السلام عليكم و رحمة الله و بركاته
حبايبي انا اعاني من اثار الحبوب بالوجه اللي ماااا تروح الا بعد كم شهر
الحمد لله ما عندي حب شباب ..
عندي الحبوب اللي تطلع قبل و بعد واثناء الدوره
وطول الشهر ههههههههههه 
جربت زيت شجرة الشاي من بودي شوب … ما شفت نتيجه ملحوظه
جربت لوشن شجرة الشاي من بودي شوب .. ما في اي نتيجه تذكر
جربت محلول الديلاسين تي … مفعوله جداا بطيء
جربت غسول مقشر مزيل الحبوب ويمنع ظهوره (كليرياسيل) .. ما شفت نتيجه
ياريت اللي تعرف مستحضر او وصفه مجربه تفيدني
بس ياريت ما تكون قويه او مقشره .. مثل الريتن ايه وغيره
لان بشرتي فيها مجرد آثار و مختلطه مو دهنيه يعني ما ابي اجففها ولا ابي شي قوي عليها
<< طراره و تتشرط
و سمعت عن صابونة المره و الكركم تفيد لهالغرض .. شرايكم ؟؟
و سلامتكم 
وانا كمان ابغى حل لهالمشكلة تكفوووووووووووووووون
ومازال ظهور الحبوب مستمر افيدوني نفسيتي زفت من هالحب ؟؟
حتى انا ودي استفيد البنات مايقصرووووا
رفــــــع
وعليكم السلام ورحمه الله قريت موضوعك ماحبيت اطلع ماافيدك شوفي حبيبتي لازم مقشر انا حالتي نفس حالتك روحت للدكتوره وصرت تقريبا اراجع عندها لمده ثلاث شهور وتطلع حبه وتروح وتخلف وراها تؤام هههههههه المهم وصفت لي مقشر روووعه كلمه روعه فيه قليله كريم اكرتين 25. 0% بس تحطيه على الحبه نفسها مو على كامل وجهك استمريت عليه بصراحه حلو لما كملت ثلاث شهور سألتني الدكتوره عن الدوره قلت لها مش دائما منتظمه قالت لازم تكون منتظمه لان هذي الحبوب سببها الهرمونات وعموما لحد الان مو منتظمه بس استمريت على المقشر فتره وبطلته صرت استخدم ماء الكرستال لما اصحى وقبل ماانام الحمدالله الحبوب ماتطلع والاثار بدت تروح ودعواااااااااااااااتكم لي يابنات ..
نفس مشكلتي الله يعين
رفــــع لعيونج
مادري نفس المشكله
رفع
سبحان الله وبحمده سبحان الله العظيم
ابتسامة جرح
مشكووره حبيبتي على ردج .. بس مدة العلاج وايد طويله 3 شهور !
و المقشر جم مره تحطينه باليوم ؟؟
انا دورتي الحمد لله منتظمه
انزين شنو هذا ماء الكريستال ؟؟ ياريت توضحين لي اكثر
و مشكوورين حبايبي على الردود
هلا حبيبتي ثلاث شهور وايد كثير صحيح كان مفيد معايا بس بطلته وصرت استخدم ماء ورد الكرستال هو عباره عن افضل انواع الورد الطبيعي مجموعه مع بعض بس اتعب وانا اقول روووعه مايترك للحبوب اي مجال ههههههههه صارت حرب حتى اول ماتطلع الحبه ينظفها واليوم الثاني تختفي وانا عن تجربه مفيد جدا حتى الاثار بدت تروح ويعطي حمره في الخدود اذا حطيتيه في الثلاجه واستخدمتيه باستمرار..