بصراحة أبي أشتري غسالة فل أوتوماتك مع نشافة لأن شقتي صغيرة و ماعندي مكان أنشر فيه الثياب فقلت باخذ الغسالة إللي تطلع منها الثياب ناشفة 100%…
و لكن:
معظم هلغسالات تعبئة امامية و هلنوعية ما يمدحونها كلش لأنها مع الزمن تخر الماي:angry:
في إللي بو طابقين
يعني غسالة تحت و فوقها النشافة …. بس ما عرف شنو الماركات الزينة و إللي تتحمل؟؟
بنات بلييييييييييييييز عطوني رايكم بشنو تنصحوني و أي ماركة اَخذ؟؟
صج إللي تتعبى من الأمام مو زينه؟؟ أوكان هذا أيام أول ؟؟
كل وحده تكتب لي شنو تستخدم و هل هي مرتاحة منها؟؟
ماانصحك بابو طابقين
خذي غساله بس ماتكون تعبئه اماميه
واجود شركة
ويرلبووووول
عن تجربه
انا بنصحك بكذا شغله
انا ماعرف غساله تنشف 100%
لكن بقول لك على طريقة واغلب اقاربي مجربينها
الغساله LG طبعا تنشف نسبة 70% اوكي هذي عندي منها
وتشترين نشاف ينشف 100% بس مادري وش ماركته
يعني غساله ونشاف منفصلين وراحه مابعدها راحه(f)
 |
اقتباس |  |
 |
المشاركة الأساسية كتبها المسالمه |  |
 |
| اختي اخر العنقود
ماانصحك بابو طابقين خذي غساله بس ماتكون تعبئه اماميه ويرلبووووول عن تجربه |
||
 |
 |
فديتج يلمسالمه على هلرد الشافي …….. و مثل ما قلتي مافي أحسن من ويرلبوووول لأنه إيطالي "على حسب علمي"………. و هلنوعيه يستخدمونها بيت أبوي من سنين ماشاء الله فعلا ممتازوه و ماعليها غبار…….
اشكرج على ردج إللي يدل على إهتمتامج…. يزاج ربي الجنة
|
اقتباس | |
|
المشاركة الأساسية كتبها اسيرة قلبه | |
|
|
انا بنصحك بكذا شغله انا ماعرف غساله تنشف 100% لكن بقول لك على طريقة واغلب اقاربي مجربينها الغساله LG طبعا تنشف نسبة 70% اوكي هذي عندي منها وتشترين نشاف ينشف 100% بس مادري وش ماركته يعني غساله ونشاف منفصلين وراحه مابعدها راحه(f)
|
||
|
|
تصدقين ما يه ببالي اَخذ كل قطعه بروحها !!!
إقتراحج ممتاز و باضمه لإقتراح المسالمة و هذا الحل يعتبر وسط و مثالي لأني فكرت فيها لو كل حاجه بروحها أحسن علشان لو إختربت النشافه بروحها ماراح تعطل شغلي بالغسيل علأقل بتنشف 70% …..
فديتج أشكرج على ردج إللي يدل على إهتمتامج…. يزاج ربي الجنة
وبعد كل العضوات مالله احس كنهم اخواتي الله لا يحرمنا منهم
وان مع اختي اسيره فكرتها رائعه جدااااااا
|
اقتباس | |
|
المشاركة الأساسية كتبها رانيا البحرينية | |
|
| أختى أنا عندي غسالة وحده ومناسبة للشقة والحمد لله صار لها الحين 3 سنوات ونصف وماتغيرت من المؤيد اللي مقابل بنك البحرين الوكني بشارع الحكومة،، تغسل وتشطف وتنشف يعني الثياب يطلعون شبه ناشفين، بس أخليهم شوي على النشافة الي ينحطون عليها الثياب وأفتح عليهم المروحة او أخليهم قريبين من النافذه إذا في شمس وقتها بالغرفةوتشوفيهم ناشفين.. | ||
|
|
هلا إختي رانية…. مشكورة على مساعدتج لي … بس قولي لي شنو ماركتها؟؟ ترى المؤيد عندهم ماركات كثيرة….
تصدقين يا رانية ماعندي حتى غرفة أنشر فيها الثياب!!!!!
لأن شقتي غرفتين و صالة وحده من هلغرف خليتها "Walk through Dressing Room" لأن مافي مجال أحط كبت بغرفتي و زوجي الله يهداه منبهني يقول ما يبي يشوف ثياب منشورة فلشقة :angry: و بصراحه بيني وبينج أنا بعد أنقرف من شكل الثياب منشورة فلغرفة!!
فالحل إني باخذ غسالة فل أوتوماتك مثل مالتج و باشتري بعد النشافة إللي تنشف 100% علشان ما أبهدل المكان لأن صغير فبسرعة يتبهدل…..
سوري طولت عليج بس صج الشقق الصغيرة معاناة الله يعيني لينما يبت عيال مادري وين بارقدهم … يمكن أرقدهم تحت السريررررر :qaq: