:::: أفكاري بتنظيم ميزانية الأسرة :::: 2024.

سورة الإسراء من آيه رقم 26 الى 27

أساس رزق لله للعباد بالمال هو الامتحان لبني البشر

عن كيفية ادارتك له أولا بمسؤولياتك وثانيا بعمل الخير والمساعدات ..

فرزقنا الله عز وجل بطاقة المال

ولم يمنعنا باللهو بهذه الطاقه شرط أن لا نبذر ..

…………

المثل القديم : المعاش ما عاش

المعاش هو الراتب ينتهي بنهاية الاسبوع الثاني من الشهر الجديد

ما اسباب هذه المشكله :

1-قد يكون السبب من سوء تدبير المدبر سواء الزوج او الزوجة ..

2-او قد يكون لأسباب مثل الديون على رب الاسرة

3-او الراتب القليل مقابل زيادة أسعار السوق وبالتالي

عدم استقرار الحاله الماديه للأسرة ..

وان كان هو السبب الثالث لأكثر العائلات

فدعائنا للجميع بالستر والعافيه ..

والحل لهذه الحالات مثلا :
الاجتهاد مثلا هناك ازواج يعملون ويدرسون لزيادة دخلهم بالمستقبل القريب ..

والبعض الآخر يتمسك بوظيفته ولكن يجتهد بالبحث عن عمل آخر او مؤقت يقضي به دينه ..

والبعض يعمل ويبحث عن وظيفه اعلى من وظيفته بعد ان يجتهد بأكتساب خبره من عمله السابق ..

…………

2-او قد يكون لأسباب مثل الديون على رب الاسرة

عندي بعض النصائح للزوجات او المقبلات على الزواج

بالنسبه للقروض الشخصيه الي ياخذها الزوج لدفع مهر زوجته

وفرش اثاث القفص الذهبي من خلال استديانه من البنوك ..

المهر من حق الزوجه ولكن كوني واقعيه لا تتشرطي

فأكثر المشاكل الزوجيه تحدث بعد الزواج والسبب الديون المتراكمه

لأن الزوجه الجديده تعتقد بعد التبذير بيوم زفافها و تجهيزاتها

سوف تستمر معها للأيام القادمه بحياتها ..

فهل انتي راضيه بزواج فخم وديون متراكمه على مر اعوام من شبابك وشبابه

ام انتي راضيه بزواج عائلي على حسب قدرة زوجك وبعدها تنعمين بقدر من المصروف من غير ديون ولا تنسي القاعده الثابته بالمصروف من غير تجزأته اجزاء لصرفه على الديون ..

وبالتالي لما تبتدي تباشير اول فرحة بأول مولود لك راح تكون حياتك مستقره مع زوجك ماديا

وما راح تقصرون بحق هذا الطفل من رعايه واهتمام وغيره من غير تبذير …

……………

خلونا الحين نتكلم عن التوفير بشكل عام وخاص …

كيف نقدر نوفر ؟
وكيف اقدر اوفي كل رغباتي من غير التبذير ؟
وكيف ما اخلي حاجه بنفسي ؟
وكيف اغير فكرتي عن اسرافي لمجرد المتعه بالتسوق ؟
وكيف امشي على تخطيط التوفير على المدى البعيد ؟

اسئله كثيره ولكن هذي اهمها الي نفكر فيها نحن السيدات والآنسات صح ؟

السؤال الاول إجابته : بالتخطيط بالشكل الجدي ولكن من غير مبالغه

السؤال الثاني إجابته : كتابة الاشياء المهمه الي راح نوفيها حقها بأول الشهر ودائما تكون هذي الاشياء ثابته بالمبلغ المقدر له مثلا : إيجار المنزل ان وجد فمبلغه ثابت غير متغير بمرور الشهور القادمه صح ؟ وبعدها تخصيص مبلغ لتلبية الرغبات الثانويه مبلغ مخصص معتمد عليه بشكل جزئي , مثال خليتي لك مبلغ للمتعه مو لازم نشبع هالغريزه لو كنتي تبين توفرين يعني ما نحرم نفسنا نهائيا عشان ما نكون بخلاء ولكن نكون ماشين على الخطه يعني خصصي لك مبلغ مثلا 1000 ريال واكثرنا نقعد نخطط قبل الراتب نبي كذا وعاجبني كذا وهذا بجيبه وهذا بغيره بجديد لكن بعد حصولنا على 1000 الي خصصناه قعدي فكري عدل هل فعلا انتي محتاجه للاشياء الي فكرتي فيها اوكي نجيب الي ما قدرنا نشيله من راسنا لكن برضوا فكري ان ما فيه غيره الا الشهر الي بعده طيب وحده خصصت لها مبلغ 500 ريال والي براسها مثلا اكثر من 500 ايش العمل الصبر يا بنات لا تصرفيه جازي نفسك وعلميه الصبر خليه على جنب والشهر الي بعده بيكون عندك 1000 وكل ما تجيبي حاجه بعد صبر راح تتعملين شي من الاثنين واحد يا إنك ما راح ترخصين فيه لأن ما جه بسهوله او انك اصلا من كثر ما تفكرين فيه طاب خاطرك منه وتبين شي ثاني اهم وافيد لك بكلا الحالتين انتي حره وبرضوا مستفيده يلا نزلي تحت عشان نشوف اجابة السؤال الثالث ..

