اخباركم ياحلوين
من زمان مانزلت شي هنا
طبعا بعد موضوع كوشة خالو
والتشجيع اللي لقيته منكم
قررت انزل لكم تجهيزنا لطاولة ملكة اخوي
وطبعا هالمرة مو كل شلة مس هتان اللي اشتغلوا
لا بس انا واختي وخالتو لمسة غلا
لان حبينا نسويها مفاجأه لاخوي وخطيبته بما انها من قرايبنا
بعد كل هالهذره بدخل على طول في الموضوع
اولا هذا شكل الطاوله الاساسي
اللي اخذنا منه الفكره
وهذا الادوات اللي استعملناها
هذي اخذناها من اغراض باباتي اللي يستعملها في تصليح السياره
ههههههههههههههه
بس نفعتنا في تقطيع اغصان الورد
وهذا بخاخ يعطي لمعه
وهذي حبات كرستال ( فصوص لماعه ) <<< متعوب على الشرح
ههههههههههههههه
وهذي وردات صغيره
الحين راح نبدأ مع اول فكره للطاوله
قررنا نحط فازه وفيها احجار من تحت وفي الوسط ورد جوري وفي النهايه تطفو شمعه
هنا سوينا بروفه لشكل الفازه اللي فيها الورده والشمعه
طبعا في البروفه حطينا شمعه بلاستيك صناعيه
وهنا اقرب
طبعا المكان حوسه لان حطينا كل الاغراض
وهالمره الشغل كان في بيتنا
عكس زواج خالو كان في بيت جدي
وطبعا بتلاحظون ان كل صوره فيها خاتم <<< بتذبحني لموسه
هذا سلمكم الله خاتم لموسه
وكل ماجيت اصور شي قالت حطيه في الصوره
والله جننتنا على هالخاتم
يتبع لاحد يرد عشان يكتمل الموضوع
للاسف عندي الصور بالخطوات بس تعبت حملتها 3 مرات وتطلع لي صور غير
وغيرت اسمها ونفس الشي
ما اعرف وش الخلل
بحاول اشرحها لكم
جبنا الكاس وثبتنا القماش من فوق بشكل دائري
يعني لفينا القماش على الكاس وثبتناه بالصمغ
بعدها بدينا نجمع القماش يعني نعمله فضاض
بعدين ثبتناه
وحطينا ورد في النهايه
ونفس الشي عملناه على عامود الكاس
وبعدها حطينا كرستالات ثلاث جنب بعض
ان شاء الله يكون الشرح واضح
والحين اشتغلنا على الشوكه والسكين
الطقم اللي راح يأكلون به
وهنا اقرب وشوفوا خاتم لموسه
ههههههههههههههه
حطينا صمغ
ولفيناها
بعدين حطينا ورده
بعدين حطينا كرستالات ثلاث
بعدين حطينا بشكل لف كرستالات على كل الشوكه
وهنا لبسنا اللي يشيلون بها الكيك
طبعا لاتضحكون على الخلفيه
اكلناه وحطيناه تحت بعض الصور
لازم ناكل نقنقه وطبعا ماننسى الببسي
هههههههههههههههه
وهذا شكلهم النهائي
وهذا الصينيه اللي راح نلبسها
عجزانه انظفها بمنظف الزجاج
هههههههههههه
قلت هي راح تتغلف كلها وماراح يبان منها شي
حطينا عليها القماش
وقصينا قماس سويناه بشكل مستطيل
بعدها بدينا نخيطه
يتبع لاحد يرد بليز
اخبارك ياحلوه
مبرووووووووووووووووووووووك للعروسين
اهم شي بالصور خاتمي لانه الاثبات
هههههههههههههههههه
هذا صور الكاس اللي ماتحملوا عند بسومه
تحملوا عندي
مايبونها
هههههههههههههه
هذا شكل الكاس اللي اشتغلنا عليه
شكرا على المساعده ياقلبي
نورتي موضوعنا << ماراح اقول موضوعي لانك تعبتي معي فيه
هههههههههههههههههههههههه
نرجع للموضوع
خيطنا في نصف القماش
بعدين قصينا قماس مستطيل ثاني بس اقصر وخيطنا اطرفه وقلبناه بعدها عملناه بشكل مزموم
عشان نحطه على اطراف الصينيه
والخلفيه ملزمتي كان عندي اختبار << طبعا الحمدلله اجلته الدكتوره ولا كان رحت فيها لاني ماذاكرت
ههههههههههههههههه
وهذا بعد ماثبتنا القماش وحطينا عليه كرستالات
وهنا صورة اقرب ليد الصينيه وطرفها بعد ماحطينا عليه القماش
وهذا شكل الصينيه كامله
قررت اكتب بالكرستالات حرف اخوي وخطيبته
وهذا شكل الصحن اللي بيحطون فيه الكيكه بعد مايقطعونها
حطينا على اطرافه ورود
وبكذا يكون شكل الصينيه اكتمل
وهذا شكلها النهائي
وهذا فازه ثانيه حطينها فيها احجار من تحت ومن فوق حطينا فيها ورد صناعي
وهذا شكلها النهائي
والحين بدينا الشغل على الطاوله
طبعا الغرفه اللي نشتغل فيها مافيها ولا شي من الاثاث
لانها كانت غرفتي سابقا وطلعت منها
لانها جناح كامل ( غرفه مع ممر ودورة مياه )
خليتها لاخوي وخطيبته
وانتقلت على جناح ثاني اصغر شوي عشان العرسان ياخذون راحتهم
ادري قلت لكم قصة حياتي وش اسوي احب اسولف
هههههههههههههههههه
هذا صورة الطاوله
قصينا قماش بشكل مربع وخلينا امي تخيط اطرافه وتحط فيها مطاط عشان نتحكم في شده
وهذا شكله بعد ماخيطته امي
وحطينه في اطرافه التشك ( ما اعرف اسمه شوفوه في الصوره ) هههههههههههه
عشان نثبت القماش اللي بنخبي فيه تحت الطاوله
وهنا بعد ماثبتنا القماش اللي بيخبي طرف الطاوله
بعدين اخذنا قماش بشكل مستطيل عشان نخبي الطاوله من تحت
يتبع لاحد يرد
وهنا اول مابدينا نجمع القماش ثبتناه بدبابيس اول
وهنا ثبتناه بخيط عقده بسيطه
وبعدها حطينا على العقده ورد عشان مايبان ويعطيها شكل احلى
وهنا تقريبا شكل الطاوله قبل النهائي
هذا في بيتنا
وهنا اقرب
وهنا في بيت العروسه
هذا شكل الفازه اللي فيها الورد الجوري مع الشمعه
يتبع لاحد يرد
بس اللي ساعدتنا فيها بالتعديل واضافة الشعر صديقة اختي عبق الاترجه
يالبى قلبها ماتقصر والله
وهنا بعد التعديل
طبعا مسحت اسم اخوي وزوجته
وهنا الاطار قبل مانحط الصوره
والحين الفكره اللي بعدها
قلنا بدل مانقدم الشبكه في نفس علبتها خلينا نغير
تعالوا شوفوا وش سوينا
هذا صورة شبكتها
طلبنا من عبق الاترجه تقول لخالها يعمل لنا هالسله
وركبنا فيها الشبكه
هنا دبلة اخوي
وهنا دبلة زوجته
وهنا العقد اللي يجي حول الرقبه بالضبط << ما اعرف ايش يسمونه ههههه
وهنا الحلق والاسوره
وهنا العقد الطويل
يتبع باقي آخر جزء
لاحد يرد رجاءا
وهنا صورة الكيكه طبعا مو مثل اللي تمنيناها بس الظروف حدتنا
الوقت ضيق مره
وهنا شكل الطاوله من قريب
وهنا من جهه اخرى <<< اخس ياللغه العربيه ههههههه
طبعا هنا مافي شي يخبي
خلينا العرسان يوقفون هنا
ههههههههههههه
وهنا صورة الطاووله من بعيد كامله
وهذي الباقه اهداء من والد العروس لها بمناسبة الملكه
لانها بنته البكر << اكبر وحده
الله يخليها له ولزوجها وامها واهلها
وبكذا نكون خلصنا شكل الطاوله
وطبعا تقديم المهر قلنا راح نشتريمجسم ونقدم المهر فيه
وفعلا رحنا مع اخوي واخترنا هالمجسم
واخذنا لها زياه عطرين الين و رويال روز
طبعا ماغلفناهم لان باباتي كان كل شوي يتصل تاخرنا على الناس
قبل الملكه بيوم قدمنا المهر ماقدمناه في نفس يوم الملكه
عشان كذا كان باباتي مستعجل
وهنا هديه من اخوي لعروسته بيوم الملكه
وهذا شكل الهديه
طبعا كلها تغليف محل
هذا الهديه بعد مافتحتها العروسه
وهنا صوره مالها علاقه بالموضوع
ههههههههههههه
هذي مسكة العروسه
عجبني شكلها وصورتها
وبكذا اكون خلصت الموضوع
طبعا ما اسمح ولا احلل احد ينقل الموضوع
الموضوع حصري لعروس فقط
واتمنى انكم تذكرون الله اذا شفتوا الموضوع
لان العين حق
طبعا اخذ منا تجهيز كل هذا 3 ايام
من العصر الى 3 الفجر كل يوم
وطبعا بعدها انام 3 واصحى 6 عشان دوام الجامعه
بس مو مشكله لجل عين تكرم مدينه
واهم شي انه عجبهم وارتاحوا
ربي يوفقهم ويحفظهم ويرزقهم الذرية الصالحه
اتمنى يعجبكم شغلنا
اعرف بسيط بس الحمدلله على كل حال
يكفي اني شفت الفرحه بعيونهم
فمان الله
ماشاء الله تبارك الله
من جد ابدااااااااااااااااااااااااع بصراحه مبدعاااات وفنانات الله يعطيكم الف عااافيه
شغل مرتب ومتعوب عليه
الله يوفقهم يارب ويسعدهم ويتمم زواجهم على خير ياااارب
عقبالك بسومتي ياااارب نشوف تقرير ملكتك عن قريب 
واليوم التقيم راضي علينا وتستاهلين احلى تقيم
وتستاهلووووون التميز وبجدااااره :thumbs_up: