أخواتي الغاليات
مرحبا مليون بخواتي الغاليات
اليوم يايبه الكم خبر حلو
وانشالله يكون له فايده للجميع بأذن الله
أنا سرت اليوم وخذت لي شابو للشعر…وزيت للشعر
ببدأ بالشابو
اليوم أول مارجعت سرت وأستخدمته لأني حاطه زيت في شعري
صدقوني وبدون مبالغه (مشالله عشان ما أحسد نفسي) أول مره بعد ما أستحم
ما يساقط شعري…ولمعته وايد حلوه…شكل شعري بعد الشامبو فظيع
أنا كنت ما بقولكم عن الشامبو الا بعد أسبوع عشان أخبركم بالنتيجه
بس أنا ماقدرت أصبر لأني جفت نتيجه حلوه من أول بدايه
وقلت لازم أخبر خوااااااااااااااااتي
وعشان ماتقولون امكن أبالغ…أنتظروا ردي الأكيد بعد أسبوع
المكان : من دار الهدايه
أسم الشامبو: بروبوليو
شامبو بالعسل وعكبر النحل
لشعر أطول وأقوى
يمنع تساقط الشعر مباشره
راح أكتبلكم نبذه عن الشامبو
ماهو عكبر النحل؟
العكبر ماده لزجه شمعيه تجمعها شغالات النحل من الغطاء اللزج
والعكبر معجزه طبيعيه بما يحويه من مواد خاصه لتغذية خلايا الجلد وبصيلات الشعر وتنبه نموها وتعيد حيوتها وتقضي على أي ألتهاب جرثومي أو فطري قد يصيبها
ماهي خصائص شامبو بروبوليو؟
يستفيد هذا الشامبو من مادة العكبر فيه فيؤثر:
1) على بصيلات الشعر: نشاط البصيلات ويغذيها ومما يساعد هذا الشي على
وقف تساقط الشعر مباشره – زيادة نسبة نمو الشعر – منع التقصف
2) على فروة الرأس: يؤثر العكبر على خلاياجلد فروة الرأس ويقضي على القشره نهائيا
3) على جسم الشعره: يحتوي العكبر على ماده لزجه التي تعطي الشعر بعد جفافه ليونه ونعومه ولمعان ونظاره تدوم طويلا
بنات أنا شفت النتيجه من أول يوم والله
وراح أخبركم وأقولكم الأكيد أكثر عشان تطمنون بعد أسبوع
وسعره وايد حلو راح يناسب الجميع
وحبيت أقولكم وتقدرون تتأكدون وتتصلون الى دار الهدايه
أنا بغيت 3 علب حق أخواتي مالقيت غير علبه فقط
وقال راح يجيب كميه بعد 3 أو 4 أيام
أختك في الله
شيخة المزاين
:clap: :clap:
ممكن تخبريني اي ماركة هو؟؟
يعني اي شركة مصنعته حتى اشوفه هنا باوروبا
و مشكورة على المعلومات
بس بغيت اسألج .. وين مكان دار الهدايه بالظبط ؟؟
أخواتي الغاليات شكرا على المرور الطيب
أم أشواق…جربيه أنصحج فيه وراح تدعيلي
red-eye…انشالله راح تحصلي….واذا مالقيتي راح أسألج المحل…أو جوفي اذا في فرع لدار الهدايه عندكم امكن عنده
خواتي بدور…حزينه
مكان دار الهدايه وراء محل الأطفال الي عدال ماركس سبنسر وين مستشفى New Medical مشكلتي ما أحفظ أسامي الشوارع لو تتصلين البداله وتاخذين رقمهم عشان يقولولج بالضبط وين مكانهم
suzi…أختي راح يعجبج انشالله ويفيدج
من مؤسسة صيدلية النحل
في سوريا – حلب
انتاج مستحضرات ألفا للتجميل
منتج لمؤسسة فارما
حائز على شهادة الأيزو لعام 2000
أختكم في الله
شيخة المزاين
ردي علي بسرعه محتاجتنه
أختي الغاليه دانه تسلمين الغاليه
أختي الغاليه شمس المحبه…ما أقدر أفيدج اذا بتقدرين تحصلينه في الكويت….أنا بكره راح أسألج المحل وأخذ فكره عن كل شي
وأقدر أطرشلج رقم المحل على الخاص اذا حابه يفيدونج أكثر أو يبعثولج اياه على DHL
أختكم في الله
شيخة المزاين