عندي مشكله طلعتلي قرووووون والله … والمشكلة ان زوجي معصب مني على الآخر 😡
انا عندي غسالة تعبأ من فوق و أوتوماتيك …
و بعد غسيل الثياب بالذات الغامقة تطلع على الثياب بقع .. انا في الغسيل بشكل عام ما استعمل كلوركس نهائيا.. اخاف من البقع..
المهم بخبركم كيف اغسل عشان تحاولون تحلون المشكله..
غسيل الثياب الغامقة..
اول شي احط الثياب و احط كاسة صغيرة من مسحوق الغسيل و انا استخدم حاليا أومو . و احط غطى كومفورت مركز و اشغل الغساله و تغسل الثياب و اطلعهم انشفهم
و بس … الاقي ثيابي عليها بقع.. و ارجع اغسلهم مرة ثانيه و مافي فايده ,.. :thumbs_down:
و بس شو الحل؟؟
اختكم ليلي دبي
امممم … اول شي تاكدي من القطع الي بتغسلينها مع بعض ما تطلع الوان؟ لانه بعض الملابس مجرد يصيدها الماي يطلع لونها مع الماي … هذي نقطة تاكدي منها اولا
ثاني شي انا عن نفسي اغسل ملابس الطلعة والبيجامات بصابون سائل … لان مسحوق الغسيل يبهت الالوان …
وثاني غسلة اغسل فيها الملابس الداخلية بمسحوق الغسيل حق ينظفها اذا كان فيها بقع او متوسخة …. وبالنسبة للمسحوق استخدم بحر
اتمنى اني افدتج ولو بالقليل ….
موفقة
اختي احتمال الكومفوت مع الغسيل يظهر لك البقع
الافضل تضيفي ملطف الملابس بعد شطفها بـ الماء
وقبل ما تضيفي الملابس اضيفي صابون الغسيل وخليه يخد له دوره في الغساله وبعدها ضيفي الثياب
واذا برضها المشكله غيري مسحوق الغسيل
واذا نفس الشي بيكون العيب من الغساله حاولي تتاكدي انها نظيفه من الداخل ما تكون مجمعه اوساخ
تطلع وقت الغسيل
ان شاء الله اكون افدتك يااارب
لا تنسيني من دعواتك الطيبه لي بـ الذرية الصالحه اختي
صارت معاي مرة
بعدين حطي الملابس وبعدين شطفيها زين من الصابون لانه يسوي بقع
وبعدين حطي كومفورت لوحده مع الماي وجففيها
وانشالله تنفع معك وخبرينا بالي ياصير معك
خففيه بالماي …انا واجهتني هالمشكله
ويوم خففته الحمدلله مافي بقع
لكن الملابس اللي بقعت خلاص
البقع ثابته ماتروح
البقع من الكمفورت صارت لي انا
كنت اغسل تنانير الجامعه وعشان لونها اسود وكحلي صار لها كذا ..
لو كثرتي مسحوق الغسيل بيعمل بقع ومش بتروح , قللي مسحوق الغسيل للنصف مع الملابس الغامقة
يوم كنت والد صارت هالمشكله لي انو اختي أفشلت ملابس البنت وحطت الكومفررت. بدون تخفيف
ملابس بنتي كلهم اندمروا بسبب طريقة الخطأ
تحياتي