السلام عليكم
خواتي انا بإذن الله تعالى بيي دبي اول شهر 6 وودي اعرف شنو المجمعات والإماكن الجديدة
واحسن محل للعبي والشيلات واشرايكم بفنقد حبتور جراند الي بالجميرا تنصحوني احجز فية
لاني شفت صورة بالانترنت وأعجبتني
وشلون الجو في رطوبة ولالا ؟
وابي محلات حلوه لملابس الأطفال خصوصا حق الأولاد لاني باخذ حق ولدي عمره سنة و4 شهور
اتمنى انكم اتفيدوني وجزاكم الله خير
مرحبا الساع مرحبا ملايييييييييييييين والله بتنور الامارات وخصوصآ دبي بتنور باهل الكويت الطيبين, الغاليه انا من ابوظبي بس حبيت افيدج بمعلوماتي البسيطه عن دبي في مراكز تسوق جديده وااااااااااايد في دبي بس المشكلة ما اعرفهم كلهم اللي اعرفهم هم "الامارات مول" وفيه فندق الكومبانسكي ديكوراته فظيعه و سكي دبي منطقة تزلج كانج باوروبا،و"ابن بطوطه مول" ستايله حلو وارضي عباره عن مدن مثل الصينيه والهنديه وكذا مدينه، حلوين بيعجبونج اما عن فندق الحبتور جراند انا مثلج شفته بس ماكد نزلة فيه بصراحه الفنادق بدبي كل واحد احلى من الثاني في الشانغريلا واااايد يمدحونه و في مينا السلام انا عني كنت انزل في فندق بولفارد ابراج الامارات حلو خمس نجوم بس هالايام اسعار الغرف نار ونحن ننزل عايله فقمنا ننزل بشقق فندقيه مفروشه مثل شقق الرحاب اللي جنب الستي سنتر،اذا تبغين ملابس اطفال حلوه واسعارها معقوله عندج h&m بتلقينه في ابن بطوطه مول وعمومآ هالمول حلو للتسوق بعكس الامارات حلو للتمشي عن تجربه لان ابن بطوطه المحلات قريبه من بعضها مادري احس احلى انتي بتروحين وشوفي،واتمنى بنات دبي يفيدونج اكثر والله يوفقج بامتحاناتج تحياتي :B_wink:
مشكوره عنود وماقصرتي سفرتي الي طافت سكنت بابراج الإمارات كان واييد حلو وانا احب اغير
يعني ما اسكن بنفس الفندق
هلالالا … مثل ما قالت اختنا عنود الصيد… بتنور الامارات …
… بخصوص الفنادق بحطلج الفنادق اللى جربتها …. عندج الفيرمونت رهيب والله وموقعه بعد حلووووو ع شارع الشيخ زايد .. وعندج شانغريلالالالالالا … روعه روعه روعه … وعندج بعد روتانا المروج حلوووو واسعاره حلوه ….
وعندج فندق ثيودور … ترا اهو فندق تابع لشنغريلالالا …حلو بس موقعه امخرب عليه في نص الزحمه امجابل مركز وربه ….
وبخصوص المراكز … سيتى سنتر -برجمان الجديم واليديد – بن بطوطه – مول الامارات- مركاتو-
… بخصوص الفنادق بحطلج الفنادق اللى جربتها …. عندج الفيرمونت رهيب والله وموقعه بعد حلووووو ع شارع الشيخ زايد .. وعندج شانغريلالالالالالا … روعه روعه روعه … وعندج بعد روتانا المروج حلوووو واسعاره حلوه ….
وعندج فندق ثيودور … ترا اهو فندق تابع لشنغريلالالا …حلو بس موقعه امخرب عليه في نص الزحمه امجابل مركز وربه ….
وبخصوص المراكز … سيتى سنتر -برجمان الجديم واليديد – بن بطوطه – مول الامارات- مركاتو-
وثياب اليهال بتحصلينهم في كل مركز … بس على ما اذكر في بن بطوطه سكشن كامل بس لليهال
اتمنى اكون افدتــــــــــــــــــج
حلو الموضوع مرررة بس انا اريد خارطة لدبي لاني اريد ان اسافر لها بالبر من الشرقية وما اعرف الطرق كما ان زوجي متردد علشان التكاليف فياليت الي تعرف عن الفنادق او الشقق الي اسعارها حلوه يعني وسط تدلني وشكرا لكم