حبيت خواتي أخبركن عن الكريمات اللي كنت استخدمهن يوم بنتي كانت تعاني من التهاب الحفاظات 🙁
1- كريم vasogenو تستخدمينه يوم تشوفين احمرار.
2- كريم drapolene للطفح الجلدي و التشققات.
3- كريم alfacort للالتهاب الشديد وتحطين بس نقطة على المكان اللي ملتهب.لأنه فيه كورتيزون.
4- كريم sudocream لعلاج الالتهاب والحروق الشمسية وما فيه كورتيزون.
5- فازلين.أظن مايخلو بيت منه.
ملاحظة: يوم بيتحطين الكريم حاولي ادلكين المكان بالكريم عشان يدخل في بين التشققات فعلا بيأثر..(f) و أفضل إنج تستخدمين حفاظات في قطن .
واللي تعرف كريمات ثانية بتكون مشكورة لو تخبرنا..:shy:
انا دوم كنت استخدم سودو كريم حق بنتي مع انها ماكانت تعاني من الاحمرار او الالتهاب…بس الاسبوع اللي طاف كانت المنطقة عندها ملتهبة وورامة فتميت احط سودو كريم بس ماياب نتيجة بسرعة…فاستخدمت فازلين وماشالله يومين واختفي الالتهاب…
هذي تجربتي … انشالله البنات يكتبون عن تجاربهم عسب الكل يستفيد..
الأفضل إنج ماتستخدمين كريمات الالتهاب إذا بنتج مافيها شي..والفازلين هذا دوم استخدميه سواء كان فيها التهاب ولا لا..عسب يحفظ المنطقة من التعرض للالتهاب
وفعلا أنا بعد جربت الفازلين وكان وايد مفيد..
وانا احط سودو كريم لان مقعدة ولدي دايما محمره
ولين اوقف الكريم يزيد الااحمرارفعلى طول استخدمه
انا ويا الاخت ملاك دبي،، اذا ما في التهاب معناته ما نحط كريم مجرد ان ننشف المكان عدل واذا تبون تحطون شوي فازلين كطبقه عازله،، لانه اذا حطيتوا كريم على الفاضي والمليان عقب فتره ما بييب نتيجه وياكم وبتضطرون اتغيرون الكريم،،
انا كنت استخدم سودوكريم بعد كل تبديل في التهاب ولا ما في التهاب وكان ماشئ تماام ويا بنتي بس بعد فتره ما قام يسوي شئ وبالعكس الالتهاب قام يزيد يوم ورا يوم لين ما قالوا اخواتي وقفي الكريم ونشفي المكان وعليج بالفازلين فقط،، وفعلا كان ممتاز وساعات استخدم لها كريم سيباميد علاجي خاص جدا جدا ممتاز
وبعدين اذا كان طفح جلدي في منطقه الحفائظ احط زيت سمسم اجيبها من المعصره واحطه على المنطقه وحاتشوفي النتيجه على طووووووووول بدون كريمات ولا يحزنون انا اذا طفحو عيالي اجيب كل الكريمات مافي فايده :confused: على طوووووووووواحط الزيت تطلع النتيجه روعه والحمد الله:shy:
:salam:
سبحان الله.. هي جذي.. الاجسام وانواع الجلد تختلف كيفيتها…
ولدي كان ما ينفع معاه شيء غير الفازلين مال الاطفال… مع اني جربت كذا شيء..
وبنتي موووول مووول الفازلين ما سوى لها شيء.. وعيزت وانا اتشرى لها كريمات.. و آخر شيء ما نفعها غير كريم المركز الصحي اللي ما عرف شنو اسمه لأنه يعبونه بعلبة بيضا ويكتبون عليها من فوق رموز خخخخخ
يعني مب كل غالي يعني اوكي .. ولا كل رخيص تستهينون فيه..
مساكين هاليهال.. ما تتم تجربة ما نسويها فيهم لما نوصل الى المناسب لهم…
انا استخدم لولدي الفازلين ماكوا عليه لان اخاف استخدم اي كريمات لان فيها الكورتزون تأثر على الجلد مع انه عنده على طول امساك على طول فازلين الاطفال