أهلين بنات.. أهلين يا العرايس..
هذا الموضوع ان شاء الله بيفيد الكل..
وخاصة الي ما عندها حد تستفسر منه او تستحي تستفسر منه؟؟
——————————–
يالله نبدء بسم الله الرحمن الرحيم..
بنات المقبلات على الزواج او الي اتزوجو..
خلهم يخبرونا كيف رتبو آخر 3 أيام قبل حفل الزفاف..
يعني اليوم الاول شو سوو؟
الثاني شو سوو؟
الثالث الي هو يوم حفل الزفاف قبل المكياج وما مكياج شو سوو؟
يعني اترد علينا وتقولنا:
1- متى سوت حمام المغربي؟
2- متى سوت فيشيل للويه؟
3- متى سوت الحلاوه ما حلاوه؟
4- متى سويت تقشير وتشقير؟
5- متى سوت الحنى؟
6- متى سوت تنظيفات للجسم والبشره؟
7- وشو سوت قبل المكياج؟
8- شو سوت قبل التسريحه؟
9- شو سوت لما لبست الفستان؟ "اتعطرت وادخنت والا رشت بودره ..الخ"
10- كيف رتبت امورها اول ما وصلت الفندق عشان تتلبس او القاعه عشان تتلبس؟!
يالله نتريا ردودكم عشان نستفيد ان شاء الله 
انا زواجي قريب وما ادري كيف ارتب اموري..
تسلمين حبيبتي سنو وايت..
نبا نتعلم عسب نكون جاهزين
( اذا يا يوم و عرست) انا بخبركم عن عمري..
تقريبا في اخر اسبوع .. اخذت فيه راحه بس ارقد واسوي التشطيبات الاخيره على ما يقولون..
1- متى سوت حمام المغربي؟ قبل 4 ايام من العرس
2- متى سوت فيشيل للويه؟قبل 4 ايام من العرس
3- متى سوت الحلاوه ما حلاوه؟5 ايام قبل العرس.. قبل الحمام المغربي
4- متى سويت تقشير وتشقير؟ماسويت
5- متى سوت الحنى؟3 ايام قبل العرس .. قبل ليلة الحنا بليله
6- متى سوت تنظيفات للجسم والبشره؟عنايه كامله تقريبا قبل اسبوعين من العرس
7- وشو سوت قبل المكياج؟8- شو سوت قبل التسريحه؟..
سرت القاعه الساعه 5 العصر بعد نوم لحد الساعه 1 الظهر..سرت القاعه واطالعة الكوشه وكل الترتيبات الباقيه واتسبحت واتدخت وحطيت لي كريمات..ويتني مالت الصالون الساعه 6:30.. بعد ماصليت المغرب والحمد لله
بعد ما خلصت من المكياج والتسريحه ساعدتني راعيت الصالون على لبس الفستان والموجودات وياي ساعدوني على لبس الذهب وتعطرت وااااايد طبعا العطور اللي ما تسوي لون في الفستان.. ومالت الصالون ظبطت اللمسات الاخيره..وسرت اتصور لحد ما جا وقت الزفه
ونصيحه للاخوات .. جيبو الصالون عندكم القاعه او الفندق.. والله وايد اريح وتطلعين احلى.. صحيح شوي اغلى بس راحتج هذيك الليله مهمه.. لاتنسين عندج سهر لين الفجر:shy:
تسلمون الاخوات على الرد واااااااايد..
ومشكوره أختي aldrqa على الرد واااااااايد..
ويزاج الله خير.. والله يخلي لج ريلج وعيالج يا رب.. والله استفدت وايد من ردج واكيد الاخوت الي استفسرو بعد بغو يستفيدون.. ومشكوره وايد :clap:
بس عندي استفسار!؟ بخصوص الكوافيره اليي تيي القاعه؟؟
في بعض الصالونات ما يحبون حد يدش عليهم والا يطلع عليهم وهم يعدلون العروس.. يعصبون بسرعه وعقب يتنرفزون ويسوون اي كلام..
انا افضل ان العروس اتسويه في الصالون لان كل شي متوفر وانتي اترومين اتطالعين شكلج في المنظره وكل الالوان جدامج بدل لتيب الكوافيره اي شادو غير عن اللون الي تبينه واتحط لج اياه؟! هذي وجهت نظري..
مشكورة أختي سنو وايت على الموضوع ….
أختي aldrqa أنا مفكرة أسوي الحمام المغربي قبل الحلاوة أحس أنه أحسن علشان الشعر اللي يكون تحت الجلد يطلع ….بس بغيت أعرف هل لسبب معين إنتي سويتي الحمام المغربي قبل الحلاوة ؟؟؟
وانا معاج أختي aldrqa انه أحسن الكوافيرة تيي الفندق لراحتي أنا بصراحة حجزتها علشان تيي الفندق وزوجي قالي أحسن صحيح إنها بتأخذ أكثر من الدبل بس أحسن لراحتي ….
