إلي يسبحون في النوادي يدخلون 2024.

بسم الله الرحمن الرحيم

السلام عليكم ورحمة الله وبركاتة

ودي أتعلم السباحة في النادي بس أنحرج من المشتركات

أبي أعرف إلي تسبح سواء كانت في السعودية أو الخليج وش تلبسين إذا سبحتي في النادي

ياليت تقولون لإني أنحرج وغير كذا ماتخافون يكون وحدة من المشتركات فيها مرض معدي

وتعديك أبي أعرف كل شيء

لإني أبي أتعلم السبااحة بأذن الله وأبي إفادتكم

انا البس شورت تقريبا فوق الركبه بشوي ستريتش (( يعني خاص بالسباحه))
ومن فوق البس مايو عادي، يعني مو نفس القطعتين، مايوه يسموه قطعه وحده ستريتش حق السباحه
وحقي انا ماهو عاري، ولكنه بكم قصير مثل الي يلبسوه صاحبات الباليه

فهمتي شي؟؟؟

وعليكم الســـــــــــــــــــــلام

تدرين انتا البس مايوه كامل وهوو يجى قطعه وحده نص كم وفوق الركبه بشوى

وهاذا احسن شى للسباحه وهوو مايعرى جسمج وينباع عند محلاة الرياضه والسباحه

يالله الله يوفقج و تتعلمين السبااااحه

انا ما اجازف الصراحة لأني ما اقدر اسبح بسبب أن جسمي حساس للكلور بدرجة فظيعة

مثل بنت كنافة شورت ومايو بقطعة وحدة……ولا تخافي لان الكلور معقم ويفضل لو يكون المسبح مفتوح ويدخله ضو الشمس….
وبس إن شاءا لله اكون افدتك…

مشكورات أخواتي على التوضيح عرفت المايوة الحين

مرحبا اختي …انا راح اقولك مايوهي …انا احب لبس الاحتشام في كل شي…. وليكن في العلم ؟؟؟ان حتى فيه هناك حدود للنظر المراه للمراه يعني مو انك امام نساء تتعريين لا الله ولا رسوله يرظون بالشى هذا والاحديث منها فيما معناه < ….نساء كاسيات عاريات ..لايدخلن الجنه ولا يجدنا ريحها…> لربما تقول احدى الاخوات هذا بينطبق للتي تخرج امام الرجال..فهذا خطاء لان على ايام الرسول النساء محتجبات عن الرجال ..لكن القصد هنا وهو امام النساء مثل ان تلبس المراه القصير او العاري او الللاصق على جسمها وكانها لم تلبس شيئا …؟ اقول لبس امايوه اللاصق جدا والمفصل لكل تقاطيع الجسم وخاصه العوره المغلضه وهي مابين السره والركبه ..اما الباقي يجوز اخراجه لللللضرررووووررره وليس لزييييينه واكرر للللضضضررروووررره مثل الرضاعه ورفع الملابس عن الماء عند الغسيل وغيره….فلا اظن ان تلك المايوهات اللاصقه بالجسم انها جائزه …….ولا تستحقين ان تدخلي النار بسببها…والتي غير واثقه تسال العلماء المعروفين الكبار…بتقولون وش نلبس اجل انا وجدت مايوه في محلات الفالح للرياضه لبس كامل مثل حق الغواصيين بس الميزه الي محليته انهم حاطين قطعه اخرى من السره الى الركبه يعني مثل التنوره وكل هالاشياء مشبكه مع بعض يعني العوره المغلظه مغطاة ولبسه انشاء الله انه ساتر …ويفظل انك تخيطين القطعه الي مثل التنوره اتخيطينها من الجوانب عشان اذا بطبين في المسبح تخفف من ارتفاعها الى فوق وبعدين كلش يطلع يعني بكون البنطلون من جوا ماسك………………………..اتمنى انك انتي والبنات فاهميني………………اما من ناحيه العدوى لو انه بيضر وبينقل امراض كان ماتوافق عليه وزارة الصحه هذا والله اعلم

هلا اختي شوفي فيه مايوهات ماتكون عاريه يسمونها اسلامية تلقينها بمحلات الرياضه تكون نصف كم او ربع او اقل شوي وشورتها ملتصق فيها يغطي لين الركبه … انا صراحه البس برموده لين الركبه وبلوزه ماسكه بوليستر خفيفه … اما بالنسبه للامراض فعاده اغلب النوادي يطلبون تحاليل طبيه تدل على سلامه المشترك احنا النادي الي بمنطقتنا يطلبون تحاليل وبعدين يسوون لج عضويه للسباحه والي ماعنده مايدخل يسبح ..

تحياتي … تمنياتنا للجميع بالصحه والعافيه

^
^
^
ولا علي

انتي من وين بالسعوووديه

حلو حركة الفحص قبل لايدخلون للسباحه

بس مايطبقونها عندنااا خساره ؟؟