أخواتي العزيزات..
أنا حاليا في مرحلة اعداد غرفة نوم لأطفالي..
وبصراحه استفدت منكم كثيييير ،،
الغرفه بفصلها تفصيل .. لأن أهم شي عندي الكبت(الدوووولاب)(الخزانه) لأني ما حصلت اللي بمزاجي..
بأخلي ستايلها بسيط ،، وبأبدع بالرسم على الجدران والديكور..
الى هنا تمام ماعندي مشكله..
بس لما جينا على الأرضية ما أبي موكيت ،،
وزوجي يقول باركيه ،، ورفضت بششششده .. لأن عندنا الجو بالدمام رطوبه وحر وأخاف يطلع لي ريحه..
وانا أبي سيراميك،، بس الخوف من الطيحات..
فقالي زوجي عن الفينيل ..
سويت بحث لين طلعت عيوني.. مع اني مو مقتنعه فيه …
أبي أشوف صور له ،، وكل اللي طلع لي بالبحث صور نوعا ما بعيده
أبي صور قريبه وواضح شكله وألوانه…
انا مو فاهمه نوعه بالضبط..
بس بعد البحث عنه انه عملي لغرف الأطفال وألوانه كثيره ..
وش تنصحوني فيه..
للمعلومية البيت ملك.. وأهم شي عندي شي يتحمل النظافه .. السراميك لو انكب شي فيه مسحيه وخلاص..
والموكيت مهما كان سعره لو صار له شي بيصير في قلبي مو فيه:qaq:
والباركيه مو مناسب لأجوائنا..
والفينيل حسب ما قرأت صعب تنظيفه..
ودي بخبراتكم…وشكرا لكم…
وبصراحه أحسه راقي وأنا بيتي كله باركيه بس يحتاج أنك تحافظين عليه من المويه
أبي شوف صور..
ومو بارده على اليهال في البرد
يا اختي انا بعد من اهل الدمام واعرف جوها زين …. صحيح حر ورطوبه لاكن لاتخافيييييين الباركيه ما يطلع ريحه حتى بالنسبه لجونا ,الا اذا اهمل بشكل كبييييييييير ,
بيت عمي ارضياتهم باركيه والله صدقيني لهم اكثر من سبع سنيين والى الان كل شي تمام لا ريحه ولا هم يحزنون
بالعكس الباركيه يعطي فخامه ونظافه ويدوم وامن للاطفال .اتكلي على الله وحطي باركيه .