ابني رافض الاكل الي مش طعمه حلووو 2024.

فديتكن ولدي بيدش الشهر الخامس بديت على بكير يعني بالرابع اعطي فارليز الفواكه والموز
وأهرس له احيان تفاحه والحمدلله
بس الحين قررت اعطي الخضار هرست له كوسه ما تقبلها ابدا وزهره هم بعد ما رضى ياخذها
ايش اسوي فيه عشان احببه في الخضار :confused:
تعبت معاه انا اشتغل واسوي له الاكل واعذب نفسي في الاخر ما يتقبله
اريد ااكله حاجه يستفيد منها مو بس كله فواكه:hysterical:

مدري والله انا اول بيبي ليا ومدري ايش تسوي
بانتظر معاك راي العرايس ان شاء الله يفيدونا بس ما حبيت اطلع بدون رد:o

طيب .. جربي ضيفي رشة بسيطة من الملح .. او اطحني سكر نبات وحلّي له الأكل فيه

الله يخليه لك

جربي وياه خلطات الخضار الجاهزة الخاصة بالأطفال لأن بعضها طعمه حلو شوي بس في كل الأحوال مو فواكه ، وبعدين ابتدي كل مرة بنوع من الخضار عشان تعرفين لو تحسست من شي انا احس الكوسة خفيف وفي نفس الوقت غني بالألياف يعني ما دام بديتي في مرحلة الأكل توقعي سالفة الامساك وفي هذي الحالة استخدمي اي نوع خضار الجزر مثلا طعمه حلو شوي وضيفي ليه شوية كوسة اخلطي وياهم يعد شوفان مفيد كثير ، انا في فترة من الفترات عانيت من نفس المشكلة مع بنتي ما كانت تتقبل بعض انواع الخضار ، قمت اضيف نص حبة طماطم لأي نوع خضرة اسويها وتقبلته .

لازم تضيفين على الخضار اي نوع من النشويات و لازم تجربين نوع واحد عشان تعرفين اذا يتحسس منه ولا لا اني ابتديت مع بنتي بالبطاطس المهروسة مع المعكرونة بعدين جربت لها الجزر مع الرز و و شوي شوي صرت اسوي لها شوربة و صارت تتقبل تقدرين تسوين له مثلا شوفان مع الشعيرية و البطاطس او الجزر

انتي غلطتي لانك اول شي ياكله فواكه وطعمها اكيد حلو وخلاص ماعاد يتقبل الطعم المر او اللي مو حلو حاولي تحلينها بشي حلو وان شاء مايتعبك بالاكل

اختي سوي له كوسه مع اشوي بوبر ( اليقطين ) هاي طعمها حلو وراح يتقبلها
او دخلي معاها بطاطا حلوه ( الفندال )
او بطاطا مع جزر بس المفروض مثل ما قالت لك احدى العضوات المفروض تبداين بالخضار قبل الفواكة

اقتباس

المشاركة الأساسية كتبها .. أمــ عــلــيــ ..

	طيب .. جربي ضيفي رشة بسيطة من الملح .. او اطحني سكر نبات وحلّي له الأكل فيه الله يخليه لك

بس حبيبتي انا اكثر من موضوع اقراه انه غلط نضيف سكر او ملح او اي بهار للطفل في البدايه
:confused: يستحسن كل شي طبيعي بدون مواد مضافه:!!:

آآآآآآآآآآآمين يارب ويخلي لك علي

اقتباس

المشاركة الأساسية كتبها بوح الكلمات

	جربي وياه خلطات الخضار الجاهزة الخاصة بالأطفال لأن بعضها طعمه حلو شوي بس في كل الأحوال مو فواكه ، وبعدين ابتدي كل مرة بنوع من الخضار عشان تعرفين لو تحسست من شي انا احس الكوسة خفيف وفي نفس الوقت غني بالألياف يعني ما دام بديتي في مرحلة الأكل توقعي سالفة الامساك وفي هذي الحالة استخدمي اي نوع خضار الجزر مثلا طعمه حلو شوي وضيفي ليه شوية كوسة اخلطي وياهم يعد شوفان مفيد كثير ، انا في فترة من الفترات عانيت من نفس المشكلة مع بنتي ما كانت تتقبل بعض انواع الخضار ، قمت اضيف نص حبة طماطم لأي نوع خضرة اسويها وتقبلته .

من وين احصل خلطات خضار جاهزة انا من عمان:o
امس مشيت اللولو متعنيه عشان اشوف له شي
بس ما حصلت خضروات جاهزه كل الي احصله فواكه او موز
وحصلت كاسترد بالفانيلا وخذيت له واحد من الباب التجربه
عشان فترة العصر