اذا كان الزوج والزوجه يعملان من يصرف على البيت 2024.

[السلام] السلام عليكم ورحمة الله وبركاته[/السلام]
[بسمله] بسم الله الرحمن الرحيم[/بسمله]
بغيت اطرح هالموضوع وان شاء الله يكون ما انطرح من قبل:o

السؤال انه من من الزوجين يصرف على البيت اذا كانوا اثنينتهم يشتغلووون

وكيف ممكن يوزعون بيزاتهم على حاجات البيت..وهل تكون هناك اي حساسيه بسبب البيزات…….الله يخليكم لو كل وحدة اتقول لنا شو جدولها مع ريلهافي توزيع البيزات لاحتياجات البيت…….يالله يالمتزوجات العاملات افيدونا بخبرتكم.

الله يخليكم اتفاعلوا ويالموضووووع لأنه جدا مفيدعلى المقبلين للزواج والمتزوجين ايضا

اشكرك على هذا الموضوع الحلو
مع اني كنت اريد اطرحه لانه في بالي من زمان بس انت سبقتيني:shy::shy:

انا كنت طالبة لما تزوجت بس الحين مطلقة واريد استفيد من الاخوات لاني الحين اشتغل و افكر لو ارتبطت مرة ثانية ايش اسوي :smile::smile:

وعندي سوال اضيفه لموضوعك

اذا كنتوا الاثنين تساهمون في مصاريف البيت …. هل يعطيك مصروف ولا لا ؟؟؟ وكم يعطيك؟؟؟؟

هذا السوال لان النفقة على الرجل وبسسببها كانت القوامة له!!!!

تحياتي ام عادل

المفروووض لو ان الزوجة تشتغل الريال يصرف على البيت ….لكن احيانا اذا كان في عجز مادي بالنسبة للرجل فالحرمة لآزم تلعب دور واتقسم فلوسها هي وريلها علشان يسدون النقص ويعيشون حياة مستقرة ….

شكرا لك على الموضوع…من ناحيتي انا وزوجي نعمل وبنفس الشركة:down:……..
انا استلم راتبي وهو يستلم راتبه…….في البداية فتحنا حساب مشترك في البنك و بدون فائدة……هو يضع راتبه في البنك للمشتريات واللوازم الشهرية و الاولاد….وانا يبقى راتبي معي للضرورة…و توفير احتياجاتي…..و احاول غالبا دفع لوازم الحضانة ومتطلباتها…….واخذ مبلغ صغير جدا منه لوضغها في حساب اولادي المشترك للزمن…لانه حسابنا نحن الزوجين دائما صفر:o…يعني يرروح راتبي مع راتبه في هالايام هذه….حيث كل شى غالي والرواتب جدا متدنية:down:

السلام عليكم ورحمة الله وبركاته

:pain:

و الله يا أختي موضوع حساس و انا ما تزوجت و ما انوضعت بمثل هالموقف و لكن بما أني عاملة أعتقد ان بساعد بجزء من مستلزماتي الشخصية و الكماليات ممكن أشيلها عنه ، بس الاشياء الاساسية لازم هو يصرف عليها مثل الاكل و الشرب بس مثلا مستلزماتج من كياج و لبس ممكن تشيليها عنه

هذا رأيي

بالنسبة لي انا راتبي خاص لي ولاحتياجاتي وحق عيالي بس مافي مانع اني اشتري اغراض البيت واذا احتاج زوجي اكيد ماراح ابخل عليه لان اهو بعد ماراح يبخل علي وطبعا ما ننسى التوفير جزء من الراتب حق المستقبل:smile:

السلام عليكم …

أنا وزوجي نشتغل ومعاشنا تقريبا نفس الشي …

أهو الي يصرف على البيت بشكل كامل وانا أدفع راتب الشغاله ومصروفي الخاص ..

وبعدين ما فيه فرق بين راتبي وراتبه المهم انه نص راتبنا انوفره عن طريق الجمعيات …

[السلام] السلام عليكم ورحمة الله وبركاته[/السلام]

تسلمووووون خواتي على مروركم للموضوع وتفاعلكم معايا…..:smile:….وانا الصراحة استفدت وايد من افكاركم الحلوة……..ولسمحووو لي على التاخير في الرد عليكم

b6b6
انا معاش يا اختي في التفكير وتسلميلي على الرد

ندوش
العفو يا اختي والله صدقش كل شي هالايام غالي بس حلوة فكرة الحساب للعيال

ريم81
الصراحة حلوة فكرتش وتفكيرش الصراحة سليم

bardana
صح كلامش يا اختي وفعلا ما ننساهم يوم يكونو محتاجين لأنهم ما بخلو علينا يوم احنا احتجناهم

عجيبه
والله انش عجيبه يا اختي عجيبه بفكرة الجمعيات وهو توفير وايد سليم للبيزات

:clap::clap::clap:

ولا ننسى اخواتي انه احنا لازم نزكي ونتصدق ببيزاتنا بين فترة وفترة علشان اتزيد البركة ببيزاتنا وعيالنا

الزوجفيكلالاحوال