بدايه اسأل الله العلى القدير ان يرزقكم كل ما يحبه ويرضاه ويتقبل دعائنا لكم
وارجو منكم ان تشيروا على فى امر يحيرنى وهو اختيار المدرسه المناسبه لابنتى فهل من الافضل ان ادخلها عربى مستوى رفيع ام لغات لان لكل منهما مؤيدين ومعارضين وانا طبيبه وكذلك والدها لكنى نشات بالسعوديه ولذلك تعبت كثيرا من اللغه الانجليزيه فى الطب لكنى باذن الله تعالى ناويه لو دخلت بنوتى لغات هاخد كورسات لكن ابوها ليس مقتنع بمقدرتى ويفضل العربى وانا اعلم ان المستقبل والغيب فى علم الله وحده لكن علينا السعى وليس علينا ادراك النجاح وهناك فكره اخرى من والدها بان ما يحفظ باللغه العربيه يثبت اكثر وان التعلم فى مدرسه اللغات سيضيع الكثير من طفولتها وبراءتها فى مواد زياده عن المقررات الوزاريه وممكن ان نعوضه بالكورسات بس مدارس اللغات ليها باصات والعربى انا من ساوصلها لانها بعيده فما رايكم
ويا ريت لو تعرفو مدارس اسلاميه سواء لغات او مستوى رفيع موثوق بها تدلونى عليها وياريت لوتكون فى المعادى او الدقى او المهندسين او فيصل او الهرم ويا ريت اللى يرشح مدرسه يقولى معلومات عنها زى تليفونها ومصاريفها وعنوانها
ولكم منى جزيل الشكر
ما رأيكم فى مدرسه الطلائع الاسلاميه؟
ام موضوع تختارى ايه لو انت شايفه انك تقدرى تتدرسى الانجليزى كويس وتساعدى بنتك وواثقه من ده وواثقه من قدرات بنتك ان ده هيبقى عليها سهل ومش مشقه خلاص توكلى على الله وربنا يسهلها ان شاء الله
علشان تطمئنى عليها فى حفظ القران وتتربى وسط معاملة اسلاميه وتحفظى عليها وتدرس حاجات اسلاميه كده
على فكرة انا كنت محتارة حيرتك دى بصى المدرسة الى قالت عليك مشمشة ممتازة بس غاليه نار
فى مدرسة اكتر من ممتازة ازهرى لغات رائعة سمعت شكر فيها رهيب اسمها الغد المشرق
بس فيه فرق بين الازهرى والاسلامى
الازهرى البنوتة بتعتك هتدخل ا لجامعة يعنى هتدخل جامعة وكليات محترمة جدا وقمة ازهرى وفيها دلوقتى كل التخصصات وبعدين هتدرس مواد الدين بتفصيل بس بعد 5 ابتدائى طبعا وكمان بنات بس ما فيها اختلاط الا فى الابتدائى بس
اما الاسلامى حلو زى الازهر لو عايزة تاسسى البنت اسلاميا
بس طبع هيجى وجع دمغ الثانوية العامة هتدخل كلية محترمة ولا لا
ولا معهد والمجاميع العليه وارتفاعها
انما فى الازهر الغات او الخاص لان الحكومى وحش جدا والاحسن الغات
بيهتموا جدا بكل الغات وبالطفل
اما لو محتارة بين لغات او عربى مع احترمى لكلام زوجك بالعكس انا كنت فى خاص واخويا عربى الفرق بين بعض بين السما والارض وهو دلوقتى بياخذ دروس انجليزى واهلى ندموا انه ما دخلهوش معايا
انا قلتلك تجربتى ووجهة نظرى واكيد الى يريحك يا قمر