أولاً حبيت اقول أنا ولد مو بنت ..
عندي مشكلة وما لقيت احد يدلني على حل … لإني تقريبا خجلان اسأل احد
وطبعا ما بخجل منكم .. وبعرض عليكم القضية ..
قبل عيد الاضحى بيوم .. قررت اسوي لشعري تمليس عند أحد الصالونات ..
وسويت تمليس .. حسيت شعري إنه قبل التمليس كان احسن ..
هو شعري مو ناعم وايد .. بس عاادي يعني حلوو
بس قلت يمكن يصير احلى بالتمليس بس ما تغير شئ
عاد من قبل يومين رحت امشط شعري على جدام شوي لإنه حسيت ان شعري يتساقط
انشحن المشط كله شعر .. شعري يتساقط بكثرة .. ومو عارف شالحل ..
مع العلم ان شعري مو طويل وايد طوله يمكن صبعة وحدة .. يعني يوصل لأنفي تقريبا
وانا خايف اصير اقرع لإنه يحت .. ومو عارف شالحل .. ياليت تساعدوووني
تره مالي غيركم .. ولا تحسسوني إن انا غريب ولا تخلوني اندم ان استشرتكم ..
مع خالص تحياتي .. من البحرين ..
لإنه مابي اروح لدكتور وفضايح وعفسه وحاله ..
اذا عندكم زيت او كريم زين خبروووني عنه ..
أنا سمعت بشئ اسمه بديل الزيت ((بانتين)) يقولون هذا زين ..
عذباء .. عدلتي على موضوعي بس ما رديتي عليه .. ليش عاد !!
انتظر الباقي ..
اخوي.. بالفعل الافضل الذهاب للطبيب
وعموما مستحضرات فرد الشعر اغلبها مضر .. إما تسبب التساقط او تحرق الشعر..
بالامكان تجربة الزيوت الهندية مثل دابر املا.. او جوز الهند.. وايضا زيت الخروع.. أغلبهاا يساعد على منع التساقط..وانبات الشعر. تدهن بها الفروة مع مساج لدقائق وتترك على الشعر بضع ساعات ثم يغسل الشعر كالمعتاد.
والبانتين جيد وينعم وسمعت انه يوجد كريم او بلسم يقلل التساقط.. لكن لم اجربه
تحياتي..
إختي الحب الحزين
شكرا على المرور بالموضوع وعلى النصيحة ..
وانتظر الباقي !
ومنه هالزيت زين للتساقط على قولة البنات
روح الطبيب اذا كان من التمليس ومشكور
شوف اخوي
أنا فريت موضوع بالمنتدى للاخت سعوديه بكل فخر وهذا نصه
 |
اقتباس |  |
 |
| بسم الله الرحمن الرحيم
السلام عليكم ورحمة الله وبركاته حبيبتي شعرك خفيف تتمنين يكثر ويصير غزيــــــــــــــــــــر وماتتعاملين إلا مع الربطات الكبيره تعالي معي وخلينا نتبع هالطريقه ولك مني الوعد ان شعرك بيكثر: قبل لانبد ابيك ماتكونين حساسه وماتحبين ريحة الثوم خليك قويه وماعليك من احد صح الناس بيهجون منك وبتاخذين كم كلمه عالطاير بس كله يهون عشان الشعـــــر الكثير… 1_ فصين ثوم … 2_ قصيه من النصف…. 3_ ابدأي بفركه على فروة رأسك لمدة تتراوح مابين5 إلى 10 دقائق …. 4_ اغسلي شعرك بعد ربع ساعه فقط…. داومي عليه يبيله وقت… ترا ينفع بعد للمناطق الصلعاء نعوذ بالله من الصلع …. اتمنى منكم تطبيقه وتشوفون النتيجه المبهره……. السلام عليكم …….. |
||
 |
 |
بس أخوي اعتقد ما يصير تدخل هالقسم لانه """للنساء فقــــــــــــــــــــــــــط"""