نفسي يكون عندي صديقات تحبي وتعزني ..مدري وشلون ..
لدرجة اني 😮 صرت اكلم حالي بالفيسبوك انه عندي صديقات اوري قريباتي .. انه عندي صديقات يحبوني ويهتمون فيني .. واحيانا اقول حبل الكزب قصير … سنين وانا احلم بصديقة تحبني وتعزني بس مـاافي
واذا تصاحبت البنت ماتكون حقت اصوول ..
انا ابي صحبات انواع واشكال .. فلا وملتزمة و عاقلة واكثر شي فلا لأني احب المزح والمرح في الصداقة اكثر من الرزانة..
ممكن تقولين لي وشلون الواحد يحتك بالناس ويكون محبوب ؟؟
و ردي عليهم لو تمسخروا عليك تصدقين ان بعض البنات يتقربون اكثر للوحده اذا شافوها قويه لانها تعجبهم
خليج عاديه الي بتتقبلك كصديقه مثل مانتي هذي تعد صديقه
بس بتغيرين من نفسك عشانهم مابترتاحين
وانا ماعندي صديقات بس بعض الاحيان اقول يمكن احسن لي اريح لبالي من المشاكل الي يمكن تصير لو كانت عندي صديقه
بعض البنات مايناسبهم يتزوجون فالله يكتب لهم العزوبيه للابد لصالحهم وهم مايعرفون
ويمكن انا كاتب لي مايكون لي صديقات لصالحي يمكن تجلب لي مشاكل وخصوصا اني من النوع الخجول ومايدافع عن حقه و ماعرف اكذب ويمكن بعدين هالشي يجلب لي مشاكل وخصوصا ان طبعي مسالمه
ماتدرين يمكن يوم من الايام يكون عندك صديقه ونعم الصديقه
كلامك صح … البنات يحبوا البنت القوية ..وانا لست كذلك
فحاولي تصادقين البنات الملتزمات اللي فيهم خير واجد..و لا تحسبين انهم بيكونون معقدات او رزينات او او او او..لا و الله..بالعكس..اللي ملتزمة *صح*..امرح الكل..و اطيبهم..و تهتم بكككللللل شي ممكن البنت تهتم فيه..الفرق بينها و بين غيرها..هو انها موازنة حياتها..و عايشة كل شي تحت مظلة الدين..فتلقينها تسوي كل شي اما حتى تكسب الاجر او حتى ترضي ربنا..حتى اذا كان هالشي مزحة تمزحها معج!
..و من تجربتي اقول لج..انا استانس و امووووووووووت ضحك و افرفش عالآآآآآآخر..مع صديقاتي الملتزمات اكثر من ككككككللللللللللل صديقاتي الثانيات..ما شاء الله عليهم..كلهم عندهم خفة دم فظيعة..و يحبون الوناسة من قلب..يسولفون (و يا زين سوالفهم اللي ما فيها حش و تطنز!!!) و يطلعون و يكشخون مثل ككككككككل البنات..بس يوم يصير وقت الجد او يشتغل الاذان على الكمبيوتر او الالارم تلقينهم صاروا غير..و هذا احححللللى شي ممكن تشوفيه بصديقات لج..و هالشي يصير احلى يوم *انت* تكتسبينه منهم 🙂
بالنهاية احب اقولج نصيحتين قالهم لي امام مسجدنا مرة يوم سألته عن الصداقة بالاسلام..قال لي اختاري الاصدقاء اللي اذا ما حثوج على الخير داااائما..فما راح يحثوج على الشر ابببددداااا..و اياج و الاصدقاء اللي يستهزوؤن بالله او بالرسول او بالدين بأيييييييي طريقة و بأيييي كلام!!!..اللي يستهزأ بالله و برسوله و بدينه ما عنده حدود يوقف نفسه عندها فلا تسمحين للناس اللي من النمط هذا يدخلون حياتج نهائيا لانهم بيخربونها!…و من ذاك اليوم الكلام هذا محفور بمخي لانه يبسط مواصفات الاصدقاء بكم كلمة بسسسس 🙂
و الله يهنيج و يعطيج مرادج اذا فيه خير لج حبيبتي
وس تلقئ من ورا الصداقه غير وجع الرأس
إذا حسيتيبها تغيرت يجي في بالك يمكن غلطي عليها
و أمور من كذا
خلي علاقتك سطحيه مع الناس
امك اختك هم أصدقاءك و بس
هادا كــل ما اتمنى ..
انا اقلكم ليش اهتم بوجودهم وااايد ..
اولاً : اختي تزوجت وسافرت امريكا واخوي معاها ..
ثانياً : علاقتي مع امي سطحية ومستحييل اقربها ..لأن امي تفكيرها مو زي تفكيري .. ماما عسل و حبوبة وتحبنيييي بس ماتعرف تتعامل معايا المهم قصة
طوييلة بس هي عسل واحبها ..
ثالثاً : ماعمري حظيت بصداقة .
رابعاً واكثر شي : قطعت علاقتي بقريباتي بسببهم من بعد المشاكل كلكم عارفينها وحكيتها لكم .. ماسار عندي ثقة فيهم ..ايه امشي معاهم بس موب ثقة ولكن نتجمع ونجلس مع بعض لكن مااتكلم واحكي عن نفسي كثيير .. أحسبهم يحبو ياقرنو نفسهم بياا .. و احيانا اشم منهم ريحة تحطيم ..يمدحون نفسهم علي .. تغيروا بنسبة كبيييييييييييرة يابناات موب زي أول قلوبنا على بعض ..
عشان كذاا انا بأمس الحاجة للصحبات حاسة نفسي وحييدة ونفسي اتكلم بس مافي احد اتكلم معاااه وادردش ..
ادعوووووولي الاقي شلة تستقبلني وتحبني وتحميني من بنات الجامعة .. ياااااااارب .. يتحقق حلمي .. متفائلة خير دي السنة انشالله ..
…….
وايش هي نصايحكم الأخيرة ؟؟
أحبـــــــــــــــــــــــــكم