آلة الجديدة ,, تنصحوني بها ؟؟ 2024.

آنا أبي اشتري آلة نزع الشعر (( براون )) هي جديدة شفتها قبل كم يوم في محل ألكترونيات في مدينة عيسى اللي قبال السوق الشعبية , عجبتني وايد بمميزاتها , فيها شفرات خاصة >> للجسم – للإبط – للمنطقة الحساسة – للوجه

بس ما أدري أحد جربها لولا , محتارة آخذها لولا

بشنو تنصحوني ؟؟؟

بس الوحدة تحتار
من خلال المواضيع في المنتدى عن ايهما افضل للمنطقة الحساسة الموس او الشيرة صارت الوحدة محتارة

أنا طبعا مستحيل أقرب للشيرة بالنسبة لهالمنطقة

يالله , آنا راح أتوكل على الله و أشتريها رغم ان سعرها شوي غالي ( 59 دينار تقريبا )

إذا كنتي من البحرين فآنا اشتريتها من ( هوم ألكترونكس ) اللي بمدينة عيسى

اذا رحتي اهي موجودة مباشرة عند المدخل على لوحة عرض

عاد آنا يوم أروح كانت هناك وحدة تروّج لها وعرفتني على انواعها

البراون اعتقد 3 أشكال >>
1- آلة البراون للصبايا
2- آلة البراون للعروس

3- آلة البراون المتطورة الحديثة اللي آنا اشتريتها
العلبة تبعتها لونها وردي وهي 3 انواع ( الوردية – الزرقاء – البيضاء )
مكتوب عليها
BRAUN
silk.epil xpressive
سيلك براون

وعلى الجنب مكتوب ( نظام رفع الشعر الحائز على براءة الإختراع )

والثلاث ألوان كل وحدة تزيد عن ثانية بمميزات مثلا وحدة فيها شاحن كهربائي ووحدة تشتغل على الكهرباء
ووحدة مثلا فيها كل الشفرات ووحدة فيها أقل وهكذااا

وعندي كتيب صغير فيها مواصفات كل وحدة بكتبهم لج

البيضاء >> فيها كل المميزات
– رأس قياسي لإزالة الشعر
– رأس لإزالة الشعر تحت الإبطين
– رأس حلاقة وملحق تشذيب
– ملحق لإزالة شعر الوجه
– قابلة لإعادة الشحن
– قابلة للغسل بالكامل >>>> ونااااااااااسة اخليها تحت الماي وأشطفها
– عجلات تدليك متطورة
– ضوء كشاف >> وااااااااااااايد حلو ومفيد وانتي تشيلين الشعر يكون فيه ضوء يساعدج

* الزرقاء :
فيها المواصفات السابقة ماعدا ( غير قابلة للشحن >> يعني تستخدمينها واهي على الكهرباء عكس البيضاء الي تشحنينها وتشيلين واير الكهرباء وتستخدمينها بدون وايرات )

* الوردية :
فيها كل المواصفات السابقة ماعدا ( مافيها رأس حلاقة – مافيها ملحق إزالة شعر الوجه – غير قابلة للشحن )

وطبعا هالنوع بألوانه الثلاثة اهو اجدد نوع

آنا عن نفسي اشتريت البيضاء اللي بيها كل المواصفات وبصراحة مستانسة بها
طبعا ربما يختلف من وحدة لوحدة بس عني انا شخصيا فادتني كثير

استخدم لليدين والرجلين ملحق إزلة الشعر >> يوم شلته أطالع مثل اذا شلت حلاوة
واستخدم للمنطقة الحساسة ملحق الحلاقة >> وايد مريح ويخلي المنطقة ناعمة
واستخدمت مرة لوجهي ( أقصد الشنب ) ملحق إزلة شعر الوجه >> مؤلم اول مرة بس النتيجة مذهلة

وكلما اتعودتي عليها راح تصير العملية سهلة ومريحة

نصيحة >> البعض تشيل بالآلة وتنتظر شهر على ماتشيل مرة ثانية وتشتكي انها مؤلمة وما أدري شنو انصحج لا تتأخرين في إزالة الشعر كلما كان صغار أو متوسط وطوله مناسب كلما كان مريح وسهل

ومثل ما قلت انا أتكلم عن تجربتي الشخصية لهذه الآلة … يمكن تجي وحدة وتكتب تجربة مختلفة تماما وعكس تجربتي .. فأقول لكم كل وحدة تختلف عن الثانية >> حساسية بشرتها , كمية الشعر … وهكذا