هذي أول مشاركة لي في هذا القسم بس حابة أفيدكم ونستفيد جميعا … من كل معلومة أو خبر يخص المكياج والعطور بما إننا حزب النساء مدمنات على العطور والميكأب.
فأي سؤال يخص هالأمور انا حاضرة لأن عندي مخزون كافي ووافي عن كل مايتعلق بالمكياج والكريمات والعطور :shy:
وانشالله راح أحاول أنزلكم صور لمكياجي وعطوري وكريمات العناية بالبشرة والأقدام والأيدي والجسم .
إذا شفت تشجيع :cool2: :think:
عيل اتحملي ما اييج خخخخخخخخخخخخخخخخخ ..
أول سؤال:
شو أحس كريم للنهار تستخدمينه .. للجامعة مثلا أول الدوام
أنا أستخدم كريم الصباح من يولاي وأحس أنه مريحني وايد
شو رايج فيه ؟!!
[ على فكرة أنا ما أحط شي ثاني غيره أبدا ]
 |
اقتباس |  |
 |
المشاركة الأساسية كتبها فتاة الإمارات |  |
 |
| بما أنج حاضرة لأي سؤال واستفسار عيل اتحملي ما اييج خخخخخخخخخخخخخخخخخ .. أول سؤال: شو رايج فيه ؟!! [ على فكرة أنا ما أحط شي ثاني غيره أبدا ] |
||
 |
 |
عادي عزيزتي حياج معانا …
أحسن كريم للنهار استخدمته ….. كلارنس .. الصراحة وايد مرتاحة لمجموعة التنظيف من هالماركة
والطريقة اللي أستخدمها ..
أغسل ويهي بالغسول وبعدين أمسح بالتونك وبعدين أحط كريم مرطب وبعد عشر دقايق أحط كريم النهار .. وطبعا كلة من ماركة كلارنس… وبعد جذي يكون ويهي جاهز لوضع المكياج ..
بس نصيحة اللي بتستخدم هالطريقة يإما يقوم قبل الدوام بساعة يإما يطلع من شغلة خخخخخخخخخخ لأني دااااااااااااااااااايما كنت أتأخر ع الدوام في الإذاعة 🙁 فاخترت ترك الوظيفة ….
وبالنسبة ليولاي الصراحة ماعليه كلام أنا مرات الصبح أستخدم يولاي لتبييض البشرة رغم إني ما أحتاج أبيض أكثر من جذي لكن تقدرين اتقولين انه يحمي البشرة ويعتبر مثل الكريم الأساس عاد أنا أحط بعده بودرة يطلع الويه بيرفكت
وبارك الله بك على الاجابة مسبقاً
انا عندي سؤال شو احسن كريم للعناية بمحيط العين
وشو احسن بودرة ؟
بالنسبة لكريم محيط العين الصراحة انا ما أستخدمة وايد لانه مافيني سواد أ, تجاعيد بس أنصحج ب كريم كلارنس لمحيط العين أنا عندي واحد منه زوجي يستخدمة بدالي:cool2: لأنه في سواد من النظارات بس عجييييييييييييييييب خلال عشر أيام يطير السواد ولاتنسين كلارنس ماركة طبية يعني ماراح تأذيج
وعليج بأكياس الشاي بلليها ماي وحطيها بثلاجة لين ماتبرد وعقب سويها كمادات للعين ..
دلوعة قطر وكل من ينتظر مكياجي قريبا انشالله راح أحطة وراح ايكون أكبر مرجع للكل >>>>>>خقااااااااااااااااااااقة هالمرة :angry:
انا ودي اسال عن احسن خافي عيوب لاني جربت كذا ماركه وماناسبني يعني مو مااااره حلووو
واذا بغيت اسال عن شي ان شاء الله مابتردد اني اسألج
وانتظر صور مكياجج