مارح اطول عليكم بس حبيت اخذرايكم انا ولدي عمرة 4سنوات وحابه ادخله روضه الاسبوع الجاي بس متردده اخاف يكون بدري عليه بهالسن وما ادري يقدر يروح ويجي لوحده مع باص الروضه بس حابه يروح يتنظم وقته خصوصآانه فيه بيبي في الطريق وهذي ولدي الاول بس موعارفه ياليت تساعودني بخبراتكم ومشكورات مقدمآ…………………
وإن شاء الله يوصل البيبي اليديد على خير وبالسلامه يارب
خليه عشان يستقل بذاته ويعتمد على نفسه قبل ماتولدين بالسلامة
المفروض تكون معاهم معلمة او مرافقة في الباص تنزلهم وتركبهم واذا عندك احد يودية ويرجعه
افضل
بالعكس أختي هذي هو العمر المثالي!!
أنا لو ياخذون بنتي الروضة جان وديتها من اليوم ههههههههههههه
شكثر أتصل فيهم يقولون ليلحين صغيرة لازم تكمل الثلاث سنوات
على الأقل ترتاحين منها وتتفرغين لنفسج وللبيبي اليديد
وهو يشغل وقته بدل الصيحة والغيرة من هالبيبي
وبنفس الوقت بيستفيد ويكتسب خبرات ويكون علاقات
وبعد بيتفوق على اللي كبره إذا دخل المدرسة لأنه تعلم من الصغر وكسب عامل الوقت
وغير ذي بيتعود على النظافة وحسن التصرف والتعاون والنظام والنوم والأكل واللبس بمواعيد وهذي شي طيب
وبالنسبة للباص أنا ما أيده إلا إذا كنتي مجبورة
بالنسبة لي أنا ولدي وايد شيطان وحركي الله يحفظه
جربت الباص معاه فترة بسيطة وبعدين خفت عليه وصرت أوصله بنفسي عشان أتطمن
ياختج التسيب وحوادث الباصات زادت الله يجيرنا منها
وانتي الصادقه والله يتنضمون الصغار ونرتاح