F: عرايس منتدانا الحلو F:
رجوتكم تساعدوني
زوجي في كل يوم خميس دور أحد من الموظفين عندهم للفطور
وهو دوره هذا الأسبوع وأنا ما عارفه شو أسويله هو يبي حاجة مو دسمة
ودي أبيض وجهه قدام أصحابه ولا يتفشل من الأكل إلي بيآخذه معه :thumbs_up:
ساعدوني بأفكاركم ويا ريت إلي معها صور لا تبخل علي 😮
أختكم عُمانية متأمله منكم المساعدة
ممكن تعملي خلية وتزينيها بالحلنستلة والشوكولاته السايلة
ممكن يندوتشات صغاااار تحشيها تونة وفلفل اخضر بارد وجزر ومايونيز وكتشب
ممكن فطاير عادية تعجني دقيق وشوي حليب وسكر وتفرديها دواير وتحمسيها بشوي زيت من الجهتيت
عجينة الباف باسترى بالبيض والبسطرمة والجبن الرومى
مناقيش الزعتر والجبنة (من مطبخي وبالصور كمان)
سينابون القرفة شي بياخذ العقل تعالوه احكموه^^_^^
ان شاء الله افدتك
شوفي الله يسلمج… بعطيج شوية أفكار و انتي إختاري منها اللي تبين 
أول شي طبعاً جهزي الحليب، سوي دلة شاي بالحليب، و ممكن الثانية تكون بالزنجبيل أو زنجبيل لحاله…
أو دلة شاي لحاله و تحطين علب حليب البوني الصغير للي يبي… أو دلة ماي مغلي و خلي ظروف الشاي و علبة النسكافيه على جنب للي يحب…
و طبعاً ما ننسى العصيرات برتقال و تفاح…
أنا دايماً أحب أحط خضار و فاكهة مع الفطور… يعني جيبي علبة بلاستيك و حطي فيها شرايح خيار و شرايح طماط، أو ممكن تجيبين الطماط الحلو الصغير…
و علبة ثانية حطي فيها شرايح أناناس و بابايا أو فراولة و عنب اللي متوفر عندج…
البيض شي أساسي في الفطور… تقدرين تسلقين كمية من البيض و تحطينه في حافظة عشان يحفظ الحرارة، و تجهزين معاه الخبز و الشطة و الملح و الفلفل…
أو تسوين كلوب ساندويتش، و هذي يكون فيها بيض بعد… تحطين طبقة بيض مقلي و طبقة جبن و طبقة مرتديلا و خس… انتي و ذوقج…
بالنسبة للمربى و العسل، ممكن تشترين العلب الصغيرة مثل اللي في الفنادق…
أما الأجبان، شكلي فيها… في أنواع مخلطة جاهزة في السوبر ماركت يكون معاها فلفل حار و زيتون و طماط… أو ممكن انتي تسوينها في البيت… و حطيها في علب بلاستيك… ممكن تجيبين جبن حلوم و تشوينه و تحطينه في ساندويشات مع البيض و الخس أو الخيار…
سوي بان كيك أو وافلز و خلي معاه على جنب شيرة و كاكاو نوتيللا مثلاً للي يحب…
و هذي طريقتي المعتمدة للبان كيك و مضمونة، و منها أسوي الوافلز بعد…
⌡⌡بانكيك… لفطور راقي… و أكيد بالصور ⌠⌠
في حركة قالت لي عنها وحدة و عجبتني… جيبي علبة بلاستيك كبيرة و صفي فيها أوراق الخس المدور، و اختاري الأوراق الصغيرة القريبة من قلب الخس، و حطي في كل ورقة شي، مثلاً لبنة، زيتون، جبن… يعني كذا شكلي فيهم، و بيصيرون بدال الصحون الصغار…
الخبز… إذا ودج و تبين تتفننين، سوي له رغيف صنع منزلي… أو إذا بتريحين عمرج، جيبي من المخبز شي توست و شي خبز لبناني و كوراسون…
هذي أفكار لفطور خفيف… و إذا تبين تزيدين، عندج الفول و الفاصوليا الحمرا… تسوينهم و تحطينهم في حافظات…
أما بالنسبة للأغراض المكملة، لاتنسين مناديل السفرة، و كاسات الورق و الملاعق، هذا إذا ما عندهم بالدوام…
هذ اللي جا في بالي، و إن شاء الله تعجبج الأفكار… و المعونة عالتعب مقدماً
خواتي معي فكرة بس ما أعرف إذا كانت بتضبط ولا لا
في وصفة حميتي خبرتني عنها أريد راي الخبيرات
المقادير توست – تونة -جزر -مايونيز – ملح – فلفل أسود – قشطة – جبنة سايحة
فالبداية نخلط جميع المقادير مع بعض ما عدا التوست والقشطة الجبنة السايحة
نآخذ التوست ونصفه في الصينية وبعد كذا نصف عليه الخلطة ونغطيه بالتوست
والطبقة الأخيرة تكون نخلط قشطة مع ملعقة طعام جبنة سايحة وبعد كذا ندخله الفرن حتى يحمر الوجه
وبالهنا
يا ريت لو في أي أحد جرب الوصفة تخبرني عنها أو تعطوني رايكم بالوصفة
حلو لايام البرد اللي نحن فيها الحين
ويطلع شاهيك طعمه روعة كثير كثير
وشوي بقدونس ع الوجه يطلع طعمها واو
شوفي ذولا الاكلات في ذا الرابط
اطباق لذيذة وسهلة وخفيفة من مطبخي بالصور
اخذي ثنين توست حطي في وحده جبن وخيار وطمام والثانية يبي فنجان وحطيه بلوسط التوست وقصيه وحطيه على التوست الي استخدمناها قبل واخذي بيضة وحطيها بلفتحه الي سويتينها ودخليهم شوي بلفرن لحد مايستوي البيض
طريقة بسيطة بس شكلها كتغيير..
وصوري لنا ابداعاتك