لكن مو عارفه وش اسوي من مكياج
أقصد الألوان وش احط؟؟؟؟
العيون طبعا هي اهم شي
والروج ايش افضل لون مع الذهبي؟؟؟
ابي اركز على العيون والروج ابيه هادييييييي
انتظر مساعدتكم لاتخلوني لاني بحيره وبروح للسوق اشتري اغراض
دلوني على الوان ظل تناسب الذهبي وياليت في صوره توضيح
وماتقصرون الله يعطيكم العافيه
وتسلمووون مقدما
(f)
اول شي اخذي هالقاعده اذا حطيتي شدو غامج لا زم تحطين روج هادي وبالعكس اذا حطيتي روج صارخ
لازم تحطين شدو الوانه نعمه عشان تدوير الوجه ما يضيع ولا يصير وجهج ملون
الالوان مع الذهبي
حطي الكحلي هذا الشدو وتحت الحاجب شدو لون الفانيلا الورج خلطي الاحمر والبيج
حطي تحديد غامج وبعدين يالرشه حطي الاحمر وبعدين غطي الشفايف كلها مع المحدد بالبيج
جربي قبلها بيوم
وجهزي بشرتك الصبح حطي هرده مع مره مطحونه وخليه على الوجه 3ساعات
(( المخملي))>>> يستخدم بالماء
يعطي لون على الجفن ناعم جدآ دون ان يكون هناك اي تكتلات
** أنا أشوف لون الشدو المناسب مع الذهبي
طبعآ اللون (الذهبي مع الأورنج مع البني الغامق المائل للسواد)
** طريقة وضع اللوان على الجفن
تبدئين من الزاويه الداخليهـ باللون الذهبي..ثم اللون الأورنج..وفي الزاويه الخارجيه اللون البني الغامق.
(( تضعين جميع هذهـ الألوان دون دمج وبعد ماتنتهين من وضع جميع الأوان على الجفن تبدأين بالدمج))
وتكون رسمة العين جدآ ناعمهـ
**مثلا رسمة الفراشهـ لك تكون الرسمهـ مفتوحهـ من الخارج وصغيرهـ جدآ فقط
((تعطي إتساع بسيط للعين))
>>إنتبهي لتكون الفتحهـ كبيرهـ
ثانيآ: بالنسبه للبلاشر
أفضل اللون الذهبي
ثالثآ: بالنسبهـ للروج أفضل اللون الأورنج الغير فاتح جدآ
وتضعين بوسط الشفاه اللون الذهبي مع قليل من الغلوس
(( أضمن لكِ بعد ذلك أناقهـ جميلهـ))
انا افضل الشدو التركواز او المارون(الاحمر الداكن) او الاخضر + الذهبي لانها الوان ملكيه فخمه وتبرز جمال الفستان اما عن الروج فاختاري لون يناسب لون الشدو و حطي عليه جلوس ذهبي و بتحصلينه عند ايف سان لو ران … اما اذا تريدين لوك هادي وعلى الموظه ممكن انج تخلطين الشدو الفظي ( على كامل جفن العين) والذهبي على الطرف الداخلي اشوي والخارجي بعد وهني لازم الروج يكون قوي فاختاري الفوشي او الاحمر وطبعا لا تنسين خط الايلاينر العريض فوق العين + الكحل الطبيعي داخل العين
وفيه اضاءه للخدود ذهبيه واتمنى تكونين احلى وحده