وشنو الفرق بينهم
ومن تنصحوني حق الشعر غير الرونق لانه كل زحمة
حبيبتي ما يصير احنا نحدد شنو احلى
انتي لازم تروحين وتشوفين
كل بنت ذوقها غير عن الثانية
يمكن وحده منهم يعجبج مكياجها ويمكن الثنتين ما يعجبونج
لان في غيرهم ماكيرات وايد
ويعتمد انتي تحبين الناعم ولا الوسط ولا الثقيل الخليجي
وبخصوص الشعر بعد نفس الشي
وتقدرين تدخلين مواضيع تجهيزات عرايس البحرين
وان شاء الله البنات هناك راح يساعدونج
لانهم على طول يتواجدون هناك
وبالتوفيق
 |
اقتباس |  |
 |
| بنات ساعدوني كل مرة اسال محد يرد عللي ابغي اعرف من مكياجها احلى شريفة فولاذ والا عائشة الريس؟؟؟
وشنو الفرق بينهم ومن تنصحوني حق الشعر غير الرونق لانه كل زحمة |
||
 |
 |
حبيبتي .,
إنتي لو حاطه إستفساراج في " تجهيزات عرائس البحرين " وتتابعين معانا أول بأول
كان لقيتي , جواب شافي وكافي لجميع إستفساراتج
لأن هنالك يتواجدون معظم البنات , وما يقصرون في الردود !.
*
عموماً .,
شريفة فولاذ .,
أنا زميلتي كستمر دائم عندها + موديل في موقعها على النت
وكنت دائماً أشوف مكياجها في الصور وأذمه
ما أدري ليش ؟!.
بس الصور دائماً تظلم الواقع
وشفت مكياجها على حوالي 5 بنات في الواقع
وتغير رآيي عن مكياجها 180 درجة بصراحة
مكياجها روعة بكل معنى الكلمة
تحط شي وسطي ( لا هو لبناني ناعم ما فيه زهوة .. ولا هو خليجي ثقيل مصبغ ألوان )
وجد شي راقي مكياجها ولمساتها فظيعة
وبودرتها وأساسها ثابيتين ما يتغيرون
*
أسعارها للعادي تبدأ من 20 دينار وما فوق
وأسعارها للعروس 60 دينار على ما أظن
*
وحق الشعر معاها الكوافيرة المبدعة والفنانة " عايدة النعيمي "
تسريحاتها جديدة ومبتكرة وروعة وايد مب شوي
بس من إحدى عيوبها إنها ما تسوي إستشوار عدل
فيفضل تسشورين شعرج في صالون شغلهم عدل وإنتي رايحة .. أحسن!
+
ما تكثر إسبري يفضل تخبرينها إنها تكثر منه
بس بصراحة شفت تسريحاتها على الواقع وأقل ما يقال ( إبداع )
*
عايشة الريس .,
شقول عن هالماكيرة المبدعة بس ؟!.
لحد الآن شفت لها فوق 4 عرايس + 3 العادي
وأنا شخصياً مجربتها
روعة , روعة , روعة
ستايلها ما يتغير هذا هو ثااااااابت
تحط لج شي نعومي وهادىء بس فيه فخامة & يغيرج 180 درجة ويبرز ملامحج
تحط على طلب الكسمتر , وهي نفسها تبدع للكستمر
أسهاها وبودرتها ثابتيين وما يتغيرون
حق الشعر ما عندها أحد !.
*
نجي إلي موقع الماكيرات
ثنتينهم يمكيجون في بيوتهم في (م.حمد)
يعني لو تتصلين لهم وتاخذين موعد
وتشوفين مكياجهم وشغلهم بعيونج والله أحسن لج
لأن هذي عرسج , وهذي إختيارج , ويفضل إنتي تختارين وتشوفين الأفضل
*
خيارات للشعر :
عندج صالون سلوى عند ( نورية , منى , صفية ) إبددددددددددداع
عندج صالون العفراء ( سهام )
عندج صالون مرياج ( سميرة الشكر )
عندج صالون شويطر ( فاطمة فكري )
عندج صالون آشرقت ( نوال & نرجس )
وعندج كوافيرات يشتغلون في بيوتهم وعادي يجون للعروس بيتها :
– فاطمة
– أميرة العريبي
– زينب
– وردة
*
كلهم يم بعض وقريبين .,
يعني ما بتتغربيلين في التنقل
وثواني وتوصلج كل الأرقام (y)
وسمعت ناس وايد امدحون في عايشة الريس بس ما شفت شغلها
عن تجربة أقولها .. عايشة الريس .. ما شاء الله عليها فنانة بكل ما تحويها الكلمة من معنى ..
حطت لي و حق كل خواتي و أمي في خطوبة أختي و حطت حق أختي ( العروس ) بعد ..
و حطت حق اختي في عرسها ..
و حطت لي في عرسي ..
يعني تحط لج شي ناعم بس راااااقي و تخليج تزيدين حلاه ..
الشعر:
أما حق الشعر .. فأنا ما انصحج بالرونق لأن كل تسريحتهم مكرره و الستايل واحد ..
عندج سميرة الشكر في صالون مرياج .. فنانة و تسريحاتها طبيعية ما تسوي شي مبهرج يعني ..
و عندج أسماء في صالون النخيل في الشيراتون
و صالون pace e luce اللي في جولدن توليب
ولا تخلينهم يكثرون لج من السبري لأن يصير شكل الشعر مو حلو .. حتى لو شعرج ناعم و خفتي انه ينزل في نص الحفلة .. تره يصير شكره أحلى
و بالتوفيق =)
رحت مرة و سمعت ان نورية تسوي الشعر حلو .. الله لا يروييييييييج .. معني مرويتها الصورة و التسريحة كلش كلش مو صعبة .. سوت لي سلة فواكه فوق راسي لدرجة اني تميت اصيح في الصالون و ياتني سلوى تهديني لأني كنت حدددي معصبة .. كنت كل ما أقولها شي تسوي العكس .. أقولها لا تسوين باف وايد ماحب .. ابي شي بسيط الحفلة في البيت تقوللي انتي شعرج ناعم و بينزل .. أقولها معليه خل ينزل ..
حطت لي حشوة .. قلت لها مابييي مابي شي عوود تقول لا باحط لج بعد وحدة .. يعني نرفزتنييي .. بس صج صج التسريحة كانت كريهه .. حتى أختي ما قدرت تجاملني و تقول لي حتى ( أوكي ) تمت ساكتة ..
غسلت شعري و خليت وحدة فلبينية تسوي لي .. و الله كان أحلى بمليون مرة من اللي سوته لي نورية .. و من يومها قلت ولا أطب هالصالون
سورري طولت و يمكن ردي مو في مكانه .. بس من حرتي .. كل ما اتذكر انقههههههر
مكيااجي حتى المعاازيم ….