اول شي اهني كل وحدة فيكم اتعرف تطبخ وابصراحة اطباقكم حلوة وشكلي راح اتعلم الطبخ على ايدكم الحلوة
انا الله يسلمكم ماعرف اسوي المجبوس نهائيا ولا عندي خبرة اشلون يسوون اللحم واشلون يقطعونه ومتى يستوي العيش
فأللي تعرف ابيها اتساعدني بالطريقة مو شرط صور
ولكم مني جزيل الشكر
اول شي خذي اللحم وغسليه
عقب حطيه في قدر فيه ماي مع حبات هيل ومسمار ودارسين واذا تبين ورق غار على راحتك
المهم خليه يفوح لمده ساعتين تقريبا او لين مايلين اللحم
عقب اضيفي الملح والبهاروقطعي عليه الطماط والفلفل الرومي والثوموخليه يتطابخ
اخيرا شيلي اللحم وحطي ليمون اسود في المرق واذا تبين فلفل علوب واتركيه شوي يطبخ عقب حطي عليه العيش
وبالنسبه للحم اخذيه ومسحيه بخلطه ماي ورد وزعفران وليمون اسود مطحون وبزار وحطيه بالفرن
ويمي يمي يمي
اذا تبين حمسه من فوق سوي حمسه بصل مع فلفل اسود وبزار وزبيب زنخي
اذا تبين اضيفي ذره وحبات حمص بعد حلوه
وتحياتي لك
اولا قطعي ادجاج او الحم وغسليه جيدا
بعدين تقطعين بصل حبه كبيره بفرامة البصل او على ايدج
وتحمسينه وتحطين طماط حبتين وتعصرينهم في الخلاط وتحطينه على البصل
وتبدأين بتقليبه الى من يذبل وينشف من المويه
وتحطين اللحم او الدجاج
وتقلبينه زين مازين تضعين ملعقة ولومي اسود مطحون
وفلفل اصفر
وهم تقلبينه على النار الى ينحمس جيدا ويتحكك في الجدر
ثم تصبين ماي تقريبا 3 كاسات
وتخلينه يطبخ على الراحه
وتغسلين الرز مقدار كاسين
وتخلينه يطبخ الى من ينشف بس لايكون الماي كثييير بيصير لين عليج
خلي وسط
وبس
وهني وعافيه:wavetowel2:
وهاي اصوره طبعا من طبخي ههه
عموما بجرب طريقتك وبشوف النتيجه 
تحياتي