1 في أي أسبوع ولدتي
2 شنو سبب الولادة المبكرة
3 كم كان وزن البيبي
4 شلون حالته الصحية( يعني صارت له مضاعفات أو تشوهات)
5 شكثر خلوه في الحاضنة
6 والحين كم عمره
7 كم ترتيبه بين أطفالك
8 مستوى الذكاء ، النشاط، التطور الحركي هل تحسينه طبيعي والا بطيء
يلاااااااااااااااااا أمهات أبي تفاعلكم عشان نستفيد
أنتظرررررررررررررررررررررررررررررررررركم
ولدت ف الشهر التامن
2 شنو سبب الولادة المبكرة
لانهم توام
3 كم كان وزن البيبي
الاولى 2 ك والتانيه كيلو و 700 ج
4 شلون حالته الصحية( يعني صارت له مضاعفات أو تشوهات)
لا والحمد لله
5 شكثر خلوه في الحاضنة
الصضغيرة اتحطت للاشتباه ف وجود الزرقا والحمد لله طلع ما عندهاش حاجة
6 والحين كم عمره
20 يوم
7 كم ترتيبه بين أطفالك
الاول
8 مستوى الذكاء ، النشاط، التطور الحركي هل تحسينه طبيعي والا بطيء
الحمد لله طبيعى
انا من احوج الناس لهالموضوع مع اني ما بعد تبرد حرقة قلبي ولا تطمنت 
، لكن بتابع بشدة..
في أي أسبوع ولدتي
ولدت بالاسبوع 25 (نهاية الشهر السادس )
2 شنو سبب الولادة المبكرة
بعد ما ولدت قالو لي يمكن السبب قصر عنق الرحم ومرات ثانية عملية ربط ( ومدري ليش مو مقتنعة بالتشخيص)
3 كم كان وزن البيبي
640 جرام بس
4 شلون حالته الصحية( يعني صارت له مضاعفات أو تشوهات)
كان مستقر اول اسبوع وانعفس فوق تحت بعدين، وسوو له عملية لسد فتحة القلب ، وبعد اسبوع من العملية سوو له عملية في الراس لسحب الماي الناتج عن نزيف في الراس وشوي الحين استقر وضعه
5 شكثر خلوه في الحاضنة
الحين كمل شهر ويومين
6 والحين كم عمره
توه ما طلع من الحاضنة
7 كم ترتيبه بين أطفالك
الأول
8 مستوى الذكاء ، النشاط، التطور الحركي هل تحسينه طبيعي والا بطيء
هذا الخوف والهم اللي انا عايشته الحين كل وحدة منكم تقرا هالرد تدعي من قلب ان الله يحفظ ولدي من الاحتمالاات المستقبلية هذي)
بنية شكرا على ردك وانا متابعة قصتك في قسم الحمل والولادة وان شاء الله بيطلع ولدك من المستشفى بالصحة والعافية بس المسألة مسألة وقت ومحتاجة صبر لأني مجربة هالفترة كانت كلش صعبة لني ولدت بآخر السابع والظاهر ان السبب كان توسع في عنق الرحم وفي حملي هالمرة سويت عملية ربط وولدي بعد كان تعبان كلش عنده مشاكل في القلب وسووا له كذا عملية وتم تقريبا شهرين في الحاضنة ويوم اللي عطوني اياه ماصدقت وكنت طول ذيك الفترة صياح وحالتي النفسية تعبانة جدا بس كنت ادعي له وأصلي وأطلع الصدقة على طول والحين ماشاء الله عمره خمس سنوات بس طبعا نموه بطيء ويبين أصغر من عمره بس الحمدلله على كل حال
يالله بنات ابي تفاعلكمممممممممممم
شنو المشكلات اللي صارت له وشنو العمليات والحين وش وضعه بالضبط ..
والله احس اني عايشة كابوس ، هانت الحين شوي واحسه قاعد يتحسن والله كريم يسهل الجاي..
يعطيج العافية على هالموضوع جا بوقته ..
الله يشفيهم
بنية زينة شخبار ولدج الحين؟
بالنسبة حق سؤالج عن ولدي الحين هو زين بس مناعته حق الأمراض ضعيفة بسررررررعة يمرض ويوم كان في المستشفى كانوا كل يوم يطلعون فيه علة بس الحمدلله على كل حال ربك رحيم يعني ما توقعته يطلع من قسم العناية المركزة من زود اللي فيه والحين ماشاء عليه صج ضعيف واااااااااايد وماياكل زين بس الاحظ عليه كل مايكبر يصير أحسن ودخلته الروضة بعد