عيد سعيد عليكم ياعـرائس
أحتاج مساعدتكم
عرسي بعد أسبوعيـن إن شاء الله, و أريد حف شعر وجهي
بالحلاوة مع أنه شعر جد خفيف و أشقر لكن خفت تطلعلي
حبـوب و تشوهلي وجهي يوم عرسي, أخذتلي موعـد مع
المختصة 4 أيام قبل العـرس هل هذا مناسب,نصيحتكم بنات
وعندي سؤال ثاني, هل شعر الوجه يزيد بعد الحف أو يخف؟
و كل سنة و أنتـم طيبيـن
لكن الشعر يزيد بعد الحف ويصير أسود من قبل
ألف مبرووووووووووك مقدما(f)
 |
اقتباس |  |
 |
المشاركة الأساسية كتبها أميرة الورد1986  |
 |
 |
| الموعد مناسب
لكن الشعر يزيد بعد الحف ويصير أسود من قبل ألف مبرووووووووووك مقدما(f) |
||
 |
 |
و ألف شكر على الرد
لكن أنا شعر وجهي الطبيعي أصفر مو مبين, حبيت أحفه علشان
النعومة, أحس الشعر مايخليه ناعم و صافي,,,,
وينكم بنات, رد واحد مـن 11 ؟
up
up
up
up
up
up
عيدنا وعيدكم مبارك حلومة ..
بصراحة .. أنا كنت أبي أقرا الموضوع وأمشي .. بس عشانج بخربط شوي :tongue:
ممممم .. شوفي بقولج الي أعرفه .. والله أعلم
يعني إن ياز لج ولا قطيه بحر :21_178:
بالنسبة للتشقير .. أنا عن نفسي ما أحبه في هالمكان .. لأنه ساعات يشوه منظرج .. (n)يعني مو حلو يبين إن في شعر ملون .. وبعدين سمعت إن التشقير يزيد الشعر .. وعلى فكرة حتى الحلاوة [ الشيرة ] تزيده ( أو الشمع بس ما أعتقد إن الحلاوة تستخدم للوجه لأنه رقيق وما يتحملها .. ما أدري :sm229
..
بس ترى الشمع واااايد أحبه:biggthum: لأنه أنظف ( مع إنه يحبب الويه بس تقدرين تتفادينها بإنج تحطين ثلجة على ويهج بعد الحف على طووووووووول ) .. وتصير البشرة نظيفة صافية ومشدودة بإذن الله ..
وفي طريقة ثانية وهي [ الحف بالخيط ] لكنه مؤلم ومو سريع ..يعني تطلع الروح قبل لا يطلع الشعر كله خخخخخ
>>الشمع صج مؤلم لكن بسرعة تخلصين ما راح تحسين بالألم إلا دقايق إن شاء الله..
وعموماً .. الشعر سواءا في الوجه أو أي منطقة بالجسم معروف إنه مع الإزالة يزيد ما يخف إلا إذا استخدمتي أعشاب أو كريمات تخفف نموه ..
بالنسبة لموعدج مع المختصة .. بالنسبة لي أحس تمام (y)(y) لأنه لابعيد وايد ( تخافين يطلع الشعر ) ولا قريب وايد ( وتطلع البلاوي:naughty: )
هذي كانت مشاركتي على موضوعج علماً إنها ثاني مشاركة لي في هالمنتدى الرائع ..
الله يتمم عليج النعمة ويبارك لج في زواجج ويسخرج لزوجج ويسخره لج يارب ويجمع بينكم على الطاعة والمحبة دوم يارب . اللهم آمين
تقبلي مروري .. أختج : دمعة:21_186::21_201:
مرحبا اختي
والف مبروك مقدما والله يتمم لج على خير
شوفي ياعمري
انتي الي تقدرين تحددين اذا محتاجه تشيلينه او لا
واذا حبيتي تشيلينه بدون ماتتعرضين للحبوب ان شاء الله الحل سهل
قبلها بيوم سوي تقشير خفيف للبشره وفي في الصيدليات مقشرات مكتوب عليها مخصصه لبشرة الوجه والبشره الحساسه وبعدها رطبي بشرتج وممكن بزيت اللوز
ويوم الحف نظفي بشرتج عدل واستخدمي التونر لازالة كل الدهون والشوائب الي على البشره ولما توصلين عند الاخصائيه وقبل ما تبدأ تطلعين من شنطتج مناديل الديتول وتمسحين وجهج فيه عدل ونشفيه بالتربيت بالكلنكس وخليها تحف بالطريقه الي تختارينها سواء خيط شمع حلاوه إلخ
وبعد ماتخلص طلعي منديل ثاني ومسحي الوجه مره ثانيه
ولما ترجعين البيت تكوني مجهزه في مكعبات الثلج ماي ورد اخذي منه مكعب واحد ومشيه على كل البشره
ولا تحطين اي كريم طول اليوم عشان ماتنسد المسامات
وان شاء الله تطلعين احلى عروس وموفقه
أولااااااااا حف شعر الويه حرام
ثانيا .. في وااايد ممثلات يحفون شعر ويههم .. وبعد مرات ومرات اتصير مسامات ويوههم على شكل ثقوب وهالشي ما ينخش إلا بالفاونديشن والمكياج …
تحذييييييييييير بتخربين ويهج صدقيني ..
وبعدين هاي أول مرة لج .. أظن بيطلعلج حبوب .. لأن رفيجتي بشرتها عادية .. بغت اتحف شعر ويهها حق العيد .. قبل العيد يمكن بيومين !!
قالت لي اليوم الأول كان أوكي لكن اليوم الثاني طلعلها حبووووب وويهها كان مشمخخخخ واحمر وانا قمت اضحك عليها على ايام المدرسة خخخ :tongue:
اهي شلته بالخيط .. 😮
واظن الحلاوة اقوية عالويه بيترهل ويهج .. :ss:
لأن شعر الويه يمسك البشرة ويخليها قوية ..
وبعدين انتي ماعليج شعر وايد .. انا شعر اللي على ويهي عادي مو وايد ولا خفيف وايد .. واحس ويهي ماشالله ناااعم …
اذا عن نعومة ويهج هالشي في بشرتج مو من الشعر لأن شعرج خفيف واشقر ما يعطي خشونة للويه !!!!
جربي ماي ورد على ويهج وان شالله بيصير ناعم من أول مرة .. 
ولا تخلين الشيطان يقص عليج (6) .. مافي داعي اتشيلينه .. 😉
الصراحة انا ما عندي اي خبرة و بستفيد من ردودكم بس استغربت من شي
بالنسبة للأخت اللي كاتبة حف الويه حرااام .
أنا أول مرة أعرف إن حف الويه حرااام. اللي اعرفه الحواجب هي اللي ما يجوز نحفها
بس أبا حد يأكد لي هالمعلومة اذا صح و لا لأ ؟؟
و السموووحة
الـمـفـتــي : الشيخ عبد العزيز بن باز رحمه الله
السؤال: ما حكم إزالة الشعر الذي ينبت في وجه المرأة ؟
الجواب: هذا فيه تفصيل: إن كان شعرا عاديا فلا يجوز أخذه لحديث " لعن رسول الله صلى الله عليه وسلم النامصة والمتنمصة " الحديث، والنمص هو أخذ الشعر من الوجه والحاجبين، أما إن كان شيئا زائدا يعتبر مثله تشويها للخلقة كالشارب واللحية فلا بأس بأخذه ولا حرج ، لأنه يشوه خلقتها ويضرها.
الدليل خيتووو .. الله يعطيج العافية ويسعدج في حياتج .. (f)