كنت ناسية وذكرني زوجي وقلت له اني بسوي له مفاجأة
🙂 ( سويت نفسي متذكره عشان ما يزعل)
ساعدوني بأفكار الله يخليكم، والله يجزيكم كل خير
2 حجزي غرفة بفندق و حضري ملابس زوجج و ملابسج طبعا ولا تنسين ملابس للدوام باجر الصبح عشان ما اتوهقون .. و كل عااام و انتو بخير 🙂
اتصلي بمحل ورود وخليهم يجيبون لج باقات ورود وانثريها على طول الممر لين الصالة
وسوي له عشااا محترم(اذا ماعندج وقت اتصلي بمطعم بس بتخسرين عدل هالمرة)2
ولا تنسين الشموع اللي بعد خليها موجودة على طووووووول الممر لين غرفه النوم ومنتشرة في الصالة وكل مكان في البيت
والبسي واتكشخي له وانتظرية
وبعد العشا سوي له مساج (دلع يعني :shy
قولي هاذي هديتك (عااد اذا ماكان عندج وقت تشترين هدية بس ثاني يوم روحي السوق واشتري له هدية وطرشيها له الشغل ترااااااا بيموت من الوناسة على هالمفاجاة) والباقي عليج :cool2:
فكرة حلوة اختي Miss.B سويتها العام قبل الماضي وحملت بعدها:shy:
اختي ام ناصر 2000 فكرة حلوة بسويها في الغرفة لأن العيال إجاز بكرة:down:
شكرا لكم راح عني التوتر
وكل عام وتفاحه الحب
اممممممممممم
اتصلي في أحد من أخواتك اطلبي النجدة
قولي لها تاخذ لك هدية وانتي جهزي نفسك بالبيت
كيكة مثلاً على شكل قلب مغطية بشكولاته
جيلي أحمر للتحلية ويا حبذا لو يكون على شكل قلب
عصير أحمر … فيمتو مثلاً فيه مكعبات قلوب
غير عن العشا والشموع الحمر على شكل قلوب
عشا خفيف سندويشات مثلاً بس لا تفكرين بشي فيه بصل
بعد أخذي وردة حمراء وعطيها اياه أو حطيها على المكان اللي ينام فيه عادة وعلقي فيها كارت اكتبي فيه كلمات حلوة + كل عام وانت الحب + كل عام وانت بخير
اذا اتذكرت شي راح اقو لك
الخوالت ماقصروا