عزيزاتي لكثرة المواضيع وتشعبها انا اطلب من الكل انها تحط حل استخدمتو بشكل شخصي وفاد معاها في مشكلة سواد المفاصل … وانشالله الكل يستفيد .. وعشان لاتكثر عليها الاسأله المطلوب الاجابة عنه …
1- الخلطة الي استخدمتها بادق ادق التفاصيل .
2- المدة الي استغرقتها ومرات الاستخدام وطريقتها.
3 – واذا في اعراض جانبية للخلطة ياليت تذكرها . << معنى انو كثرة استخدام الليمون والخل على البشرة يعرضها للتجاعيد وغير ان الليمون مايصلح للكل
معليش اعرف انو كثرت طلبات بس لانها من جد مشكله تجيب الهم :ss:وعلى قد ماسمع من هالخلطات ما اسمع ان وحدة بيضت:confused: فعشان كذا اقولكم تجربه شخصية (i)… انشالله نفيد بعض
عليه العوض ومنو العوض :cry::cry:
اما اذا كنتي تقصدين الركب بصرااحه ولا خلطه يابت وياي نتيجه بالعكس النتايج كانت عكسيه ><"؛
انا غبيه ركبي كانت على لون بشرة جسمي بس حبيت اشوف البياض اللي كانوا يقولون عنه وجربت الليمون وما كنت ادري انه بيسبب لي سواد ><"؛
على العموم ان شالله البنات يعطونج شي يفيدج ويريحج والسموحه …
يعني اول شي
استخدمت خل التفاح المخفف بالماي حق الاكواع والركب
وحطيته في رشاش علشان يكون استخدامه سهل وجااهز
وكل يوم استخمه بالقطن
يعني اول مارجع من الجامعه وقبل ما انام واحيانا قبل ماطلع لبيت جدتي ,,
وفي البدايه طبعا الريحه خاايسه ومو حوه بس ماسرع ماتختفي وتتطاير
والنتيجه
ممتازه بس بيني وبينج كوع واحد صار اوكي يكاد يختفي اللون البني ,, اما الكوع الثاني
استجابته بطيئه ونفس الشي الركب عندي وحده ووحده
وتقريبا صار لي اسبوع او 5 ايام ,, والنتيجه بينت
بس منو قالج ان خل التفاح يجعد ؟ :ss:
انا اشووفه زين وينعم البشره
المهم هذا تجربه
والتجربه الثانيه عصير ليمونه وحده ,,
وكنت ذاك اليوم حافه يعني سويت ثلاثه في واحد
منها اخفف السواد ومنها انعم البشره واخفف نمو الشعر
بس انا مستمره ع الخل اكثر ,,
وبس هذا اللي جربته وحسيت بتقدم معاه (f)
وان شااء الله اكون فدتج
ولاتنسيني من خاالص دعائج 
واضيف
شمع البارافين
انا اسويه فالصالون
عباره عن نوع شمع يذوبونه وتحطين يدج فيه وبعدين يلبسونج كيس نايلون وقفازات رووعه وممكن تسوينه مره كل اسبوع بعد كم مره بتشوفين السواد خف وايد
استخدم خلطات اتخفف السواد بس ما تشيله