انا شعري خفيف وااايد وجاااف وااايد ومصبوغ .. أحيد حرمه في الصالون شافت شعري وقالت لي حراام انتي بعدج بنت وشعرج خفيف واايد جيه .. فقالت لي عن اختها اللي كان شعرها مثل شعري .. بس بعد فتره استوي صحي والتساقط خف عن قبل بوايد .. على حسب كلامها ..
والشي اللي كانت تسويه اختها هو .. تيب ثوم وتدقه عدل لين مايستوي مثل الكريم وتحط وياه شوية زيت خروع وتسوي مسااج لشعرها وتخليه ساعتين او اكثر على حسب وقتها ..
انا قررت اسوي الخلطه والله لاهمني الريحه ولا شي .. أهم شي عندي ان شعري يرد مثل أول
ســـــؤالي هو ..
اختي امس سوت الخلطه بس يوم حطت الثوم على فروتها .. حست بحرقه .. ماأدري هل هالشي عادي ولا ؟؟؟؟
علما بأني وأختي بعد نعاني من القشره …
والسموحه
والاحسن انك تجربين الحناء بدون مواد كيماويه
وتسوين لج جدول بقول لج عني
مثال على الايام:
الاثنين تحطين روب مع بيضه وقليل من زيت الخروع او زيت اللوز مع قطرات من الليمون
لازالة ريحة البيض
وتخلينه في شعرج لمده 3 ساعات وتغسلينه بماء بارد
الجمعه تحطين حناء ونفس المقدار السابق مع اضافه قليل من الماء وتخمرينه لمدة ساعتين
وتتركينه لمده 6 ساعات على شعرج
وتغسلينه بماء بارد
فائدة الماء البارد يمسك الشعر ومايفتح المسامات
حبيبتي ابتعدي عن الاستشوار والجل والموس لانهم يتعبون الشعر
سوري على الاطاله
سبحانك اللهم لا اله الا انت استقفرك واتوب اليك
بدل لتستخدم الثوم خلها تستخدم زيت الثوم لانه مخفف..
واتمنى من الي جربت طريقة الثوم اتفيدج الغاليه..
تسلمين حبيبتي rose2006 على التوقيع الطيب كثيرا
أختي ليتك معي .. يعطيج العافيه ومشكوره وماقصرتي .. انا قبل كنت استخدم الخلطه الاولى اللي تكلمتي عنها .. بس الكسل عاد .. انشاء الله برجع اسويها مره ثانيه ..
بس الحنا ماأقدر استخدمه لأن شعري مصبوغ .. الله يعيني بس