عزيزاتي ابغي مشورتكم وحلولكم الحلوة
انا عندي بنت عمرها 4شهور:qaq: واحاول اعطيها المرضعة تدرون لعوزه يوم نظهر مكان او اسير السوق او نطلع كشته ماروم ارضعها من صدري لكن هي راسها والف سيف مب طايعة 🙁 اتم تتهاوع واحيانا ترجع بسبب المرضعه ونفس الشي ولد اختي حاولت وياه بس اليهال راسهم يابس :shy: فالي جربت او عندها طريقة مجربة او نصيحة فلا تبخلن على اختكم وجزاكم الله خير الجزاء وجعله في ميزان حسناتكم يا رب……….(f) 
وان شاء الله تنحل مشكلتج يا رب
عادي جوعيها ومن الجوع بتاخذ الرضاعه بس احضنيها حسسيها بحنانج وهاوديها بوسيها بتسترخي وبتتقبل منج والمرضعه تكون سوفت ونوعية افون حلوة بمالي كلير وشوي شوي وحتى اليانسون وغيره من الاشياء الطبيعيه الي تربي الطفل انا من ولادتها اعودها صدري والبزازه وهكذا والله يخلي امهاتنا ههههههههههه
اهم شيء لا تعطينها حليب صناعي.. اشفطي لها من صدرك يكون افضل .. وحطيه في الرضاعة.. بشرط ان مدة الطلعة ما تزيد عن ساعتين في الصيف و3 في الشتا…
اكيد انتي تعطيها ماي في مرضاعة.. جربي تعطيها الحليب في مرضاعة مماثلة لها..
واذا بعد ما رضت.. روحي الصيدلية .. راح تشوفي حلمات رضاعة لونهم اصفر غامق او بني.. شكلهم صاير مثل حلمة الام.. جربيها وان شاء الله تتقبلها..
انا اول بنت رضعتها طبيعي الى 7 شهور ووقفت بسبب الحمل وكنت نفس حالتك حاولت معاها ما رضت تاخذ المميه بس الحمد لله انا الحين مرتاحه نفسيا لأن هذا افيد لها
اما بنتي الثانيه رضعتها كم شهر وتلاحقتها من البدايه وعطيتها صناعي للأسف وشوي الا تركت الطبيعي وتندمت واااااااااايد الحين كل ما مرضت افكر ان مناعتها مو قويه بسببي
بتتعبين شوي بس حاولي تتحملين كم شهر وتقللين طلعاتج انا قريت ان 6 شهور كفايه بس تظل مع البيبي طول حياته من الناحيه الصحيه والعاطفيه بعد لأن الرضاعه الطبيعيه لها تأثير كبير على نفسية الطفل واكتفاءه من الحنان .. الله يساعدج 
..
وانا اصلا مو مفكرة اعطيها صناعي لانه معظم الامهات الي يرضعون عيالهم ويعطونهم صناعي الياهل يرفض يرضع من امه ويفطم نفسه بنفسه
بس انا ابغيها تمسك المرضعه عسب اشربها الشاي والعصير والماي هي رافضة تمام فكرة المرضعة
حاولت معاها حضنتها وجوعتها وهوهوتها بس نو وييي راسها يااابس لكن ان شاء الله باخذلها الحلمات الي وصفتوهم لي وان شاء الله خير