انا جابتلكم موضوع…….قديــــــــــــــــــــــــــــم يعنى لازم تشغيل الذاكره اشوي……
الموضوع يتكلم عن غناوينا واحنا اصغار…….
تذكرون ذيج الطفوله….. الى كنا نجتمع فيها حنا وبنات الفريج….والنغنى ذيج الغناوي الحلوه
الى مافيها هالكلام الفاضي الى نسمعه الحين
الله يابنات ياعندنا في الكويت اغانى شعبيه اتهبل….واكيد كل بلد عنده بعد اغانى شعبيه حلوه..
وانا حبيبت اعرفكم على غناوى البنيات في الكويت والى انا حافظتها عن ظهر قلب……
وان شاء الله تعجبكم…..يله نبدى…..
هوب هوب يالبطه…..يالنعنبو من حطه…
ماحطته الا غويليه….وغلايل راحت البر….
اتجيب العيش الاحمر….وان حطه بالصوانى….
على جيت خوالى…..خوالى يا دلالى…
ياصويحبي…ياالتربي…كود على ويه الصبي..ترى الصبي…مايستحي ..يلعب مع البنياتى…
………………………………………….. ……………………….
………………………………………….. ……………………….
غلايل مادريتى…..عن خطارن لفوج…
قالتلى جان غبشه…..واحد مثل الملوك…
ركبنى فوق سريره….لبسنى بنجري…<<..البنجري اسواره دقتها هندى…
لبسنى ثوب امسرح….وعباة ام الزرى….
ابيي ماخلانى….زوجنى دوسري….
عنده افلوسن واجد…..يبيع ويشتري….
………………………………………….. …………………………….
………………………………………….. ……………………………
يازين بيت أبيي….كله سعه ابسعه…
ومصككه بيبانه….يا ربي ترجعه…
ومويسد راسه الخيمه….ومثور مدفعه…
يمه لقيت ابقيشه….بيضه ومشمعه…
فيها غراش حنا….يعل امى اتهنا….في غرفتن جديده….فيها زل ومساند….فيها ابيي يدق القهاوي……….
………………………………………….. ………………………………..
………………………………………….. …………………………………
عسي اعجبتكم….يله هاتو ماعندكم….ياحلوات وخلونا انتعرف على الاغانى الشعبيه القديمه
…..واتمنى ان الموضوع جديــــــــــــــــد محد كتب عنه قبل جذيه……
يله غردن سمعنى …..وبذات بنات السعوديه….لانى سمعت ان عندكم اكثر من لهجه…..
يعنى كل منطقه لها تراثها……….منقول