نزلت أمس هذا الموضوع في قسم البشرة واتقفل وأنا أعتذر للمشرفه العزيزه بنت عذاري
لاني اعتقدت ان قسم البشره هو القسم المناسب وفكرت انو هذا القسم لاستفسارات الخلطات
الطبيعيه فقط ..
وكان هذا موضوعي……
قبل فترة نزلت في قسم التسوق آلة الليزر المنزلية لازالة الشعر
وكنت اتمنى احصل عليها لكن ماكتب لي الله نصيب فيها ..
وعملت ليزر في مركز طبي وكانت النتيجه رااااااائعه لكن ماقدرت اكمل لانها مكلفه جدا ..
وحبيت اسألكم مين جربت آلة الليزر المنزلية ؟؟ وكيف نتائجها ؟؟
وكيف أحصل عليها الآن ؟؟ ..
وهذي صورة الآلة
وسألتني الاخت العروسه المصريه عن تكلفة الليزر بالمراكز الطبيه
بالنسبه لي عملت ابطين ب 400 ريال سعودي
وفي نفس المركز يعملوا جسم كامل ب 2700 ريال سعودي …
وجزاكم الله خير ..
اتمنى مين جربت الاله المنزليه تفيدني ..
ومين منكم تقدر تجيبها لي انا من الرياض ..
طيب حبيبتي ممكن اسال انتي باي مركز سويتي الليزر وهل كان في وجع ولا لا ؟؟؟
شكرا
انا عني ما استعملت ها الجهاز…
يمنع وضع رابط لمواقع أخرى
الغاليه دخلت اكثر عن منتدى اجنبي و اغلبيه الاراء اللي استخدموه تقول لا تستخدميه .. وما يعطي نتيجه مثل ما يقولون ..
بس انا اقول خليج على جلسات الليزر ويا المتخصصين احسن لان الليزر خطير و تسبب حروق في الجلد وندب اذا استخدمت استخدام غلط…يعني بالذمه اجهزه الليزر المعقده و الغاليه واااايد و اللي بس الصيانه السنويه عليها تكلف فوق 25000 درهم واللي موجوده في المراكز المتتخصصصه تتقارن بهالجهاز البسيط اللي جيمته ما تتجاوز 1000 درهم ..
اجهزه الليزر المنزليه واللي من ضمنها هذا الجهاز نظام عملها هي انها تعالج شعره شعره يعني ما تصلح حق المناطق الواسعه . ولازم تتمررين الجهاز اكثر عن مره عسب تغطي اكبر عدد شعرات و بهذا انتي تاثرين سلبا على البشره لان الليزر مش اوكي للبشره ..و يحرقها .. وها الجهاز على فكره يقولون انه حار …
نصيحتي لج ورايي لا تستعملين هاالاجهره وفكري اكثر من مره و بعد فكري قبل عن تستعملين ها الاجهزه وجلسات الليزر وصدق انها مكلفه بس تستاهل لان مضمونه و تحت رقابه متخصصه و اقل الم ..و اقل خطوره على البشره..
والسموحه جني طولت ..
انا سويته الجسم كامل ب 5000
بس لو مايدايقيش ممكن تقوليلي الثمن ده يكون كام بالجنيه المصري
معقول الجسم كامل ب 2700 ريال سعودي؟
يعني 270 ر عماني
توقعته اغلى من كذا اذا بلفعل هذا السعر فاهو رخيص مره
…..
بس يابنات انا اعرف ان ازالة الشعر بليزر من اكبر مسببات السرطان !!
وهذا شي مو زين ابدا لان ممكن بعد سنين يطلع الشعر تحت الجلد ويسببلك اورام والتعرق بعد يكون تحت الجلد !! ويسبب امراض.
وان سلبياته ومخاطره اكثر من فوايده ؟!
واذا الله خلق شي اكيد لحكمه والشعر في جسمنا حكمه نروح نقتل بصيلات الشعر مستحيل مايصير فيه مشاكل وتاثير سلبي على المدا القريب والبعيد …
ماعرف شرايكم انتو
..؟!
اذا هو كذا فاليش نتعب انفسنا ونشل بلحلاوه p: