هلا خواتي عساكن بخير ان شاء الله
موضوع اليوم يخص الزواج ..
وسؤالي بالذات لبنات الامارات أكثر شي والخليج عسب العادات
شو اسوين اذا طلب منج اخوج ادورين له بنت للزواج .. ونفس الوقت ما يبغي من الاهل واتكون وحدة من اصله وبس
تلجئين لمنوه بالضبط ؟؟ صديقاتج .. خطابة موثوقة .. او اذا عندكم حل آخر .. طبعا هذا اذا انتي مالج شعبية او بالاحرى ما تحتكين بالناس .. شو الحل ؟؟
ياريت المشاركة لان اعرف ناس وايدين ما يعرفون الحل ويبون حد يساعدهم ياريت الحلول الطيبة خواتي :9_33:
في هالموقف شوفي حد من ربيعااتج بس اتكونين انتي عارفتهااا وعارفه اخلاقها او انتي والوالده امج الله يحفظهاا
سون زيااراات لبعض من معارفكم وشفووا بناتهن وانشالله تلقون بنت حلاال …ويمكن تتخبرون اي احد يعرف خطابه
زينه مونصاابه ويكون عاارف ناس مجربينها او انتي سألي حد من اهلج يمكن يعرفوون بنات زينات من معارفهم
وبالتوفييج الغاليه والسموحه طولت علييج …
انا اللي أشوفه انك تسئلين اخوج اذا عنده مواصفات معينة
وتقعدين ويا الوالدة أو خواتج وتجيبيين كلللللل البنات اللي تعرفونهم..ساعات حتى لو وحدة شفتيها نرة بالصدفة في عزومة مثلا
اي انثى شفتيها حطيها في اللستة
وشوفي اذا وحدة تطتبق المواصفات
وسئلي عن اللي ما تعرفينها عدل
وبعدين اذا عندج لها صورة خلي اخوج يشوفها او عزميها مثلا عشان يشوفها
وتقدمو رسمي يعني
مثال سهل
شوفي البنيات الامارتيات او اللي من مثل الاصل اللي يبي منه اخوج..من هخالمنتدى!
سئلي عنها وشوفي اصلها.. وحتى ممكن تلمحين لها وتشوفين!
والله كريم يرزقج ويرزف اخوج ويرزقنا كلنا اللهم آمين يارب
والله الموفق
وكل حد بياخذ رزقه ان شاء الله
وربي يوفق الجميع
ودمت
وياريت احصل وحدة تعطيني رقم خطابة ملتزمة او حرمة طيبة اتساعدني لكن على مواصفات الولد عالخاص طبعا
والصراحة انا ودي اساعد ربيعتي في هذا الموضوع ودمتو بود خواتي