اخباركم بنات
بنات ان زواجي بعد اسبوعيين وابي منكم رقم وحده تجي للبيت تسوي حمام مغربي من مده اتفقت مع مشغل ورحت لهم امس على اساس يسوون لي حمام المغربي قالت لي اسويه لك في شقه وراء المشغل بصراحه انا خفت وقلت وش تبي تطلعني من المشغل وتدخلني بشقه ورفضت فأبي وحده تجيني البيت وزواجي بعد اسبوعيين
اختي عاشقة وهم…
عندي لك اقتراح ان شاء الله يفيدك ….
ليش ما تسوينه لنفسك في البيت يعني تاخذين راحتك وشغل نظيييف احسن من تجي وحده ثانيه تسويه لك وطبعا سوف تتطلع على اماكن في جسمك لايجوز ان تراها …
الحين الكل صار يعرف طريقة الحمام المغربي ويبدع بعد فيه…
صدقيني لما كنت نفاس كنت اسويه بنفسي والله بعد ماخلصت الاربعين صار جسمي ابيض ونظيييف بشكل ملحوض
واذا تبغين الطريقه انا حاااضره
ارجوا اكون افدتك ….
وشكرا:shy:
ومشكوره على ردك
وطريقتي في عمله…..
تسكرين جميع منافذ الهواء في الحمام الباب ومن تحته تحطين منشفه
والمروحه حق التهويه والشباك وبعدين تفتحين الماء الحار في البانيو لحد مايمتلي الحمام بخار وتحسين نفسك حرانه ومتعرقه وجسمك صاير رطب من البخار بعدها افركي الجسم بالصابون المغربي او الطاووس او الغار عن نفسي استعمل الغار او الطاووس مره حلو …..بعد كذا ابدي افركي جسمك مضبوط باليفه لحد ماتحسين انه بداء يطلع قشور وجسمك يصير احمر المهم الوقت يكون كافي وحاولي الحركه ماتكون عنيفه عشان ماتجرحين نفسك يعني اقعدي افركي ثلث ساعه تقريبا….
ونسيت اقولك عشان تكون النتيجه رائعه قبل الحمام بساعتين ادهني جسمك بأي خلطه تعجبك يكون من مكوناتها الجلسرين وزيوت طبيعيه وكركم وجليسوليد وفكس ….واثناء انتظارك في الحمام حتى يصير جسمك رطب والمسامات مفتوحه استعملي صنفره مقشره ….عصير ليمون مذاب فيه ملح فارسي وسكر ….ادعكي جسمك فيها قبل الصابون …..
وبعد ماتخلصين من الحمام …اغسلي الجسم بماء بارد وادهني بماء ورد بارد وكريم مرطب ……ونعيما :shy:
هذه طريقتي في عمل الحمام المغربي جربيها وادعيلي وبالتوفيق ……..