تحياتي 🙂
انا اقولكم قبل ثلاث ايام ايش سويت
كنت مسويه ليزر لجسمي كله قبل شهر من الزواج والمفروض قبل اسبوع من موعد العرس اروح اسوي جلسه ثانيه بس انشغلت ومارحت
ولازم اسبوع علشان مايطلع لون احمر في البشره يوم العرس .. وكان الشعر خفيف مره وصغير ماينشال بحلاوه فرحت الصالون قبل العرس بيومين ابي اسوي شقير لجسمي كله
وكنت ابي اسوي جلسه تنعيم بالاعشاب بس سويت التشقير قبلها وقالتلي ما اقدر اسويلك الجلسه الحين ولا بتتهيج البشره
وليله العرس رحت صالون ثاني اسوي تشقير حواجب "لان شقير الحواجب مايطول وانا ابيه يجلس اطول فتره ممكنه قبل لايبدء يخرب"
وقبل العرس بيوم رحت للقاعه وحطيت ملابسي هناك .. وقلتلهم يكون لي الفستان والطرحه وحطيت شنطه صغيره فيها الملابس الداخليه وعطر فرنسي وعطر عربي ودهن عود وجل شاور والديودرت ومعجون الاسنان والفرشه وزيت عادي وزيت عطري وبودره وكريم
اهلي كانو بالقاعه من العصر انا مارحت الا بعد صلاه المغرب ولقيتهم محتلين غرفتي "غرفه العروس " لانها اكبر وحمامها احلى
وجلست ادور بالقاعه واشوف الي جالسين يسون الكوشه ويحطون الديكورات ورحت اشوف المشرفات ووريتهم امي وخالتي علشان اذا كانو يبغون شيء .. واكدت عليهم في بعض الاشياء زي المويه تكون على طول تتوزع على المعازيم
وكنت طالبه اضائه خاصه للكوشه وكانت كذا لون واخترت اللون مع المهندسه الي تشغله
وتاكدت من السي دي حق الزفه انه موجود وشغلناه ولازم تاكدين انه فيه احد يشغل السي دي ويعرف كيف يشغله ويفضل قبل يومين تتفقين مع المشرفه ولازم ترجعين تاكدين عليها وقت الزواج وتشغل الزفه قدامك
طبعا في البيت اتحممت وغسلت شعري وانا تروش غسلت جسمي بالملح الناعم .. بعدين حطيت ماسك للجسم بالفواكه وماسك للشعر "حمام زيت" ولما غسلت شعري اخر غسله كانت بليمون مخفف "يعطي لمعه للشعر"وانا اغسل جسمي حطيت زيت كثيير على كل جسمي زيت لوز .. وشغلت الدش على جسمي شوي علشان يشيل الزي الزايد
وماسويت شيء قبل لاتسوي شعري عادي استشورته ولففته .. قبل المكياج رحت غسلت جسمي مره ثانيه وخلط كريم الجسم مع الزيت العطري وحطيته على جسمي كله وحطيت دهن عود بشعري وجسمي وغسلت اسناني وحطتلي المكياج ولما خلصت قعدو يسون شعري
وقبل ماالبس الفستان
حطيت دهن عود مره ثانيه وعطر عربي ولبست الجيبون وحطيت العطر العربي والبودر وبعدين الفستان
وقبل الزفه قريت قران وادعيه :shy:
ومبروك ياعرايس ربي يوفقكم ويسعدكم
وانتبهو من الحمام المغربي الكوافيره لافرك الركب والكوع والمفاصل الي بالجسم علشان ماتصير سودا
انا سويت قبل 5 اسابيع من الزواج مغربي وصارت ركبتي وكوعي وحتى مفاصل يدي سودا ورحت للدكتور قالي مسويه حمام مغربي صح قلتله بس من زمااان من شهر قالي الفرك يسبب السواد هذا وماراح تلحقين تخلينه ابيض ليوم العرس بس بعطيك دواء بيخفف منه واستمري عليه لين متبيض مفاصلك :down:
تحياتي
لك روحي
حبيبتي.. اكيد في المكان اللي بتتجهزين فيه بيكون فيه منظره وغير اللي بتيبها مالت الصالون وياها .. اما عن الالوان فلازم بتكونين مسويه بروفه قبل وتختاري فيها الالوان اللي تناسبج.. ومالت الصالون بتيب لج كل الالوان..اما عن الي ما يحبون احد يشوفهم.. عاد انتي مايخصج فيهم .. انتي بتكونين في الغرفه او ما بتدخلين اي حد .. واتصدقين انا اللي يتني حتى تصوير يوم صوروني اهلي وانا اتمكيج قالت عادي صورو بس لا تطلعوني.. يعني عادي.. وصدقيني في البيت ولا بهدلة الصالون وتطلعين من مكان لمكان ويخترب شعرج وتستويلج سالفه طويله عريضه
ميرهان.. لنفس سببج وبعدين خفت لو تكون المسامات مفتوحه بعد الحلاوه واسوي عليها حمام مغربي…؟؟ ما اعرف شو بتكون النتيجه
أختي aldrqa بس بغيت أسألج إذا ما في كلافة هل صارلج إسوداد في المفاصل مثل ما قالت الأخت لك روحي؟؟؟
خذو معاكم روج يناسب الروج الي بحطه لكم الكوافيره .. احسن شيء محدد وجلوس شفاف علشان يطول
انا نسيت الشنطه الي حاطه فيها الروج .. ولما راحت الكوافيره قعندنا نصور شوي وراح الروج .. واتبهذلت قعت ادور روج من خالاتي كلهم معاهم اغمق من الي ابيه
واذا ماكنتي تعرفين بالضبط اللون الي بتحطه احسن شيء تاخذين زهري فاتح مره فاتح علشان يصير التركيز على العين ومكياج الشفايف يكون خفيف