أناقة بنكوشه في Friend's Wedding 2024.

مرحبااااااا حبايبي شحالكم عساكم بخير فديتكم وحشتووني موووت ..ادري مقصره وايد في حقكم بس تدرون ساعات الواحد يمر بظروف تكون اقوى عنه وانا احاول قد مااقدر اكون متواجده دوم معاكم:15:

أول شي حبيت اقدم لكم باقة ورد بنكوشيه مني لكم واتمنى تنال ع إعجابكم

وحبيت اشكر كل من يتابعني من خواتي واهلي واربيعاتي وبنات عروس و بعد اشكر كل من يتابعني خلف الكواليس

اليوم موضوعي عن أناقة بنكوشهـ في عرس اربيعتي وربي يوفقها يارب ويسعدها ويرزقها بالذريه الصالحه يارب .. ويرزق كل متزوجه محرومه بالذريه الصالحه ويرزق كل وحده عازبه بالزوج الصالح قولوا آمين

واستانست وايد ف العرس وخاصه اني شفت عضوه من بنات عروس فديتهاا " منــاوي" :21_104:هاي البنت عحيييبه

احساسهااا ماشاااءالله مره قوي لووووووووولز من اول ما شافتني عند البوابه ع طوووووووول عرفت اني انا بنكوشهـ مع انه مانعرف بعض وحتى يوم سألتها كيف عرفتيني قالت مجرد احساس اول ما شفتج ع طول قلت هااااااااي بنكوووشه،، فديتهاا والله استانست واايد يوم شفتهااا عسوله فديتهاا

اوكي بعد هاي المقدمه العريضهـ بقول لكم شو سويت من الترتيبات ما قبل المكياج لووولز حلوه هاي يالله ما عليه

ملاحظه: بنات اتمنى تذكرون الله وتقولون ماشاءالله :B_wink:تراه العين حق وانا ابى الكل يستفيد لوولز لو صكيتوني ف عين لا مواضبع جديده لبنكوشه لووووووووولز وانا ادري حبايبي ألبي شطاار ويقوولون ماشاءالله

الساعه 2:30 الظهر رحت الصالون ورحت اسوي حمام زيت لشعري .. وانا اسوي حمام زيت قاعده اكلمها اقولها عاشه تقدرين تلبسيني عدساات لووووووولز تقول يا بنكووشهـ لين متى هالخوف

عاشه من دون مقدمات قلبي ما يستحمل انغز عيوني هع يالله لبسيني فديتج

هي تلبسني وانا ملعوزتنها ارمش:shy: لوولز تقول يا بنكوشه وقفي بس يالله ولا ما بلبسج خلاص عاشه >>> وحده عاد ما صدقت تحصل حد يلبسهاا

وهاي كانت عدستي

وبعد ما رجعت من الصالون وسويت حمام زيت حسيت ابى ارقد:21_162: لوولز وانا احاتي العدسات في عيوني

جان اتصل لربيعتي اقولهاا انا فيني ارقاد والعدسات في عيوني شو الحل جان تقول ارقدي ما عليج هع

انا اخليها ليوم الثاني ساعات بس لا تسوين نفسي تراه هب زين بس انتي ما بطولين في الإرقاد يعني عادي وانا اقولها يعني عادي وانا ايدي ع قلبي وشوي احط راسي واخاف اغمض عيوني

بس سلطان النوم اقوى عني ورقدت ساعه بعد ما نشيت اطمن ع عنوني اشوفها بعدها العدسات موجوده ولا ؟؟

لووولز ورحت غسلت ويهي وقمت اهيء ويهي للمكياج حطيت مكعبات ثلج ماي ورد وبس

بسم الله نبدأ

هذا المكياج اللي تشووفونه اللي استخدمته في العرس وهاي طاولتي الخاصه للمكياج

أول شي حطيت ستروب كريم من ماك وهو عباره عن مرطب

وبعدين حطيت بيس من كاريولاين للبشره المرهقه .. الحمدالله ما كانت بشرتي مرهقه بس زيادة الخير خيرين