السؤال الثالث إجابته : لا تقولين نفسي وما ابي اخلي حاجه بنفسي
ترا النفس محتاجه للعباده والطمئنينه أكثر من احتياجك لإشباع رغبات النفس من غير ما تحسي بيوم انك منتي بحاجه شي
السوق كل يوم ينزل فيه جديد والعين ما يمليه شي
كل ما يجي حاجه نبيه ونتمنى اليوم الي نخزنه مع الاغراض الي عندنا

الي تقول ما عندي تفتح دواليبها وتشوف طلعي اغراضك ورتبيها من جديد شوفي وركزي
بتلاقين اشياء ما استخدمتيها من شهور او سنين ضافتها على جنب الى متى ؟ الله العالم

في اشياء كنت استخدمها ومليت منها رحت بعدتها عن نظري لمدة سنه او اكثر ولما طلعتها حلت بعيوني من جديد ورجعت استخدمها من جديد وكأني توني شاريته ..

لا تخلين نفسك والي ينفسك يسيطر على تفكيرك انتي سيطري على رغباتك
اما المتعه من الجديد تكلمنا فيه سابقا بالبند السابق بتخصيص المبلغ الي تشوفيه مناسب ..

السؤال الرابع اجابته : كنا نعتقد سابقا خصتا الرجال ان الحريم هم اكثر من الرجال يحسون بمتعة التسوق ولكن مع الحياه الحاليه ومع الجديد بالاسواق نشوف الرجال يشاركون النساء بحس التسوق والمتعه بالشراء ما هو جديد ومطروح بالأسواق ..

اخذتي سلتك ورحتي تدورين بالمحل الي دخلتيه جمعتي القطع الي عاجبته سواء ملابس او اشياء ثانيه ..

اسئلي نفسك كم قطعه عندك بالبيت معلقتهم ؟
وان ما اخذتيه الحين وش بيقصرك ؟
يعني انتي فعلا محتاجته لاحظي ما سئلتك ان كنتي تبينه او نفسك فيه في فرق ؟

يالله اشوف الناس ياخذون اكسسوارات مع ان ما عندهم قطع ملابس تناسب لون الاكسسوار

ليه لمجرد ان عاجبها لأنها اساسا ما فكرت بلبسه مع وشو ؟

لا رجاءا لا تسئلين نفسك اخاف تدورين بالمحل عن قطعة تناسب اكسسواراتك وتجيبين ملابس انتي منتي بحاجه لهم ؟

هل تعرفين عزيزتي ان شراء الملابس يجب ان يكون مع بداية المواسم الجديده ؟

دخل علينا الشتاء شوفي ايش ناقصك وجيبيه وودعي السوق الى الموسم الثاني اقصد الصيف طبعا ..

وان جه وقت العيد او مناسبه خاصه اشتري لا تبخلين على نفسك …

واطفالك كمان نفس العمليه مع الشتاء والصيف تسوقي واخذي احلى وافضل شي ولا تبخلين عليهم لأنك ما راح تتسوقين كل شهر فراح توفرين لهم الافضل والاحسن دائما ..

يا كثر الحريم الي يشترون كل شهر وكل اسبوع والقطعه ما تسوى

فأيش رايك شي فيه قيمته لمدة شهور وممكن تستخدمينه السنه الي بعدها

او قطعه من ميد جاينا اقصد الصين طبعا ..

بالنسبه لي انتهز فرصة التنزيلات بالمحلات المعروفه قبل كل موسم للتسوق

راح ينزلون قيمة البضائع احيانا اكثر من 25 بالمئه وبالاخير انا الرابحه

ما اتردد اني اتصل بالمحل الي ابيه واسئلهم عن موعد تنزيلاتهم

لا ما راح يستغربون اتصالك ولا حتى اكبر المحلات المشهوره

لأن هذا حق من حقوق الزبائن لديهم الرد على استفساراتهم والجديد عندهم

السؤال الخامس واجابته :

كيف نقدر ؟ خلي ببالك هدف معين ولو كان الهدف مشترك بينك وبين زوجك

مثلا شراء عقار ادخار مبلغ ممتاز لدراسة اطفالك مستقبلا بأفضل الجامعات بالخارج او داخل الدوله أو ممكن شراء سيارة جديده من غير اقساط

بالهدف المرجو راح تقدرين توفرين وكل ما تشوفين نفسك تراجعتي خطوه تذكري هدفك

وبالتالي راح تستعيدين حماسك لما تتخيلين الهدف او الحلم اصبح حقيقه ..

…………………

رديت على الاسئله بشكل عفوي فسامحوني على التقصير ..

لي تكمله مع الموضوع عن قريب ..

الاضافه الجديده راح اتكلم عن كيفية وضع خطه توفيريه

للرواتب المعروفه بين الازواج …

وراح اتكلم عن كيفية ادارة ربة المنزل منزلها من غير تبذير

وفعالية ربة الاسرة بنجاح مخطط التوفير ..

وكمان راح احمسكم لبعض الامور التوفيريه الي راح يخلي الوحده

تفكر كيف تبني مستقبل اطفالها من غير حرمان …

……………