يايبتلكم اكله بس امانه سوووها والله راح تعجبكم وبتدعولي عليها لان صج لمن سويتها
الكل ين عليها وطلبوا بعد انه ياكلون وتراها خفيفه وسهله وماتاخذ وقت
ولو كان عندي وقت جان حطيتها لكم بالصور
المهم
المقادير
وطبعا المقادير اللي بقولها تنحسب لشخص واحد بس فانتوا شوفوا جم شخص وزيدوا عليهم الكميه اللي تبون)1.اثنين همبرغر
2.اثنين بيض
3.مايونيز
4.جبن كيري
5.بصل مقطع شرائح طوله وضعيفه وفلفل بارد أخضر مقطع نفس الطريقه وورقة خس وحده
6.بهارات
7.زبده
8.طماط
9.خبز لبناني خفيف
10.جبنه مربعه نسيت اسمها ههههههه الصفرا تقصصينها شرايح طويله وضعيفه
ملاحظه: الفلفل البارد حسب الرغبه يعني مولازم
الطريقه:
تطبخين الهمبرغر وتزهبينها عادي
تحمسين الفلفل مع البصل بس مو وايد يستوي شوي بالزبده طبعا او دهن بس أفضل الزبده او السمن وتحطين البهارات وتحطين معاهم جبن كيري او كرفت اذا تبين عادي وتوحسين فيهم لمن تذوب الجبنه وتخلينها على كتر
وتييبين مقله صغيره تذوبين فيها زبده وتكونين طبعا خالطه البيض وتحطينه بالمقلى وتسوين قرص بيض
طبعا كلنا نعرف شنو يعني قرص بيض طبعا نكون خالطين البيض مع فلفل اسود وملح
أخر شي:
تييبين الخبزه وتدهنيها بمايونيز طبعا الخبزه على عدالها مو داخل او تقصينها لا مثل ما اهي والمايونيز الكميه حسب ذوقج وشنو تبين بعدين تييبين الخسه وتحطينها على جنب يعني تخيلي الخبزه جدامج مدوره ترسمين خط وهمي جنج قاصتها بالنص تخلين نص وتشتغلين بالنص الثاني
المهم تحطين الخسه وتالي تحطين قرص البيض وتكونين قاصته بالنص لان اذا حطيتي القرص كله ماراح يكون عندج مجال انج تسكرينها وفوقه تحطين الجبن اللي قطعتيه طوال وطماطم يكون مقصص شرايح مدوره وبالنص
واخر شي تحطين الهمبرغر اللي سويتيه وتسكرينها من الصوب الفاضي يعني تغطينها
اتمنى فهمتوا قصدي مع انه بالصور يكون الشرح اوضح
بس انشالله صوتي وصل والمعلومه اخترقت الكور قصدي المخ
وسوووووها مو تكشتون
يله فديتكم باي
تسلم ايدك يا قمر
مشكووووووووورة حبيبتي
مبين إنها لذيذة… و إن شاء الله نجربها في أقرب وقت 
الله يعطيج العافية (f)
ويعطيكي العافيه
والف شكر الك
تسلم إيديكى