أفضل زيت على الاطلاق
إذا تبغي شعر زي شعر الهنود
وسعره معقول
طبعاً زيت هميتاج غني عن التعريف …
بس للبنات اللي ما يعرفونه …
هيماتاج
* شكل الزيت:
الزيت لونه احمر زيتوني المايل للبني.. رائحتها قويه جدا جدا.. وهي في علبة زجاج.. ومكونتها مستخلصه من النباتات الطبيعيه والزيوت الاخرى..
فائدتها:
1- تطويل الشعر
2- منع تساقط الشعر
3- كثافة الشعر
4- القضاء على القشره
5- المحافظه على لمعان الشعر
6- التخفيف من الصداع
7- تغذية الفروه
8- تبريد الراس واخراج الحراره من الجسم
وأترككم مع تجارب البنات وماذكرت إلا عدد قليل منها
إقتباس:
المشاركة الأصلية بواسطة حسبي الله العظيم
[frame="7 80"]السلام عليكم
انا صارلي كم يوم الاحظ انه شعري موطبيعي صحيح يطول 3 سم الحمدالله شهريا بس اللي مستغربه منه هالايام ولاحظته من يومين انه الشعر وخصوصا قذلتي تطول بشكل غريب وانا لاحظت هالشي بالصدفه واليوم كنت العب بشعري وهم لاحظت انه طال اكثر بنات انا لي فتره استخدم خلطات بس ماوصلت للي وصلتله اليوم طايل شعري بشكل غريب والشي الاغرب انه كل مااطالعه اشوفه يطول والله اني مااكذب عليكم باي كلمه بس انا لاحظت هالشي من بديت استخدم امبولات اكرينال وهم زيت هاميتاج بس انا اساسا خالطه زيوت من ضمنها زيت الذره ومحلب واس وسدر وخروع واكل ثلاث مرات يوميا سلطه من ضمنهاالبصل لاني اموت فيه بالسلطه
:16: ولا اخذ اي فيتامينات وبصراحه انا دعيت من قلبي انه الله يكثف شعري ويطول بسرعه وماادري يعني الله مسبب الاسباب لانه في انسانه تطنز على شعري لاني سويت له تمليس وتقطع والحين طايحه فيه اهتمام فشكله الله عطاني على قد نيتي وحطلي اسباب عشان احصل النتيجه اللي وصلت لها التساقط بشعري وقف بنسبة 99% وشعري ماشاء الله صاير صحي فيه لمعه حلوه ونعومه
ادعولي يابنات انه الله يوريها بشعري عجايب اموره 
واي استفسار من عيوني اعين واعاون [/frame]
إقتباس:
المشاركة الأصلية بواسطة ساعات اماراتيه
هلا بنات انا استخدمه ساري ثلاثه ايام بصراحه اول مره اشوف زيت يظهر تاثيره من اول استخدام ان شالله ما احسد زيت وشعري بعد لاني شفت النعومه من اول استخدام لدرجه اني استخدمه ثلاثه ايام وراء بعض مع اني اخذته يوم السبت وبصراحه حلو وحاسه لو بستمر بيكون نتايجه حلوه تعرفون بنات انا كنت مسويه تمليس حق شعري وشعري محترق وواقف والله من اول ما ستخدمه سار ناعم وما محتاجه شباصات حتي اخلي شعري ما يوقف نعملي شعري حمدالله وان شالله بعد يطولي شعري بعد بس يبغيله شهر علشان نشوف نتيجته بنسبه للتطويل اظهر اني طولت عليكم بس لا تلوموني من فرحتي والله
إقتباس:
المشاركة الأصلية بواسطة ssalli2002
اللي تدخل تقول مشاء الله تبارك الله اولا
ثانيا اول مرة الاحظ انه شعري يطول مشاء الله تبارك الله بشكل سريع جدا وبمدة قياسية
والسبب بس زيت هيماتاج
فقط اوقفت كل الخرابيط اللي كنت اسويها واستخدمت الزيت والشامبو والنتيجة كانت شعر من تحت الاذن اللي تحت الكتف في شهر ونص
يبنات والله الزيت رائع بمعنى الكلمة والله يشهد
بس حبيت افيدكم
والزيت كمان ينعم وهذا الشي ملحوظ مرة مرة ويفرد الشعر مع الاستخدام
وبتلاحظون النتيجة وبداية الطول من اول اسبوعين
إقتباس:
المشاركة الأصلية بواسطة ليونا
يوووووووووووووووووه
صراحة الزيت روووووعة كفاية اللمعة اللي يعطيها الشعر
وريحته مقبوله ,,,, بس بشرط غطيه بالبلاستيك وبعديه إلبسي أي قبعة
__________________
تسلمين فديتج على الموضوع.. وعن تجربه هيماتاج رهيبه.. بس يباله مداوله واستمراريه..
ونترقب جديدك الطيب..
وتفاعلك المفيد باذن الله..
نورتينا ونورتي الركن موضوع طيب..
مشكووووووووووووووورة أم سعيدة الله يسعدك دنيا وآخرة ويحقق أمانيك
والجميع يارب
واللي تحب تطلب مني أوفره لها وأرسله لكل مكان بالخليج
وحياكم الله
بس وين أحصله..
مشكوره اختي ع الافاده
بس شو الطريقه المناسبه والصح عشان تظهر النتايج؟؟
بس هيماتاج مو موجود بالكويت وين القاه يا بنات او وحده تبيعه لي جزاكم الله خير من الكويت 0
كاسكو