والله وحشتوني ..
ادري اني طولت بس شو اسوي ولدي … حمودي طاح ذيك الطيحه في المستشفى من حساسية الصدر والزجام ..
بقولكم قصته من الطقطق للسلام عليكم
تاريخ 9/11 كان عنده تطعيم وديته الساعه 11 يوم شافووه قالولي ما نقدر نطعمه الولد مب رايم يتنصخ وديه الحين مستشفى الوصل بسرعه ………………….. خوفوني 😥
قلتلهم بس هو ما عنده فايل في الوصل هو مولود في مستشفى دبي .. قالولي بنعطيج رساله عاجلة بسرعه تسيرين الوصل تسويله اشعه … المهم وديته دخلوه عند الدكتور ..فحصه وقالي سويلة اول بخار بعدين ودية الاشعه وديته وخلصت ويوم رجعت عند الدكتورة قالت الحمدلله صدرة مافي شي بس من الجو صدرة مصطك وصوت واضح .. للازم نحطله بخار كل نص ساعه … الين المغرب بنشوووف شو بيصير ..
صار المغرب والولد مثل ما هو قالوا لازم يتنوم في المستشفى .. اسبوع كامل وانا ما شفت الدنيا والرقاد طار من عيني ..
المهم كل يوم كانوا يخففون عنه البخار … يعني :
اول يوم كل نص ساعه يحطووولة … ويحطون نوعين من الادوية
وثاني يوم وثالث يوم كل 4 ساعات ..
ورابع وخامس يوم كل 6 ساعات..
واليوم السادس والسابع كل 6 ساعات بس كانوا يحطون نوع واحد من الدواء
والحمدلله طلعنا بالسلامه وشفنا الدنيا .. اتخيلوا اسبوع كامل محبوسة في غرفة المستشفى … يااااااا ويلي
فديته…. صورته وهم حاطيلة البخار .. ويوم هو راقد ويوم هو يلعب .. وان شاء الله بحطلكم الصور…
يا جماعه انا مسافرة بالثلاثاء والين الحين ما طعمته … اليوم كنت بودية .. بس امي قالتلي حرام توه طالع من المستشفى خلية يرتاح شوي …
شو رايكم … متى اطعمه … ؟؟
وعن البخار قالولي استخدمية وقت الحاجه بس انا ما ابا اعوده علية ..
وسمعت ان جهاز البخار يسوي الربو .. صح هالكلام ولالا..؟؟
[line]
عندي سؤال ثاني عن وجبة الاطفال …..!!
مثل ما تشوفون ان ولدي الحين عمرة 6 شهور وكمن اسبوع ما بديت الين الحين معاه بالدجاج ( وهل مسموح لي اني اعطيه السمك)
وقررت اني ابدأ من باجر ..
بس اذا ممكن تقولولي كيف اضيفهم مع الخضار (يعني كيف اطبخه وخاصتا السمك اذا هو مسموح) …؟؟
وكيف اسويله شوربة الخضار …؟؟
لو سمحتوا بالتفصيل ابا الشرح للاني فاشلة فالطبخ ………….:pain:
برأيي التطعيم طعميه في اقرب فرصة بما انك بتسافرين, يمكن الله لا يقوله ياخذ حمى اوشيء.. بعيد الشر عنه.. وبعدين كلها زيارة ساعة زمن وتردين..
لي عودة ان شاءالله بشأن الطعام ..
و الحينه كله تقولنا ما اقدر انسى المكان اللي كان فيه .. اسمع صوت واحد يتشهد .. تقول كنت احس اني في مقبرة و عزرايل في كل مكان ..
و كل يوم اقول الحينه بيقولون ولدج مات بس الحمدالله الحمدالله طلع حمني بخير و عافيه و يكفخ بنتي يتحراها لعبه
و عطوها البخاخ و قعدنا يومين ندور النوع اللي خبرونا عنده .. و عطته يمكن حوالي اسبوع
بس يوم شافته بخير و ما يحتاج و قفته على طول
و عن الاكل انا بعدني مب قادره اخلي بنتي تشرب العصير هههههههههههه
يعني معقولة ما عندكم عيال ….
حرام عليكم ابا ااكل ولدي وانا غبية في سوالف المطبخ …
ليش مافي في قلوبكم رحمة …. ارحموا هذا الطفل …
:cry::cry::cry::cry:
تقدرين تعطينه الدجاج من نص السادس حبه صغيييييره اول مره طبعا تحطينها مع العيش والخضار الين يستوي…
وعندج الشوربه…قطعي الخضااار..كوسه جزر بطاطا …واضيفي الماء..وشوي كويكر اللي هو الشوفان وخليه يفور على النار الين تستوي الخضار لينه خاصة البطاطا والجزر تاخذ وقت….تقدرين تحطين ذره ملح او قطعه صغيييره ماجي عشان الطعم بس…وعقب اخلطيه في الخلاط …كل مره تقدرين تضيفين نوع جديد من الخضار مثلا مره بروكلي…ومره بازيلاء..ومره لوبياء…ومره فاصوليا…..وبس مايباله شي…
ان شاء الله البنات ما بيقصرون معاك
بس حبيت ادعي لك