ازيكم يابنات المنتدى انا هنا عضوه قديمه بس ديه اول مره اعمل فيها مشاركه و بجد محتجالكم فى موضوعى ده
انا ليا واحده قريبتى ححكيلكم حكيتها من طقطق لسلاموعليكوم زى ما بيقولو و اتمنى سعة صدركم لى 😮
قريبتى ديه زمان اوى كان نفسها تتجوز و خلاص مهما كانت الأسباب عمرها ما حسبتها لنفسها سابت بالدها و راحت عاشت فى حته تانيه و تانزلت عن كل شئ لكن اهلها على قد مايقدرو مسبوهاش
المهم بعد ماتجوزت كانت كل خناقه مع جوزها يطلقها و يمين يقع و يمين يقولو موقعش كان كله بسبب انها لازم تخلف ولد و لما جابت الولد قالها لازم تخويه فاجبت بنت برضه لحد ما بقى عندها اربع بنات و ولد واحد المهم جوزها كان دايما كسلان و مش بيحب الشغل و اعتمد على ورثه الى سابهولو ابوه و لاما قرب الورث يخلص بقى يعمل مشاريع فاشله كل مشروع ميكملش حتى سنه و يخسر و يفشل و يعد فى البيت و يعمل مشاكل معها و مع اولاده لكن هى الحق يتقال ربتهم احسن تربيه بس طبعا الظروف كانت قويه عاليها و استحملت كتير لحد ماكبرو واحده اخصائيه و واحده دكتوره و واحده مدرسه و الولد دخل كليه كومبيوتر و البنت الصغيره كلية تربيه ……. المهم بعد 27 سنه جواز طلقها و باع الشقه الى هما كانو عايشين فيها و اخد معاه الولد و بكل بساطه لم هدومه فى شنطه و سابهم ماشى راح لأخواته يصرفو علية و هو راجل كبير عندو 55 سنه ……
اخوات قربيتى دى جابولها بيت ايجار و بقو يساعدوها لحد البنات ما اتخرجو و اشتغلو و تقريبا ابتدو يقفوا على رجليهم و طبعا لسه بيسعدوهم لحد دلوقتى …….. و فى ظل ده كله طبعا البنات اكيد اتعقدوا من الظروف المرة الى مرو بيها و كانو بيرفضو العرسان عشان ميحصلهومش زى مامتهم لحد ماجه وقت و كان خلاص لازم يتجوزو و يعيشو حايتهم جاتلهم المصيبه ان اى عريس بيروح للبوهم او اعمامهم بيرفضوه من غير سبسب و يوقفوا المراكب السايره ……. لحد ما بنت من البنات عرفت واحد بيشتغل معاها و زميلها و اتقدملها و امها رحبت ده يوم المنى لما واحد فيهم تتجوز او تتخطب
جابت اهلها هى (اهل الأم) عشان يتفقو فى مصلحة البنت جه اهل العريس قالو لازم ابوها طالما هو عايش راحت البنت لأبوها و كان رده ان لازم امها تتنازل عن القضايا و تبريه من كل مستحقتها عشان بس يكون وليها مش اكتر :ss::ss::ss::confused:
البنت نزلت من عندو بتعيط و بتدعى عليه و تقول ربنا يخدو :rolleyes: المهم اتنازلت مامتها عشان تجوزها و برته و عملو الخطوبه و من هنا بقى تيجى القصه المؤلمه ؟؟؟؟؟؟؟؟؟؟؟؟؟؟؟؟:confused::confused:
البنت ديه كانت اكتر واحده بتصلى و تعرف ربنا بعد ما أتخطبت بطلت تصلى و اتقلبت 180 درجه و بقت تقل ادبها على امها و اخوتها و كل كبيره و صغيره فى بتهم تحكيها لخطبها و طبعا هما بنات و قاعدين لوحدهم يعنى معندهمش راجل فأستغل النقطه ديه و قعد ينطلهم كل شويه و معملش حرمه للبيت خالص و بقى يعاكس اخواتها و يتلصص النظر عليهم و هما معدين يططاول على اخوتها بكلام جارح و هى ولا كأنها شايفه اى حاجه مسح شخصيتها نهائى و اكيد طبعا كل يوم و التانى مشكله بس من غير فايده البنت مش بتتعلم
المهم هى كانت فترة خطوبتها صغيره و بعد ثلاث شهور خطوبه دخلو فى الجد ابتدو يتكلمو فى الأساسيات المؤخر و الشقه و قايمة العفش طبعا مامتها عايزه تأمنها و خصوصا انه راجل تافه و كان خاطب قبل كده واحده تانيه و جايبلها شقه ايجار جديد و قريب من بيت ام خطيبته الأولى
