إلى الخبيرات في البودره،، عطوني رايكم في هالبودره لوسمحتو؟؟ 2024.

السلام عليكم ورحمة الله وبركاته

بنات وسيدات وأمهات ويدات …….. لا تضحكون يمكن في معانا يدات 2

المهم
تعرفون كلنا نبي مكياج طبيعي وانا مالي في سوالف الاساس والبودرات

فرحت للسوق وسألت اللي تبيع بمحل المكياج ابي بودرة كانها طبيعية ونصحتني في جيفنشي وايد وجربتها على خدي بس خبركم بما إني ماعندي خبره فماعرف الفرق بينها وبين باقي البودرات

فحبيت اخذ رايكم قبل لاخذها

وعلى فكره صديقاتي مدحو لي ماكس فاكتور لكني جربت هذي البودره اللي هي جيفنشي وش رايكم فيها؟؟؟؟؟؟؟؟

حلووووووووة بودرة جفنشي خصوصا اذا ماعندج مشاكل في البشرة وهي واااااااااايد طبيعيه بس اهم شئ تاخذين الدرجة

اللي تناسب بشرتج

كنت استخدمها قبل حلوة بس في اللي احلى منها
نصيحتي لج ما في احسن من بودرة( ماك )
واهم شي تختارين الدرجه اللي تناسب بشرتج لأن عندهم بودرة بدرجات البيج بدرجات البيج المايل للزهري
انا عن نفسي اختار من درجات البيج

اقتباس

المشاركة الأساسية كتبها رمز المحبة

	حلووووووووة بودرة جفنشي خصوصا اذا ماعندج مشاكل في البشرة وهي واااااااااايد طبيعيه بس اهم شئ تاخذين الدرجة اللي تناسب بشرتج

ها وغلا اختي رمز المحبة اي والله الحمدلله انا ما عندي مشاكل في بشرتي لكن خبرج طمع اولا و ثانيا حشرا مع الناس عيد …. يعني لما اكون في قعدت بنات وكلهم حاطين شي بويهم ماعدا انا احس اني ياهل اواحس ان بشرتي باهته عنهم

واعتقد ان افتح درجه هي الي تناسبني mat suger رقم 01

اللي بالصوره نفسها

ومشكوره عزيزتي على الرد

اقتباس

المشاركة الأساسية كتبها dalooo3ah

	كنت استخدمها قبل حلوة بس في اللي احلى منها نصيحتي لج ما في احسن من بودرة( ماك ) واهم شي تختارين الدرجه اللي تناسب بشرتج لأن عندهم بودرة بدرجات البيج بدرجات البيج المايل للزهري انا عن نفسي اختار من درجات البيج

مشكووووره عزيزتي دلوعه على الرد

بشوف ماك بعد

بس حاليا حاطه بالي على الجيفنشي )

اختي نوره ….. انا كنت استخدم كانيبو ما في احلى منها , بس حسيت ان بشرتي تعودت عليها لاني استخدمها من 4 سنين , فاقلت بغير , والحمد لله , الله وفقني بجيفنشي الصراحه رووووووووووووعه ما في احلى منها , للصباح والمساء تغطيتها عجيبه ومع ذلك ما تحسين نفسك حاطه بودره.
اما ماك حاولت اجربها واتاقلم معاها مثل باقي البنات بس ما قدرت , احسها مثل التراب على وجهي, وبعد فتره ينقلب لونها الى لون اغمق يعني ما تظل ثابته ومنوره , هذا اللي اشوفه على نفسي بس مادري عن الباقي .
انشاء الله اكون افدتك 🙂

هلا وغلا ريميه

افدتيني واااايد

مشكوره عزيزتي

هلا أختي…

أنا أعشق هذي البودرة و استخدمها يوميا و للمناسبات و ما غيرتها من أكثر من 3 سنين..عشان:

1. تغطيتها متوسطة و مرات استغنى عن الكونسيلر بيها. :pain:
2. ثابتة أحطها و أنا رايحة الدوام و تظل طول اليوم. (o)
3. ناعمة و ملمسهامخملي و طبيعي على الوجه. (f)
4. تخفف الدهون بالوجه.

اخذيها حبيبتي و أنت مغمضة خصوصا إذا بشرتج دهنية أو مختلطة و حتى عادية ينفع بس إذا جافة لا.

روووعه ولونها طبيعي وناعمه على الوجه،،، خير ما أخترتي

سفيرة فوق العاده