كتبت قصتي عشان الكل يتفائل ويكون ايمانكم بالله قوي و انه الي ياي فحياتكم افضل من الحين
ببدأ قصتي وبختصار بعد ما كملت 16 سنه اتقدملي شاب عن طريق الاهل ووافقت وابويه سأل عن هالريال والكل يمدحه واهله ناس طيبين وامه طيبه بصوره فضيعه
المهم قالولي لازم يشوفج وتشوفينه ووافقت وصار النصيب وتزوجته وسوالي عرس ما كنت احلم فيه
وانا فهسن كنت دايم احلم بفارس احلامي الرمنسي وبالاستقرار والعيال وانه تكون لي اسره سعيده واكثر شي انه يكون لي حبيب الي هو زوجي رمنسي وحنون ويدلعني دلع الي انا اتمناه
واتمنى انه يكون لي عيال واحسن تربيتهم لاني احب الاطفال وايد
الحين ببدأ قصتي الكل ينتبه ببدأ قصتي
الزوج الاول
الحمد لله اتزوجت وكنت وايد فرحانه الله بيكون لي شريك حياتي وحبيبي وفرحتي ما تنوصف
لكن من ثاني يوم لزواجي طلبت الطلاق كان وايد قاسي عندي من اول لليله :confused::confused
ومن الصبح اتصلت لاهلي وقلتلهم طلقوني ما اباه قالولي انتي صغيره وما تفهمين فالعرس هذا شي طبيعي وسكت 😮
وطبعا انا من مشاهدين الافلام المصريه ومتاثره بقصص الحب:wink:
بعد ما تزوجت اكتشفت ان ريلي هادي فوق ما اتصور وقليل الكلام بصوره فضيعه فقلت يمكن فتره وبيتغير وكنت احس بحبه لي بس ما يتكلم ولا يسولف عندي الكلام الي كان يدور بينا اكلت اكلتي بروح انام بنروح نزور اهلج بنزور اهلي وبس وما قدرت افهمه والسبب قلة كلامه ولا عرفت عنه اي شي وكان وايد غامض وصرت احس اني عايشه فالبيت بروحي محد يكلمني وما انكر انه كان يطلعني ويلبيلي كل طلباتي وحتى لو طلعنا ما نتكلم والصراحه ما قدرت احبه والسبب هو وكنت احس انه انسان غريب متعقد من شي مع انه كان ناجح فشغله
وكنت كل ما اكلم امي تقولي انتي بعدج صغيره ومش فاهمه الحياه الزوجيه اقولها ما اعرف اي شي عن زوجي ما يتكلم ولا يسالني اي سؤال قالتلي انتي كلميه وكل ما كنت ابغي ابدا معاه بالكلام يقولي بروح انام بعدين بنتكلم والصراحه تعبت وايد وقلت مش هذا فارس احلامي الي كنت اتمناه وكنت عايشه فبيت بروحي فعرضت عليه اني اعيش فبيت اهله وهو وافق قلت ارحملي على الاقل اتكلم عند امه وخواته والصراحه طيبين وايد وايد
ونتقلت وعشت عند اهله وبديت اشتكي لاخته الكبيره وهي كانت تكلمه وتنصحه ويقولها ان شاء الله بس ما اشوف اي تغيير والصراحه اتندمت اني اتزوجت وقلت بكمل دراستي على الاقل انشغل فشي ولما اتزوجت كنت اول ثانوي وكملت وخلصت الثانويه وهو ما تغير وفنفس الوقت ما رزقت بعيال وحسيت اني وايد صبرت عليه وقلت لازم اكلمه واقوله انه الحياه الزوجيه مشاركه فكل شي
وانا لحد الحين ما اعرف عنك شي والصراحه كان طيب وتكلمت معاه وقلتله اذا ما تغيرت احسن ننفصل وهو انسان متعلم بس ما ادري شو مشكلته وقالي ارجوج لا تتركيني انتي انسانه طيبه وانا ما بحصل وحده مثلج ووعدني انه يتغير لكن ما تغير
ورحت بيت اهلي وطلبت اطلاق ورفض انه يطلقني وقالي انه بيروح عند دكتور يتعالج وكنت متاكده انه ما بيروح وما راح وتميت فبيت اهلي سنه وهو يحاول يرجعني بس انا كنت مصره على الطلاق
لاني صبرت عليه ثلاث سنين وكان عندي امل اني احصل فارس احلامي الي اتمناه وفشهر رمضان
صليت صلاة الاستخاره اذا اطلق ولا لا وكنت احس انه هالانسان ما بستمر عنده وبعد العيد طلقني
والصراحه وايد فرحت لاني ما حسيت وانا معاه اني متزوجه وحسيت انها انحسبت عليه زواجه وانا ما حسيت اني اتزوجت
وبديت ادعي ربي انه يعوضني بزوج ثاني ويكون فارس احلامي
وفيوم من الايام وكنت مخلصه عدة الطلاق انعزمت فعيد ميلاد بنت صديقتي
بكمل قصتي بس اصبروا عليه
العتب
شوقتينا خيتو يلا كملي
احنا بالانتظار
تحياتي:روحي تحبه