بصراحة مو عارفة إشلون أبدى هالموضوع لأني مستحية :o:o
على العموم بأقول لكم:o
أنا عندي عرس ولد خالتي بعد شهر تقريبا
و مفتشلة من شكلي لأني عمري 20 سنة ووزني 45 وصدري صغير حييييل و مالي أرداف بالمرة يعني إصبي إلا شي بسيط (u)(u):confused:
فياريت تساعدوني وتلقون لي حل حق تكبير الأرداف و الصدر و أبي أزيد وزني بس أووصل 50 كيلو لأني في حياتي ما وصلت هالرقم فتكفون أبي أصك على البنات في العرس و أكون أحلى وحدة:cool2::cool2:
تكفون بس أبي أرداف وصدر مو مشكلة زيادة الوزن فياريت اللي تعرف تمارين أو خلطات حق هالشي لا تبخل على و عساه يكون في ميزان حسناتها إنشاء الله تكفون بنات لا تخلوني و أنا ماراح أنساكم بالدعاء تكفووون :confused::confused:
آسفة على الإطالة ناطرتكم على أحر من الجمر (a):shy:
اختى شاروخه..
جربي حبوب الخميره
و ان شاء الله تفيدك.. على العموم مشكوووووورة حياتي على مرورج وناطرة الرد من باجي البنات و الله يستر
أختك راويه
__________________
ماندمت على شيء ندمي…على يوم غربت شمسه…
نقص فيه أجلي …ولم يزدد فيه عملي …
والله يكثر من أمثالج
بس يا بنات إللي عندها بعد شي حاسة إنه راح يفيدني قولوا لي عليه <<<وحدة طماعة :shy:
تسلمون لي يا أحلى بنات
كثري اكلك 🙂
بتمنتين كامل مو مناطق دون الثانيه وبلا خرابيط كريمات وحبوب ما تعرفين هي راح تضرك والا تنفعك ، اهم شي صحتج .. صح والا لا !
انصحج بالمايونيز وانا نحيفه بس حاليا اشوف حالي مليانه شوي لاني ادمنت على قوالب التمر ليلياً لا تخلو السهره من قوالب التمر واتوقع اهو الا متني ، اذا ما تعرفين طريقته خبريني واتوقع راح تدمنين على الحلا لانه روعه ..
تحياتي ؛؛
حبيبتي شاروخه بخبرج عن تجربتي الشخصيه وانت احكمي… بس قبل لا رمّس لازم تعرفين ان كل وحده لها شي معين يسمنها دون غيره من الأشياء، في منهم يمتنون من الرز والنشويات ومنهم بس من الحليب والأيس كريم ومنهم من أي حلويات على وجه الأرض …
والآن الى تجربتي، كان وزني 53 وصار 58 والحمد لله اظني كافي عشان لا نخرب الرشاقه :cool2: 
2 ، وهذا اللي سويته:
– أكل الأيس كريم عمال على بطال (بس مب أي آيس كريم ، النوع اللي يكثر فيه الحليب أحسن)
– أكل الحلويات المنزليه والإبتعاد عن أنواع الشكولا الجاهزه، يعني كلي كريم كراميل، مهلبيه، بقلاوه وأي حلاوه منزليه سعراتها عاليه.
– شربت الحلبه لمده أسبوع وبعدين توقفت ، ما حبيت الطعم
– أكل الدبس بكثره، أفضل طريقه انج تضيفينه للعصائر الطازجه، ملعقه كبيره أو حتى أكثر على قد ما تتحملين
– أكل التمر كل يوم صبح (7 تمرات مثل السنه)
– طحنت تشكيله من المكسرات واشربها مع الحليب الحار يوميا مرتين على الأقل ( ملعقه كبيره من بودر المكسرات)
– كلي رز ومكرونه على قد ما تقدرين
– تفنني في العصائر الطازجه، يوميا لازم تشربين أو تاكلين على الأقل نوعين من الفواكه خصوصا اللي سعراتها عاليه، مثل صحن من العنب، الموز، الأفوكادو وووو
عندج مثلا عصير المانجو مع القشطه والعسل، هذا لو تاخذينه كل يوم مره شوفي اشجايل بتصيرين بعد شهر، عصير آخر هو الموز والحليب والعسل، وعصير الأفاكادو، حتى العنب ممكن تسوينه عصير عشان تضمنين انج خذيتي كميه كبيره من العنب.
ومثل ما قالت وحده من الأخوات سوي رياضه قبل الأكل بفتره بسيطه للمناطق اللي تبين تزيدينها وزن …
لا تقومين بنشاط زايد بعد الأكل مباشره عشان لا تحرقين السعرات اللي اكتسبتيها
هذا كل اللي اقدر افكر فيه حاليا … واذا عرفت شي ثاني مفيد ما راح ابخلبه عليج 🙂
و الله ما قصرتوا و عساه في ميزان حسناتكم إنشاء الله
و الله فرحت بردودكم و استانست وااااايد
:shy: تسلمون لي يا بنات هالمنتدى الرائع راح أحاول أسوي على كل اللي قلتوه 🙂
مشكووورييييين مرة ثانية و الله ينولكم كل إللي في بالكم :clap:
شخبارج؟؟؟؟ انشالله تمام…
عندي لج أسهل حل وأحسن حل وهو شرب عصير الأفوكادو يوميا… يعني تروحين الكافتريا أو تسوين طلبية عليه وهو طعمه بعد لذيذ…
شوفي أول شي صدرج شلون بيستوي بيكبر بشكل ملحووووووووووووظ جدا.. وثانيا بتمتنين يعني جسمج وايد بيتحسن بس طبعا إنتي تقدرين تلاحظين يعني توقفين شربه متى ما صار جسمج على الشكل اللي تبينه… وغير جي طبعا هو فاكهة الجمال يعني لين العرس إلا ويهج مصحصح وبشرتج حلوة يعني غذاء كامل….
بس يوميا شربيه لين ماتوصلين للي تبينه..
أتمنى أكون أفدتج….
سلام..