:السلام عليكم ورحمة الله وبركاته
موضوعي من غير مقدمات :L:
للعرايس اللي زواجهم على الباب وماباقيله إلا أيام وليالي:p
بنات راح أعطيكم شوية نصائح متخصصه بس في شهر العسل 😮 ياعسل
نبدأ بسم الله
شهر العسل أحدى أهم السفرات المميزه بحياة كل بنت 
لكن هذي سفره مختلفه , مختلفه بكل تفاصيلها
لأسباب كثيره :
1 / كل أغراضك فيها جديد * جديد .
2 / معك واحد يدلعك وياخذ بخاطرك ويادهينه لا تنكتين , مو دايم هو بيكون كذا 
3 / تحسين باحساس غريب كذا انه بداية شي في حياتك , شي كبير , تكوين أسره وأشياء كبيره 
4 / يمكن فيها أول مره تلبسين قميص نوم وتجربين أشياء جديده عليك 
بس خلاص مو هذا موضوعنا
الزبده انو لازم تكونين مستعده لهذي السفره علشان تستمعين فيها
هو عليه الحجوزات وكل شي وانتي عليك أغراضك ونفسيتك الحلوه بسسسسسسسس:L:
وكثير بنات يهملون تجهيزهم لهذي السفره مع انها تاخذ تقريبا 20 يوم وما يرتبون شنطهم الا قبل الزواج بيوم والا يوم الزواج خطأ يا عروستي خطأ
المفروض تكون مسكره قبل زواجك ب 4 أيام أقل شي , لأن وقتها بتكونين مشتته, ومن مصلحتك تبكرين فيها علشان مع الوقت يمكن تتذكرين حاجه من احتياجاتك ما حطيتيها ,
بسفرتك مع أهلك يمكن تاخذين بس جينزين أو 3 والباقي بديات لكن يمكن مالك نفس تكشخين أو محد شايفك لكن بشهر العسل
وش تبين ولد الناس يقول عنك ؟ وين ودت مهري ؟ :hysterical:
وبعدين ليش مخبيه ملابسك ؟ عشان طلعات حمولتك ؟ راس المال هو , والكشخه له هو:cool:
بمعنى
لا تاخذين كل أغراضك ولكن لا تخلين شي
مستعدات ؟
مشينا 
أول شي نشوف البلد الي بنروح له , جوه كيف ؟ لا تدربلين راسك وتعبين الشنطه وانتي ماتعرفين وش الجو الي مقبله عليه وتذكري : سوا كان دافي أو بارد , بنحسب حساب للجو الثاني لكن حساب شوي مو كثير يعني حتى لو عرفتي ان الجو هناك مش بارد , خذي معك جكيتين , للاحتياط , اذ جو السعوديه يستهبل ويقلب كيف هناك ؟ واحتمال تروحون مدينه ثانيه , واحتمال بالليل الجو يبرّد , احتمالات كثير , لا تقولين ما قلت
بخصوص الملابس كل وحده براسها وتعرف خلاصها رجاء لا تكررين اللبس أكثر من مرتين في حالة ان سفرتك اسبوعين . ملابس النوم البجامه تلبس يوم الى يومين فقط حتى لو تحممتي بالنص , وبعدين تتغير , بلخص الاشياء الي لا تنسونها بالشنطه .
1 / شرابات , حطيها وما جاك علي .
2/ علبة خياطه : عباره عن علبه صغيره فيها ابره وخيط وكذا شي . مع ان انا عندي احساس اننا صرنا بعصر مانبي نسوي شي , يعني لو انقطع زرارك ممكن ترمين كل لبسك وتغيرينه .:confused:
3/ نظارات شمسيه : 1 أو 2 أو 3 . على حسب طبيعتك .
4/ مكواة صغيره .
5/شاحن الجوال .
6/ شنطة الصيدليه : خمني احتياجاتك وحطيها بشنطه صغيره ولا تنسين الفوط . نصيحه خذي اغلب الاغراض .
7/كاميرة تصوير . وهنا أحط مليون خط . اشتري كاميرا لو ما عندك , ديجتال طبعا , وميموري لزيادة سعتها , ولا تنسين الشاحن تبعها .( صوري كل اللحظات الحلوه بهالسفره وياليت الصور تكون بالتاريخ ولما ترجعين جيبي البوم صور كبير ومرتب وفي البومات خاصه لشهر العسل وثقي فيها كل شي علشان يشوفونها عيالك لا أمزح أقصد تتفرجون عليها سوا بعدين ):adore:
8/ شنطة صغيره فيها : الصابون + الشامبو + شاور جل + بدي لوشن + باودر . بمعنى خذي لك طقم كامل للاستحمام .
9/ روب واحد للاستحمام + روبين أو أكثر للجلسه بالغرفه + مناشف " فوط صغيره للوجه " .
10 / بما ان مافيه أحد يشقرلك حواجبك هناك لا تنسين المشقر لو تستخدمينه كلها أسبوع أو 10 أيام وتطلعين على حقيقتك , تداركي هذا الأمر .
11/ فواحه معها زيوت معطره للجو .
