خواتي العزيزات…اتمنى اني القى اللي اباه عندكن انشاء الله..ومشكورين و يزاكن الله خير مقدما..لاني ادريبكن..رواعي فزعه…(يعلني افداهن)…
نرجع لمحور حديثنا..
ياجماعة الخير..انا ان شاء الله ابتزوج في نوفمبر الياي..و ريلي سعودي الجنسيه (يعلني افداه)..و بما انه سعودي اكيد بنتقل للعيش في المملكه..و ان شاء الله بكون في مدينة جدة..و طبعا ياحبيباتي.. انا مازرت جده ابد ..و لا اعرف اي شي فيها..و انتو مثل ماتعرفون ان العروس اللي تيي من دوله ثانيه لازم يسوون لها حفله في بلد ريلها..المشكله اني انا مااعرف اي صالون راقي و حلو في جده ..فياليت لو تزودوني بالمعلومات ..و تخبروني وين القى الصالون اللي شغله حلو و نظيف و اطلع من عنده و انا مستانسه ..
و بس ودي اضيف شغله..انا بيتي قريب من قرية مرسال..(يعني ياليت لو تقولون لي اي الصالونات القريبه من هالمنطقه و ماعندي اي مشكله اذا كان يبعد 30 ساعه او حتى ربع ساعه)..
السموحه على الاطاله .. ممكن اضيف شي اخر.. الا وهو .. ارقى الصالونات في الرياض و مكه بعد..لان بنت عمتي نفس حالتي.. بتعيش بين مكه و الرياض..و تبي تعرف الصالونات المناسبه..
و بكون شاكره و ممتنه لكن اذا ساعدتوني..
و سوالم…
انا بانتظار ردودكن
وعلى فكررررة فيه صالونااااات في جده يخلووونك ملكه جماااااااااااال وربي
كانك من اللبنانياات الكشخه
بس استني يالغلا اجيب لك ارقامهم وتامرين امرررررررر ياقلبي
أسموحه لو أعرف أبشري رح أساعدك:o
اولا الف الف مبروك والله يتمملك على خير ان شاء الله في اكثر من محل لكن افضل شي:
1- باتشيا لوتشيا.(محل لبناني جديد شغله اكثر من رائع)ز
2- المقينة(في التحلية)
3-جمالك.
كان ودي اساعدك بس انا من حفر الباطن
السلام عليكم ورحمة الله وبركاته
أختي اعملي بحث في ركن العروس…في موضوع للأخت النــــونة عن كل مشاغل المملكة…موضوع رائع و شامل و راح تستفيدي منه جدا…
بالتوفيق و ألف مبروك مقدما…
اخت اختها:
تسلمين ياعمري على طلتج و المساعده ..و انا بانتظار الارقام فديتج..و اخدمج في عرسج ان شاء الله اذا ماعرستي:smile:
====================
نورس الوجود:
مشكور و كلك ذوق على حضورك ..و ادريبك ياخوي ماتقصر..
====================
روبا:
عساني ماانحرم من طيبة قلبج يارب..يعلني افداج مشكوره ويزاج الله خير على هالمساعده ..و ان شا ءالله اردها لج في يوم:shy:
====================
غادة:
الله يبارج في حياتج فديت روحج ..و مشكوره لوقتج الثمين يابعدي..
====================
مرموم:
كثر الله من امثالج يالغاليه ..و تسلمين على ردج لي و ان شاء الله بسوي اللي قلتي لي عليه و باذن الله ابلقى اللي يناسبني..يعطيج العافيه الغاليه..
انا ان شاء الله اذا الله كتب لي مسافره يوم الاربعاء لجده واذا امداني الوقت باخذ لي لفة في الصالونات اللي ذكرتوها..و ان شاء الله القى اللي اباه يارب..و مشكورين مره ثانيه ,.يزاكن الله خير
اختكم:
عروسة نوفمبر
عروسة نوفمبر:flower: :flower: :flower:
الله يسعدك وموفقه يارب:smile:
الله يبارج فيج ان شاء الله ..
والله يسعدج ان شاء الله و عقبالج يارب اذا بعدج ماعرستي..
==============
تحياتي:
عروسة نوفمبر