وعقب رشيت الفيكس

استخدمت من بوبي براون كوركتر + كونسيلر (انصحكم فيه)

1- حطيت كوركتر تحت عيوني فوق الجفن العين

2- حطيت كونسيلر وزعته تحت عيوني وفوق الجفن

بعدين ع خفيف حطيت نقطه من الفاونديشن اللي بحطه في بشرتي وعقب حطيت بودره نفس البودره الي بحطه في بشرتي وتحت عيوني حطيت البودره الحره عسب الأي شدو وكثفت منه

بديت ارسم عيوني من داخل حطيت كحل اخضر من داخل وطلعته شوي تحت وع خفيف بس مشيت الكحل الأسود من داخل عيوني

بعدين تحت الحاجب حطيت أي شدو ذهبي تحت الحاجب نفس اللي تشوفونه في الصوره

يتبع

وصلنا للأي شدو

الفرش المستخدمه

حطيت أي شدو ليموني ومايل ع الأخضر (1) ع كامل الجفن المتحرك وبعدين حطيت فوقه أي شدو اللون الأصفر(2) وحاولت اطلعه ع الجفن الثابت

بعدين حطيت أي شدو زيتوني (3) في نص العين وحاولت ابرز اللون واموه ما بينهم( ادمجهم ) وع الزاويه الخارجيه من العين حطيت أي شدو (4) وامده شوي ع الزاويه الخارجيه وشوي فوق

وآخر خطوه للأي شدو حطيت اللون العشبي الأخضر(5) دارك في الزاويه الخارجيه من العين وشوي مديته ع فوق

بعدين بديت ارسم عيوووني بكحل السائل من بوبي براون (انصحكم فيه)

رسمت عيوووني من تحت .. بس احين اباكم تفهمون كيف رسمتها

مثل ما قلتلكم حطيت الكحل الأخضر داخل عيوني وطلعت شوي تحت رسمت عيوني من تحت اللون الأخضر

يعني صارت عيوني 3 طبقات

اول شي من داخل كحل اسود وبعدين خفيف شوي من برع كحل اخضر ومن تحت اللون الأخضر كحل الأسود الكريمي من بوبي براون يمكن تقولون بيكون عريض؟

لا بالعكس انا حاولت وانا ارسم بدقه يكون رفيع لأني مااحب يكون تحت عيوني ألوان نازله.. وبصراحه واايد عيبني

ونفس الطريقه طبعا في العين الثانيهـ بس ماانكر شوي واجهت صعوبه في الطبقات اللي تحت العين بس الحمدالله ضبطتها

وعقب رسمت عيوني من فوق وشوي مديته من الزاويه الخارجيهـ

بعدين نظفت تحت عيوني من البودره المنثورة

وزعت فاونديشن ماك ع ويهي وع ارقبتي بحركه دائرية وع شفايفي

عقب حطيت بودرتي آرتي (1) اهىء اهىء جربت تخلص هاي اغمج من بشرتي بس صدق رووعه ومن عقب حطيت بودره شوي افتح من بشرتي بدرجه

بعد ما خلصت رحت وصبغت حواجبي وعدلتهم

حطيت ماسكرا من برجوا

بعدين حددت شفايفي وحطيت من بعدهاا روج من ميكب آب فور إيفر رووووعه احبه بس للأسف انقرض

ومن بعدها حطيت قلوس ديور عسب يعطي لمعه

لو لاحظتوا ما حطيت بلشر حبيت اول شي احط الروج عسب احدد كميه البلشر اللي محتاجتنهاا في بشرتي

بعد ما خلصت من شفايفي حطيت بلشر وبصراحه طلع واااااااااو

نصيحه :بنات اول شي حطوا الروج وبعدين حطوا البلشر عسب تحددين الدرجه اللي تبينهاا

وعقب قعدت اتأمل في عمري هع لووولز احس الألوان صارخه وحلوه وانا من فتره احس ما تعدلت هالمكيااج حتى في العيد كان مكياجي بسيط بس جحال وقلوس لوولز لأن كنت امر بظروووف وماكان لي بارض واايد اتعدل:handdown: اما الحين الحمدالله نفسيتي آب آب اللهم لك الحمد

