسمه RADIANT TOUCH HI-LIGHT FLUID
لمعته حلوهـ ومناسب في كل وقت
انا استخدمه بالسهرات وفي الدوام

وهذي صورته :

الخطوة الثانية :
نحط بالفرشاهـ اللمعة حقت عظمة الحاجب
من ماك اسمها الـ NYLON
طبعاً معروفه عند الكل ..

وهذي صورتها :

بعد كذا
ناخذ شوي من الاي شدو اللي اسمه JUST GOLD
هو باليت فيه 5 الوان ، رقم الباليت [17]
هـ النوعيه ممتازهـ انا عندي منها يمكن 5 باليتات
بـ الوان مختلفه .. شريتها من سوق الجمله اللي [ بالدمام ]
اللون اللي استخدمته باللوك هو اللون الوسطي بالضبط !

وهذي صورته :

الحين نحط فوق هـ اللون لمعه ثانيه من ماركة
D.M.DM = DAZZLING MONO EYESHADOW
اسم الشدو اللي استخدمته DAZZLING SILVER -11
هذا لونه أبيض على انعكاسات ذهبيه
يعني لو اقولكم قد ايش هـ الماركه روعه ماراح يكفيني
الى سنه قدام .. انا عندي من هـ اللمعات يمكن 4 الوان
غير الشدوهات ..

انا شريته من سوق الجمله بـ [ الدمام ] ولقيته في مارينا مول
عند محل فينيسيا الدور الثاني

وهذي صورته :

الحين بعد ماحطينا اللونين فوق بعض
راح يعطينا لون ثاني تماماً

نبدا الحين نكحل العين
انا ما استغني عن كحل [ جي.كازانوفا ] السائل
لونه أسود فحمي .. حتى لانكوم ماصار يعبي عيني أبد
الحلو فيه انه اسود فحمي وبارد على العين
يعني مايحرق لو دخل بالعين ..
ورخيص انا اخذه بـ35 ريال

وهذي صورته :

انا كحلت عيني من فوق بالكحل السائل
ومن تحت كحلتها بكحل نوبا الأسود

وهذي صورته

الحين بعد ماكحلنا العين
نجيب شوي من الشادو البني
ونحطه من الزاويه الخارجيه للعين على شكل قوس صغير
وبفرشة الدمج ندمج اللون لفوق شوي ولبرا بحركات خفيفه
انا استخدمت الشدو البني حق نوبا
لونه مره رايق وعليه انعكاس برونزي على ذهبي
رقمه 319 .. ماركة نوبا أول كانت تنباع في مكياجي
الحين لأ مدري وش القصه
انا اخذها من [ مارينا مول ] من محل فينيسيا بالدور الثاني

وهذي صورة الشدو البني :

والحين بعد ماسوينا الزاويه بالشدو البني
نسوي شكل الزاويه الحاده بالكحل السائل من زاوية
العين الخارجيه الى منتصف الجفن الثابت

وبعدين ندمج الكحل بالشدو البني على الجفن الثابت
وبعدها ندمج الكحل اسفل العين مع الشدو البني من زاوية العين الخارجيه
الى منتصف اسفل العين ..

بعد ما تشتت اللون حطيت الشدو البني مره ثانيه على الزوايه
ودمجته ..

وحطيت بعدها زاويه بشدو ماك الأسود [ كاربون ]
وهذي صورته :

الحين عاد كان الدمج النهائي
جلست ادمج اللونين البني الغامق والأسود
الين وصلت الى النتيجه اللي ابيها

بعدين عدت على الكحل الاسود السائل من فوق
وكحل نوبا القلم من تحت

وحطيت ماسكرا رويال الحمرا
ماسكرا رهيبه وحلوهـ تعطي طول وكثافه

وهذي صورتها :

وبعد كذا
عدت على اضاءة الحاجب اللي من ماك [ النايلون ]
وحطيت فوقها لمعه عجيبه .. هي بودره مضغوطه
بيضاء وفيها حبات ذهبيه قوية مره
مكتوب عليها JOKO COSMETICS – COLOUR COLLECTION

حطيتها على عظمة الحاجب ومن الزاويه الداخليه للعين
عشان تعطي اتساع .. ونشرتها برا على خفيف
وعلى عظمة الخد خفيف

وهذي صورتها :

:

وبكذا خلصنا رسمة العين ..
نجي للـ بلاشر
انا احط بلاشر كريمي من ريد ايرث
لونه روزي خفيف .. لاني ماحب استخدم البلاشر كثير

وهذي صورة البلاشر :

بعدها حطيت روج خفيف
من علبة أروج عندي فيها 22 لون
انا اخترت اللون اللحمي وبالنص حطيت
لون ذهبي خفيف طلع روعه

وهذا صورة اللون اللحمي :