مرحبا
شخباركم وعساكم بخير يا رب ؟؟؟؟
اليوم عندي موضوع وهو هوس الكثير من البنات وهو (تخسيس الوزن ) … وأتمنى إنه ما يكون مكرر واتمنى إني الآقي تفاعل منكم وراح ايكون الموضوع متجدد
الطريقه اهي :
كل وحده حابة تخسر وزن من وزنها راح تكتب لنا التفاصيل التالية وعليها راح ايكون في نوع معين من الرياضة والاكل اللي يناسبها ويناسب وزنها
وملاحظه : انا طبعا راح اكتب لكم كل وحده اللي يناسبها بالاستعانه باخصائية تغذية ودكتورة في نفس الوقت يعني شي طبي وصحي في نفس الوقت
وهذه الاخصائية والدكتورة هي اللي تشتغل عندي في النادي اللي تكلمت لكم عنه سابقاً … وطبعا انا للحين ما فتحته بس قلت بدال ما اهي جاية بس جذي خليني استفيد وافيدكم علشان الكل يحصل على الشي اللي يبيه إن شاء الله
ومن شروط التفاعل ايكون الالتزام بكل ما تقوله لكم الدكتورة والاخصائية
المعلومات المطلوبة :
(الاسم النيك نيم يعني )
العمر
الوزن الحالي
الطول
نوعيه الاكل اللي تاكلها العضوة
الرياضة اللي تمارسها العضوة
طبيعية العمل (ربه بيت .. موظفه في المكتب.. موظفه خارج المكتب)
الحاله الصحية :
الامراض المزمنه إن وجدت
الاصابات إن وجدت
التحسس من نوع معين من الاطعمه او الاشربة
وطبعا راح تعطي الدكتورة والاخصائية كل وحده اللي يناسبها على حسب حالتها
وبعد أحب اقول إنه بهاي الطريقه لا تتوقعون من البداية الخسارة الكبيرة في الوزن مثل ما يقولون بعض البنات كمثال خسارة عشرة كيلو في اسبوع مثلا لان هاي السوالف تسبب هبوط القلب والجلطات الدماغية والقلبية في المستقبل القريب الله يبعدنا ويحفظنا إن شاء الله … يعني راح تخسرين الوزن بشكل صحي وطبيعي وبدون أمراض او مضاعفات صحيه
وتمنياتي للجميع بالتوفيق والصحه
ما شاء الله
الموضوع جميل
والله يقدرج وتقدري تساعدي البنات ..
في ميزان حسناتج ان شاء الله
موفقه
فديتج التفاصيل ع الخاص او العام ؟؟
للتوضيح فقط
مرحبا حبيبتي وتسلمين على مشاركتج بالموضوع
بالنسبة للمعلومات على العام افضل علشان الكل يستفيد … بس الاسم نبغي بس اسمج في المندى يعني موب اسمج الحقيقي
بتـــوفيـق شجــوني ,, تم التقيــم
اذا زاد وزني بجي وياكـــم بس الحين ,,,<<عاد بالاحــــــــــــلام 
نبي بــرنامج حق زيــاده الوزنـ ,, من الشاطره تتبـرع تسوي لنــــــــــا
الحب اسأليها عن حبوب اسمه Pharmaton capsules شنو الفائدة منه عطاني اياه دكتور علي الظن اهو فيتامينات بس بعد ابي اعرف الى شنو يالضبط
يسعدني اني اكون اول المشاركات
الانسه العجوز
38
90
163
سلطه زبادي جبن حليب دجاج لحم سمك مقلي او مشوي كورن فلكس رشاقه
لاامارس اي رياضه
موظفه مكتب
لااعاني من امراض ولله الحمد والمنه
مشكووورة على البادرة الطيبة والحلوة منك ,,, جزاكي الله الف خير
انا طولي 163 ووزني حاليا بين ال 56 و57 فأعتقد اني بالسليم ولا لاء ؟
بس حابة استفيد من هالموضوع لزوجي ممكن! تحت اسمي اكيد وانا اللي حتابع اكيد ,, ممكن؟
°•◦● ₪ °•◦● ₪°•◦● ₪
حلو الموضوع حبيبتي
بس وزني الحمد لله تمام
~
°•◦● ₪ °•◦● ₪°•◦● ₪
انا انا انا انا 
>>>>ازعآآآآج ابغى انزل بس نزول وزني مره بطيئ وصعب وهدفي اوصل لـ 58 الاسم مدوخه حبيبها بدلعها 
العمر ؟
21
الوزن الحالي؟
60
الطول؟
154
نوعيه الاكل اللي تاكلها؟
الصراحه اكلي عادي بس تخفيف وانا اكل وجبه باليوم اللي هي وجبة العشا
واوقات اكل وجبة الفطور
الرياضة اللي تمارسها ؟
المشي بس مو بشكل مستمر
طبيعية العمل (ربه بيت .. موظفه في المكتب.. موظفه خارج المكتب) ؟
الحاله الصحية ؟
الحمدلله مااعاني من شي
الامراض المزمنه إن وجدت ؟
الحمدلله لايوجد
الاصابات إن وجدت؟
لايوجد ولله الحمد
التحسس من نوع معين من الاطعمه او الاشربة ؟
اوقات اتحسس من الروبيان
يـلله بأنتظـــارك قلبووو