جت ام البنت رفضت و قالتلو طالما جايب ايجار غيرها ايه المشكله و دورولو و جابولو شقه تانيه بنفس السعر مرضاش ولا رضى يكتب مؤخر ولا قايمه ولا عاوز يتنازل على اى حاجه مع العلم انه قد 3 شهور يدخل و يطلع من البيت عندهم حتى ميجبش معاه ولا حاجه خالص ياكل و يشرب و يمشى و حاجات تانيه كتير اوى فسرت انه بخيل اوى و كمان طلعت البنت انها بتديلو فلوس من ورا مامتها المهم مامتها حطت العقده فى المنشار و البنت خاصمتها اسبوع بحاله يا أما يعمل الى هى عاوزه ياأما يسبها و خصوصا انه امكنياته ضعيفه و طلع كداب و مش كويس تخيلو الولد قال ايه قال خلاص زى مادخلنا بالمعروف نطلع بالمعروف
تانى يوم البنت لمت هدومها و راحت لأبوها و سابت امها و الولد راح لأمها و قالها ابعدى عننا حتجوزها عصب عنك و ام الولد راحت شتمتها هى و اخت الولد و البنت امها اتصلت بيها تقولها ملكيش دعوه بيهم ياأما حخليهم يعملولك محضر عدم تعرض 
و طبعا ابو البنت انتهز الفرصه و حددلها معاد للفرح بعدها بشويه كام اسبوع شوفت الولد ماشى مع واحده تانيه و قالع الدبله :confused::confused: و قبل الفرح بأسبوعين جه ابوها مااااااااااااااااااااات
و مكنش بيصلى لحد اخر يوم فى عمره ربنا يرحمه بس محدش من ولاده بيترحم عليه
و ساب وصيه لأخواته انهم لازم يجوزو البنت و ميرجعوهاش لأمها و مفيش شهر بعد ما توفى و كانو كتبو كتاب البنت و جوزها و هى دلوقتى فى بيتها و امها بتعيط ليل نهار لحد ما جتها زبحه من كتر الزعل ان بنتها حتى ما جتلها لتصالحها قبل جوازها و لا فرق معاها اخوتها ولا شئ خااااااااااالص
يارب احفظنا انا حاولت اصلح كتير و حاولت ابصر البنت لكن دون جدوى
ياريت رأيكم بالموضوع لأنه يؤرقنى و مش عارفه ممكن اعمل ايه بعد كده لتصليح الأمور
و معلش طولت عليكم
ياعزيزتي المشاكل في العيلة دي مترسبة ولها جزور من زماااااان وبجد حالهم يحزن وصعب كمااااان
بس انتي عملتي اللي عليكي كفيتي وفيتي جزاكي الله خير حاولت تصلحي بين البنت وامها لكن البنت دي مالها كبير يعني امها هانت عليها والشيطاان لعب بعقلها والكلام مافاد معاها ربنا هو اللي شايف وعارف وحيجازيها على اللي بتعمله في امها … والله يكن في عون الام كفايه اللي شافته في حياتها من زوجها
ماعليكي غير الدعاء للأم والدعاء للبنت بالهداية …..
اختى رجاء الحلوه اشكرك على الرد والله انا لحد دلوقتى بحاول و و بابعتلها رسائل هاتفيه و لكن البنت لا ترد على لو والدتى عرفت والله حتزعل منى جدا لأن كل الناس زعلانه منها جدا لأنها حتى مفرقتش معها امها الى شالتها تسعة اشهر و ارضعتها عامين والله انا حزينه جدا خصوصا انى بعيده عن بلدى و مفيش فى ايدى حاجه اعملها انا بنزل بلدى مره كل عام و اتمنى خالص دعائكم……………
كما تدين تداااااااااااان
اللى أمها عملته زمان فى أهلها
بيتعمل فيها هى دلوقتى واللى هى شافته مرار
بنتها هتشوفه نفسه ولا هتقدروا تعملوا شىء ده
إنتقام ربنا من كل اللى يعق أهله
أنتوا قولوا ربنا يهدى البنت وترجع لعقلها
ويصبر قلب أمها
لأن هذا تقدير الله وإنتقامه ومافى مخلوق يقدر يقف
أمامه
وربنا يصلح حالهم ويفك كربهم
كل هالمصائب بسبب تركها للصلاة و ابتعادها عن الدين
ولا حوله ولا قوه الا بالله