بعدين رحت اشغل السياره بما انه الصالون جريب استأذنت من الوالده ورحت اسوي شعري

وسويت شعري باااف من جدااام وخصل عريضه نازله ع يبهتي اما من ورى قلتلهاا تسوي لي عادي لأن ماراح يبين بس واايد ركزت ع القره لأن هيييه الأساس لأن طريقة عباتي تعتمد ع القره اما من ورى ما يبين وما قصرت فديتهااا تسلم ايدها

رجعت البيت وحطيت مانكير باللون الذهبي وقعدت اشويهـ ورحت ألبس فستاني الأسود

يتبع

وهذا فستاني من جدام تصميم زهير مراد.. روووعه ف اللبس واايد بسيط وسمبل لأن عباتي ربشهـ

وموديل الفستان يبين في اللبس

عقب رحت ألبس الذهب وعن طاري الذهب بقولكم نصايح

بنات لو لبستوا ذهب حاولو ما تلبسون معاه اكسسوار يعني لو لبستي اكسسوار خلاص ألبسي كل شي اكسسوار

لأن احس الذهب يفقد بريقه يوم تدمجين واحس ابد هب حلووو

وحتى لو لبستوا مثلا عقد ماركه لا تحاولون تلبسون الحلق ديور والخاتم أقنر والساعه جيفشني K

احس ابد هب حلو وما يكون مرتب بس هاي مجرد ملاحظات حبيت انبهكم

وهذا الذهب اللي لبسته طبعا كان ما يحتاي ألبس لا ساعه ولا برسليت عسب موديل العباه ما يحتاي

وعقب لبست عباتي مفصلتنها من دار الوعد وهاي موديل العباااه

وهذي جزء من عباتي

لبست الشوز الفيكتوري

وتعطرت بدهن عود سيوفي وعطر زين عطري المفضل للمناسباات وادخنت

واول ما طلعت من الغرفه هع صرت مصخره اشوف عهوود تسويلي لووووووولش لووووووووولش اونهاا تزغرط هع فديتها والله لو شفتوا اليهال كيف سوو ربشهـ لوول

أول ما طلعت من البيت طبعا شفتوا كيف موديل عباتي لبست شااااال عريض يسترني ولبست شيله ثانيه اغطي راسي ويهي

وعقب رحت استيديو المفضل والعميله دايماا عندهم Art Studio(p)

اول مارحت تعبتني اول ما قالتلي فوق التصوير اشوي وبصيح لأن العباه ثجيله والفستان فيه ذيل ومااشوف وامشي شوي شوي لولا الخدامه يا حليلها تساعدني جان انا طحت ع ويهي هع

وجان اتصور وعاد حركاات بتكوشيه في التصوير هع وعقب وانا اتصور اشوف المصوره تقول بنكش عاد تعرفني هع جان اقولها ها طبعا شوي ع الصيني وشوي ع الإنجليزي وانا احاول قد مااقدر افهمهاا الإكسسوار اللي لابستنه من وين شارتنه واايد حبيته اقولها هذا قوووولد Not اكسسوريز لووولز

من بعد ما تصورت عقب تفيجت اروح العرس لوووولز

واستانست الحمدالله شفت كل اربيعاتي ايام الدراسه وجذي خلص موضوعي

اتمنى استفدتوا مني ولو بالقليل

ولا تنسوون حبايبي دعوه حلوه منكم لبنكوشهـ في ظهر الغيب:cool:

مع التحيه

ما شااااااااااااااااااااااء الله

اللهم صلي على محمد وال محمد

ذووووووويقه يا بنووك كعاادتش

ربي يحفضش ويخلي لج الواااالد يااااااااااااارب

مشاء الله تبارك الله بسم الله عليك كالعاده مميزة بمواضيعك يسلمو يالغلا

ما شا ءالله بنكوووووووووووووووووووشه

خطيره

الله يسعدج يارب

ما شاء الله تبارك الرحمن