السلام عليكم ورحمة الله وبركاته
شخباركم احلى عراااايس ؟؟
أبى نصايحكم في فتح محل تغليف هدايا وبيع الورود وإلخ …؟
كيف أبدا ؟؟
وشو تنصحوووني ؟؟
ردوا علي بسرعه الله يخليكم ..
اتمنى اكون افدتك بالتوفيق يارب
فااااااالج طيب فديتج *_^
اول شي الدعايه
تسوين اكثر من هديه الأفضل تكون شوكولاه من نوع فاخر و تنسقينها وتزينيها بذوقك وتوزعيها على القاعات والمشاغل والمحلات وتكون عليها بطاقة المحل كدعايه
ثانيا المحل
مهم جدا موقعه ولوحته تكون ملفته بتصميمها و الأسم يكون قريب للقلب
اكيد الديكور بيكون روعه بس ياليت لو تبتكري طريقه جديده لديكوره مثلا تكون فيه شاشه بمكان واضح بالمحل تعرضين فيها صور رومنسيه تصميمات لهدايا صور لديرتكم وحكامكم بطريقه ناعمه وذوق
ثالثا البضاعه
(( ورد ـ دباديب ـ شوكولاه ـ عطور ـ دروع ـ بروشات ـ ميداليات ـ ساعات ))
وكثير اشياء ممكن تضيفينها كنوع من التميز بتوفر انواع مختلفه من الهدايا
التغليف والتنسيق حاولي يكون لمحلك لمسه خاصه تميزه اشكال غريبه في التغليف إضافات مبتكره الأبداع بالتنسيق حاجه مهمه وضروريه
الأسعار اغلبية المتجولون بالأسواق هم الطبقه المتوسطه خليهم هم هدفك يعني خلي اسعارك بحدود المعقول وهالشي راح يضمن لك انهم يكونوا زباين دايمين للمحل لا وبيصلحوا لك دعايه لأن اغلب الناس تدور على معنى الهديه وجمالها اكثر من حجم المبلغ الي اندفع فيها
صدقيني كل انسان ذواق وكثير ناس يشوفون هدايا روعه وتاااااخذ العقل بس يمنعهم عنها السعر ويقررون بكل سهوله انهم يتركوا الهديه رغم جمالها
وهذا سبب اغلاق اغلب محلات الهدايا "خصوصا"
لأن محلات الهدايا سوقها موسمي اغلب الأحيان وباقي السنه ركووود الا من زباين المحل الداائمين وهذا اقوى سبب يخليك تنزلي الأسعار ويضمن استمرارية المحل
جينا لأهم شي العماله
ياليت يكون لهم خبره او ذواقين على الأقل يقدرون ينصحون المشترين بأشكال وتصاميم فخمه وانيقه "بدون ما يزعجونهم"
وياليت تقولين لهم لا يدورون مع الزباين وينشبون لهم مع كل قطعه يمرون عليها "هذي بكذا وذي بكذا "والله اني يضيق قلبي من بعض البياعين يلصقون لك وين ماتروحين ولو حاولتي تصرفينهم ما تقدرين لااااا ويصرون كمان الا تاخذين ويقعد على راسك "حلوه تجنن لا تطوفينها"
لين ودك تتفلين العافيه بسببه
ادري كثرة كلام بس حبيت افيدك واكيد افكارك احلى واحلى
وترى ابي هديه ارسليها لي على بيتنا بالرياض امممممممممممممزح
عسى الله يوفقك ويكتب لك النجاح