12 / الشي الي يتركب على الجدار للنامس يمكن يكون شهر عسلك بجزيرة أو بمنطقه حاره ورطبه وتكثر هذي الأشياء هناك .
13 / نفسه الي يتركب فوق لكذا هذا معطر للجو , ركبيه بالحمام علشان ما تتأزمين وقت استخدامك للحمام , وراح يعطر لك الجو ويقوم بالمهمه .
14/ كريم وقايه من أشعة الشمس .
15/ عطرين أو ثلاثه + الديودرنت + بودة للجسم أو زبدة أو أي شي من هذا القبيل أشتريتيه وقت التجهيز , خذي معك طقم كامل من الكريمات ومعها عطرها , ولا تكثرين من المجموعات , 1 أو 2 كفايه .
16/ نوته صغيره وقلم : يمكن حابه تكتبين شي للذكرى , يمكن بتكتبين له شي , يمكن ويمكن, خذيها وبس .:!!:
17/ بالفنادق غالبا يكون موجود غلايه للمويه الحاره ومعها شاي وسكر فقط , لكن مافيه مشكله لو أخذتي معك مغلفات قهوه من النوع الي تحبينه لو مسكت معك قهوه ومو وقت طلب أو طلعه .
18/ خذي سليبر معك تدورين فيه داخل الفندق مع البجاما أو القميص , خذي معك من 2 الى 4 أعتقد يكفي.
19/ يباع في الصيديلات كلوتات الاستخدام اليومي الي ماتعرفها هذا كيلوت شبه ورقي تلبسينه مره وترمينه بالزباله , أفضل انكم تشترون مجموعه تلبسينها وقت الطلعه وترمينها بعد ما ترجعين .
20 / سجادة وشرشف للصلاة + كتيب أذكار المسلم + قرآن صغير .
وهنا أبي أنوه على نقطه , فيه سجاجيد صغيره بحجم كف اليد بلاستيكيه تنحط بكيسة صغيره تلقونها ماعرف وين حلوه تاخذينها معك بشنطتك وقت المشاوير الطويله الي ما تقدرين ترجعين الفندق علشان ما تأخرين الصلاة .
21/ هذي النقطه لفمك أرجوك , لازم يكون أنظف شي بالعالم وأحلى شي بالعالم
لا تنسين الشنطة الخاصه فيه ( المعجون والفرشاة + الغسول المطهر + العلوك والحلويات
+أعواد أسنان )
22 / أكياس فاضيه , مش شفافه , وحجمها مناسب .
عروساتي الحلوات , بين كل لبس في شنطة شهر العسل بنحط
أوراق معطره من ستي بلازا , موجوده بأكثر من ريحه
وتخلي ملابسك :thumbs_up::adore::worn_out:
طقم الشنط يكون 3 أو 4 قطع , شنطة وحده ما تكفي
بناخذ معنا الشنطه أكبر حجم , والصغيره , الصغيره مش الي تنشال باليد
لا الي تنجر
الكبيره للملابس ( اللانجري , الاندر وير , البناطيل , البديات , الجكيتات , تنورات قصيرها لفوطه والروب , الشرابات , والشنط ) بس
الصغيره :
( [COLOR="rgb(221, 160, 221)"]العطور , كل عدة الجسم والشعر وووووالفم والحمام + شنطة الصيدلية[/COLOR] )
مكياج ماراح نكثر ذهب ماراح ناخذ
1 / بنروح أي هايبر ماركت , ندور بقسم الشاي , نلقى مغلفات للكمون والدارسين
جدا رائعه . ما نحتاج أمنا تسويها لنا وقت الدوره لكن لو فرضا دخلك برد
وجعك بطنك , أقرب مويه حاره غطي وشربي
2/ ممكن تاخذين معك لعبه أو لعبتين وقت الطفش
بتجي أيام ترجعون الفندق بدري ومو كله مقابلين بعض لا مانع من بعض الألعاب
3/ هذي الأيام أيام التجهيز اشتري له لبس كامل من مجاميعو وخذيه معك شهر العسل وقبل لا تطلعون طلعي له لبسه قولي شفته اشتيهته عليك
وعادي لو لبستيه انتي
وأخيرا وليس آخرا , عيشي وقتك وعيشي حياتك واستمتعي بأجمل لحظاتك
لا تنكدين على نفسك وقت السفر وتتذكرين أهلك وتبكين أو تكلمينهم كل شوي
أو تتهاوشين معه , أهلك ماراح يطيرون لكن السفره هذي بتظل ببالك وانتي الخسرانه لو ما استفدتي وعشتيها صح , لا تهملين الصلاة وقت السفر والطلعات الطويلة
وبس إلى الآن
بس لي رجعه بإذن المولى في مواضيع أخرى….
فوتكم بعافيه:L::L:
نصائح تماااام
يعطيج العافيه احس روحي وايد استفدت منج
خصوصا وانا اذا اسافر مع الاهل اجهز الشنطه
بيوم السفر قبل موعد السفر بساعه ساعتين
ونص اغراضي انساهم واضطر اني اشتري من
الديره الي اروح لها..
حقا موضوع رائع ومفيد
وكلاماتك ونصائحك اروع
جزاكي الله خيراا
وفي انتظار كل جديدك