انا عن نفسي كنت لما اقراء عن شي في المنتدي يمدحونة البنات في ركن المكياج و العطور أو ركن البشرة اركض اشترية وانا مغمضة
بس في اشياء وايد ماعجبتي مثل 🙁 :-
1- عطر ديور ليمتد اديشن اللي هو ميدل نايت ريحتة عادية وتكلموا فية البنات وااااااااااااااايد وبالغوا في مدحة .
2- صابونة الشعر بالياسمين من لاش صج ترقد الشعر يعني ماينفش وايد بس ريحتها ماعجبتني كلش وتمت بشعري اكثر من اسبوع كنت بموووووووووت بسبت ريحتها :pain:
وفي خرابيط وايد لما اتذكر بكتبها لكم
وانتوا اش اشتريتوا وماعجبكم ؟!:gum:
انا اللي شريته وماعجبني الموس اللي من maybelline طلع مايناسب بشرتي لانها جافه ويطلع التشققات اللي في ويهي وتغطيته كلش خفيفه
وبعد الديرماكول حسيته مو ذاك الزود وطلع لي حبوب بس بعد يمكن مو منه يمكن من الاساس اللي خلطته وياه والله أعلم
أما بعض الاشيا اجربها في المحل وما آخذها وبعضها اوكي ماشيه معاي تمام
والسموحه
الله موفقني في كل شيء شريته
والله يستر كان ماانظل نفسي خخخخخخخخخ
لي رجعه لو ار لي موقف
الحمدلله
كل شي خذته عيبني
لاني اجرب الشي و عقب اخذه
حتى لو البنات مدحوه
مثال مسكارا ديور انليمتد
ما حبيتها بالمره بالغم انها نالت على جائزه افضل ماسكارا 2024!!!
الصراحه ماسكارا ysl
اروع
هههههههههه دشيت في الفة ثانيه
موضوع حلووو،،
في بدايتي في المنتدى(a) كنت اخذ اشياء على مدح البنات
وتتطلع مب على قد المدح مع اني كنت اجربها بس مب دايماً التجربة الاولى تعطي
انطباع صح عن المنتج،، :no:
من الأشياء اللي شريتها وماعجبتني ومافكر اخذها مره ثانية :handdown:
-الدريمكول ماعجبني حتى لما دمجته مع اساس ثاني
-ماسكرا ديور شو ماطير بسهوله وطيح الرموش
-منتجات العناية بالبشره من جيرلان سببتي مثل حروق في ويهي
وحبوب لانه بشرتي حساسه ومنتجاتهم فيها نسبة من العطور
-العطور الحمد الله اجربها قبل وماذكر اني توهقت بشي
-كحل ريفلون لين استخدمه يحرق عيني
بس طبعاُ في وايد اشياء شريتها والحين ماستغنى عنها :clap:
مثل مزيل المكياج من لوريال وماسكرا بنفت وكحل بي ناي وغيرهاااا
في الاخير مب شرط اللي يناسبني يناسب غيري لو لا اختلاف الاذواق لبارت السلع
:bigsmile: شكرا على الرد يالغالية وانا بعد ماناسبني " الموس اللي من maybelline " مع اني بشرتي مختلطة
بس من جربتة كان احد محفص على ويهي طالع كانة مغبر .
" والديرماكول " نفس الشي ماناسبني كلش الا طلع العيوب ازيادة .
عزيزتي ( حبيبة بوالعيال )
شكرا على الرد يالغالية وبالنسبة لـ " اليرماكول " اشوة اني ماخذت منة وايد بس من شفتة استانست وشريتة بدون تردد وللاسف ماناسبني وجربت طرق وايدة رطبت بشرتي قبل الاستخدام مانفع خلطتة مع كريم اساس مانفع وبالاخير قطيتة.
عزيزتي ( محد مثلها )
شكرا على الرد وانشاء الله ماتنظلين نفسج والحمدالله انج توفقتي بمشترياتج .
عزيزتي ( M!$$_BLinG )
وعليكم السلام ورحمه الله وبركاتة ، شكرا على الرد وبالنسبة انج تجربينهم انا في اشياء ماقدر اجربها مثل الاساس ماينفع احطة على ويهي بمكان عام واذا بحطة على يدي واجربة على ويهي مايناسبني احيانا ولا احب اجرب مثلاً الماسكرا لاني اخاف خبرج كذا وحدة مجربتها قبلي علشان جذية اضطر اخذها بدون ماجربها .
عزيزتي (@جنات@ )
شكرا على الرد والغريب ان وايد بنات يمدحونة بشكل خيالي يمكن اللي عندنا تجاري مو اصلي؟
عزيزتي (كوكو شانيل )
شكرا على الرد يالغالية . نفس المشكلة" الديرماكول" وفعلاً مو شرط ان اللي مايعجبني مايعجب غيري يعني انا شريت "ماسكرا بينفت" ماحسيت اني احط ماسكرا وايد طبيعية حسيتها وانا احب اطول واثقل رموشي .
يعني انا اجرب قبل لا اخذ الشئ… وهذا شئ ضروووري بالنسبه لي
ومعظم الاشيااء اللي البنات مدحوها وسرت خذتها الحمدالله وااايد عيبتني
مثل روج girl about town لونه فوشي وااايد احبه
ومناكير بورجوا.. بعد خذتها على مدح البناات.. ومن احلى المناكير اللي عندي
مسك روز ما كنت ادري شو هو.. خذته من كثر ما مدحه بنت عذاري.. ريحته وااايد حلوه
اممم ما في شئ…. بس يمكن لاني اجرب في المحل
يعني مثل اشوف كل حد يمدح مسكرة ديور
وهي صح حلوه… بس مثل مس بلينج ysl احلى
يمكن ديور فرشاتها حلوه
وفي روج بنات مدحوه… بس يوم جربته ما اقتنعت فيه
يمكن ما يناسب اي حد
وبعد قلم بورجوا خذته على مدح مجد… ووحلو الصراحه..
يمكن الشئ الوحححييييد… منظفات كلينك. ال3 خطوات.. يعني حسيته اوك بس ما تستاهل كل المدح
يعني حليوه بس مب واايد…
وبس هاللي قدرت اذكره
الموس فاونديشن من maybelline .. طلع ويهي كأنه مغبر و تعبان!
ماسكرا l’oreal lash archetict خذيتها لأني ما اجرب ماسكرا في المحلات ابد.. و تورطت فيها هههههه
ماذكر الأشياء الثانيه بس اذا تذكرت برجع لكم 