إضافة الشوكلاتة مع الحليب يسحب كمية الكالسيوم ؟ 2024.

سمعت بهذه المعلومة وصدمت لهول المفاجأة …:eek:كيف ان الشوكلاته اذا اضفناها للحليب تقوم بسحب كمية الكالسيوم من الحليب
يعني يكون حليب الشوكلاته من غير كالسيوم..؟؟؟؟؟؟؟؟
من سبق لها وان سمعت عن هذه المعلومة….؟
من تستطيع ان تؤكد لنا صحة او خطأ هذه المعلومة..؟:rolleyes::rolleyes:
فأولادي لا يشربون الحليب الا بالشوكلاته …….مشكله>>>>>>>>>
وهم بأمس الحاجه للكالسيوم صغااااار:confused::confused:

والله عمري ماسمعت بهذي المعلومة.. خل نشوف البنات شنو رايهم بالموضوع؟؟؟؟

اول مره اسمع هاالمعلومه..

بصراحه شيء غريب كل ما الناس تعوّدت على شيء و إرتاحت له…تلاقي 100 معلومه تقول إنه خطر و يعمل مشاكل…و يسبب وفاة و يسبب أمراض و تشوهات و و و ….

و كلها معلومات تناقض الحقائق العلميه اللي درسناها و عرفناها طول عمرنا……

مرات أحس هذه صراعات بين شركات و بين بعضها…و إحنا الضحيه…و إنهم يلعبوا بمشاعر الناس و خوف الإنسان الطبيعي من المرض و الموت…و الأخطر هو خوفه على صحة عياله…

الله يصلح الحال بس

أول مره أسمع هالمعلومه

أنا ما أحب الحليب كثير ومظطره وقت الحمل أشرب وسألت الدكتوره أذا ممكن أضيف الشوكلاته ماتنقص القيمه الغذائيه للحليب قالت لا ضيفي الشوكلاته أهم شي تشربين حليب

هو صحيح ان الحليب الصافي (الخالي من النكهات ) افضل من حليب الشكولاته لكن اول مرة اسمع بهذي المعلومة

المشكلة يا ناااااااس اللي قالتلي ثقة بس انا ابي اتاككد زياده من الموضوع انا اشتري حليب طازج ابيض وبعدين اضيف له بودرة الشوكولاته

معقولة ؟عيالى مايشربون الحليب الا مع شكولاتة
تكفون احد يرد بخبر اكيد:dontknow:

مليون في المئة المعلومة خاطئة ،، والدليل فيه حليأنواع ب مصنع ( بودرة بطعم الشوكولاتة ) ..

وتراه مو أي شي تصدقينه حبيبتي ، بس زين جيتي تستفسري عشان تعرفين

االي مرموم قالته صح

هاي لعبه تجاريه

بنات الحليب العادي اللي انتوا تضيفوله بودرة الكاكاو العاديه اللي ما فيها سكر او إضافات او محسنات نكهه ما تضر ابدا و لا اي شي

و لكن في انواع حليب بالشوكولاته هو محضرينها و يضيفولها مواد حافظه و نكهات و غيره هي اللي تضر