أي شي خاص بتعطير الكبت 2024.

أخواتي منو نعرف شو ممكن استخدم عشان اعطر الكبت والملابس اللي فيه وريحته تكون حلوة وتم فترة طويلة

السلام عليكم ورحمة الله وبركاته
عزيزتي انا من هواة العطور والدخون والذي منه
ودولابي دوم ريحته حلوه والبركه
في وحده بايعتني عطر رش للدواليب علي قولتها يخلي الريحه خنييييينه وخاصه ان بخرتي عقبه
هيه بايعتني العطر والبخور ب 100 درهم بس يتم فتره طويله ماشاءالله
وهيه دايما مشتركه في المعارض ومهرجان دبي وتقول البنات يسون طلبيات لهن و حق ربيعاتهم منه
بس صراحه حلو حتي الاكياس الي في الكبت صارت ريحتها حلوه…..
ها الي انا اسويه لتعطير الدولاب يمكن البنات هنا عندهم خبره غير واسهل وارخص

مشكورة اختي حنين السنين على الرد
بس بغيت اعرف شو اسم العطر والبخور
وجزاك الله ألف خير

ممكن اترشين اي عطر غرف او عطر عادي او حتى ماي او ماي وردي
على باب الكبت
من داخل وعلى الملابس وتحطين بعده المدخنه
تحت وطبعا يكون في دخون
وسكر الكبت بس تحملي تحترق ثيابج

اختى الغاليه استخدمى الاكياس الصغيره من جليد اللى تتعلق بالدواليب وخزائن ريحتها حلوة

وشكلها حلو وبجميع انواع الزهور والفواكهه وتنباع فى لايف ستايل اكياس مماثله اوانها حلوه

وريحتها روعه وعندك ايضا الاوراق اللى تتوزع بين الثياب بالادراج ريحته روعه وهادئه

وماتسبب حساسيه اسمه Fresh & Soft .

وشوفى كيف الريحه تصير خياااااااااااااااااااااااااااااااااال

امسحي الدولاب بموية ورد ورطبيه شوي وعقب دخني الدولاب شي 2 دقيقه تمسك الريحه فيه

استخدمي بخاخ فيه ماي ورد مخلوط مع العطور اللي تحبينها ،، بس من بعيد عشان ما تبقع الملابس

حطي في الأدراج بين الملابس مكعبات المسك ،، و اكياس اللافندر المجفف

و لا تنسين تحطين المدخن " المبخره " وفيها العود في الكبت و تسكرينه

في لايف ستايل كور صغيره بكل الروائح روووعه