بصراحة بنات انا وايد فرحانة فيكم لمن اشوف بنات حواء اشلون كل واحدة
تهمتم بشكلها وجمالها وشعرها خصوصا ان الشعر يعتبر تاج المرأة
انا شفت ألوان الشعر الجديدة ووايد اعجبتني
والصبغات ماشاللة صايرة كل صبغة أحلى من الثانية
أول صبغة انا ينببت عليها اسمها صبغة الكابوتشينو
وتصير هالصبغة بأكثر من لون
في البداية يكون أرضية الشعر حشا طوفة مو شعر
المهم ارضية الشعر تكون بلون الشوكولاتة بس اللي رايح على العسلي نوعا ما مايكون شوكولاتة غامجة حيل بنات مو تحطون لون الشوكولاتة اللي رايح على القهوة لا خلوه الشوكلاتة اللي جاي على العسلي
هذا بالنسبة حق الارضية
وبعدين تطلع من الشعر خصل متفرقة ويكون حجمها متوسط باللون النحاسي ونصيحتي يا بنات لا تستخدمون البالون بالخصل استخدموا القصدير لان القصدير وايد يعطيج شكل أضبط من البالون وتقدرين تتحكمين بحجم الخصل أفضل وايضا مواقعهم
وانا أفضل ان الخصل باللون النحاسي تكون متفرقة وبعيدة عن بعض ويكون حجمها متوسط
واللون الثالث يكون عبارة عن اللون الأبيض الثلجي
وبالنسبة حق هاللون هم الخصل تكون فيه متفرقة ولكن تكون أكثر من الخصل النحاسية واذا كنتي تحبين اللون الأبيض الثلجي حطي الخصل حجمها أعرض…..بصراحة هذي أروع صبغة انا شفتها بحياتي
وكثير تصلح لنا بنات الخليج
ووايد تتناسب مع البشرة الخمرية السمراء
وان شاء الله راح اجرب اللون
انا مفكره فيها
بس ابي صالون يظبطها عدل اي صالون اذا تعرفين
عفيه قوليلي علشان اروح اصبغ
اشكر إطرائج الحلو ترى اللون جدا حلو ورائع
ترى اللون وايد حلو بالذات على البنت اللي لون بشرتها خمري
جربيه
ووايد يعطي شكل حلو حق البنت
وبالتوفيق
من الصالونات اللي تضبط لون الكابوتشينو صالون الكونتينيتال وايد يضبطون الصالون وعندهم واحدة اسمها مدام لينا او مي او ميرفت ماشالله ايدهم وايد حلوة بالصبغات واهم شي طلبي ان الخصل تكون بالقصدير مو بالبالونة لان القصدير يضبط أكثر من البالون
واذا صبغتي خبريني بالنتايج
مشكورة عزيزتي…وشكلها حلوة مرة…بجربها على بنت خالي…فار التجارب تبعي..لأنها تحب الأصباغ..أنا تبع الحنا….أحسن لي وأسلم لشعري..
بااااااااااااااااااي